1 SIANGPAHRANG 1:39 - Lai (Hakha) Common Language Bible 2006

³⁹ Khika ah tlangbawi Zadok nih thlam chung khan chiti chiahnak ki cu a lak i Solomon kha a thuh. Cun muko kha an tum i, mi vialte nih khan, “Solomon Siangpahrang cu saupi nung ko seh!” an ti.

1 SIANGPAHRANG 1:39 Խաչաձեւ Հղումներ

SALM 89:20

Ka sal David cu ka thim cang i nan siangpahrang ah ka ser cang.

1 CHANRELNAK 29:22

cun cu ni ah cun Bawipa hmaiah lunglawm ngaiin an ei i an ding. Cun David fapa Solomon cu siangpahrang ah a voi hnihnak an ser ṭhan i amah cu Bawipa ca i bawi ah chiti an thuh i Zadok cu tlangbawi caah chiti an thuh.

1 SIANGPAHRANG 1:34

cun tlangbawi Zadok le profet Nathan nih khan khika ah Israel mi vialte cung i siangpahrang ah chiti thuh hna seh; cun muko kha tum u law, ‘Solomon Siangpahrang cu saupi nung ko seh!’ ti in au u.

1 SAMUEL 10:24

Cun Samuel nih mizapi sinah cun, “Bawipa nih a thimmi hi nan hmu maw? Mi vialte lakah amah bantuk ahohmanh an um lo,” tiah a ti. Cun mi vialte nih khan, “Siangpahrang cu saupi nung ko seh,” tiin an au.

2 CHANRELNAK 23:13

cun a hei zoh tikah luhnak ka ah khan siangpahrang cu a tungpi pawng i a dir i siangpahrang pawngah cun haotu pawl le muko tumtu hna an um le ramchung mi vialte cu an i lawm i muko an tum i an hlasatu pawl hna nih an awdawh tumnak thilri hna he conglawmh tuahnak cu an hrui hna kha a hmuh. Cun Athaliah nih a puan kha a thleh hna i, “Rawinak a si! Rawinak a si!” tiah a au.

2 CHANRELNAK 23:11

Cun siangpahrang fapa cu a rak chuahpi i bawi luchin cu a chinh i hngalhternak bia kha a pek; cun siangpahrang a si tiah an thanh i Jehoiada le a fapa hna nih khan chiti an thuh i, “Siangpahrang cu saupi nung ko seh!” tiah an ti.

2 SIANGPAHRANG 11:12

Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

1 SIANGPAHRANG 1:25

Zeitintiah nihin ni ah hin a vung kal i cawtum hna le cenhmi saṭil thauthau hna le tuu hna kha tam piin a thawi hna i siangpahrang fapa vialte le ralkapbu haotu Joab le tlangbawi Abiathar kha a sawm hna i zohhmanh, a hmaika ah cun an ei an ding i, ‘Siangpahrang Adonijah cu saupi nung ko seh,’ tiah an ti.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.

1 SIANGPAHRANG 1:40

Cun mi vialte nih khan an hun zulh i thonglawi kha an tum pah i an i lawm ngaingai, an thawngpang nih vawlei kha a tlerh dih.

2 SIANGPAHRANG 9:1

Khi tikah profet Elisha nih profet fapa hna lakin pakhat kha a auh i, “Na taisawm i sawmh law hi chiti thawl hi i put, cun Ramoth-gilead ah va kal.

2 SIANGPAHRANG 9:13

Khi tikah an dihlak in khulrang in puan kha an i lak cio i hleihlak karao ah cun an phahpiak i muko kha an tum i, “Jehu cu siangpahrang a si,” tiin an thanh.

2 SIANGPAHRANG 11:14

cun a hei zoh tikah, a phung ningin siangpahrang cu tungpi hram i a dir i siangpahrang pawng i ralkapbu haotu hna le muko tumtu hna an um i cu rammi vialte an lung aa lawmh i muko an tum kha a hmuh. Cun Athaliah nih cun a puan kha a thleh hna i, “Rawinak a si! rawinak a si!” tiah a au.

EXODUS 30:35

zihmui sertu nih a ser bangin zihmui ser tuah. Cite na thlah lai, a thiangmi le a zarhmi zihmui a si lai.

1 SIANGPAHRANG 2:15

Cun amah nih cun, “Pennak hi keimah ta a rak si i Israel mi vialte nih amah nih a kan pen lai tiin an rak ka ruah dih ko, ti kha na hngalh; sihmanhsehlaw pennak cu a lu taw aa let i ka unaupa caah a cang, zeitintiah Bawipa nih a pekmi a si.