1 SIANGPAHRANG 1:37 - Lai (Hakha) Common Language Bible 2006

³⁷ Siangpahrang bawipa sinah Bawipa cu a um bang khan, cu bantuk ṭhiamṭhiam in Solomon sinah um seh law, a bawi ṭhutdan cu ka bawipa David Siangpahrang i a bawi ṭhutdan nakin nganter deuh seh,” tiah a ti.

1 SIANGPAHRANG 1:37 Խաչաձեւ Հղումներ

1 SIANGPAHRANG 1:47

Cuhleiah siangpahrang sinum hna nih khan David Siangpahrang kan bawipa cu, ‘Na Pathian nih Solomon min cu nangmah min nakin minthang deuh ah ser seh law a bawi ṭhutdan cu na bawi ṭhutdan nakin nganter deuh seh,’ tiin lawmhpi awkah an ra. Khi tikah siangpahrang nih cun ihkhun cungah cun a lu a khun.

1 SAMUEL 20:13

Sihmanhsehlaw ka pa nih nangmah cu harnak pek an duh sual a si ahcun, him tein na kal nakhnga, cucu nangmah sinah ka phuan lo i kan kalter lo a si ahcun, Jonathan cungah Bawipa nih cu bantukin tuah seh law, cu nak tam zongin tuah ko seh. Ka pa sinah Bawipa cu a um tawn bantukin nangmah sinah um ko seh.

JOSHUA 1:17

Moses kha zeizong vialte ah a bia kan ngaih bantuk tein nangmah bia zong kan ngaih lai; amah belte, Bawipa na Pathian cu Moses sinah a rak um bang khan na sinah um ve ko seh!

JOSHUA 1:5

Na nunchung vialte ahohmanh na hmai i a dir khomi an um lai lo; Moses sinah ka um bang khan, nangmah sin zongah ka um lai; kan deuh lai lo i kan hlaw fawn lai lo.

ROM 8:31

Hi vialte hi kan lung chungah i chiah in zeitindah kan ti lai? Pathian cu kanmah lei i a ṭan ahcun aho nih dah an kan doh khawh lai?

DANIEL 7:14

Bawinak le sunparnak le siangpahrang ṭhawnnak kha amah cu pek an si i cucaah miphun zakip le holh phun zakip nih a rian kha an ṭuan. Bawi a sinak cu zungzal in a hmunmi bawi sinak, zeitikhmanh ah a dong lo ding a si i siangpahrang ṭhawnnak a ngeihmi cu zeitikhmanh i hrawh khawh lomi ṭhawnnak a si.

ISAIAH 8:10

Khua cu khang lengmang ko u, sihmanhsehlaw nan khuakhanmi cu thlua an chuak bal lai lo. Nan duh zat in chim u, sihmanhsehlaw pakpalawng an si ko lai, zeicahtiah Pathian pei kan sinah a um cu.

SALM 89:27

Amah cu ka fater ah ka ser lai i siangpahrang vialte lak i a ngan bik ka siter lai.

SALM 72:8

A penmi ram cu rili pakhat in rili pakhat tiang a si lai i Zufrates tiva in vanhramdeng tiang a si lai.

SALM 46:11

Lianhngannak he a khatmi Bawipa cu kan sinah a um; Jakob Pathian cu kan himnak a si. Selah

SALM 46:7

Lian Ngan Bawipa nih a kan umpi, Jakob Pathian cu kan himnak a si. Selah

2 CHANRELNAK 1:1

David fapa Solomon cu a ram chungah khan fek tein a um i Bawipa a Pathian cu a sinah khan a um i fak piin a nganter.

1 CHANRELNAK 28:20

Khi tikah David nih a fapa Solomon cu a thawh i, “Ṭhawng ngai le ralṭha ngaiin um law ṭuan tuah. Ṭih hlah, na lung dong hlah; zeicahtiah Bawipa Pathian, keimah i ka Pathian hrimhrim cu na sinah a um. Bawipa inn chung rianṭuannak ca i rian vialte cu lim a si hlantiang amah nih cun an deuh lai lo i an hlaw fawn lai lo.

2 SIANGPAHRANG 2:9

An tan dih tikah Elijah nih Elisha cu, “Nangmah sinin lak ka si hlan ah hin zeidah kan tuahpiak lai, ka hal tuah,” tiah a ti. Cun Elisha nih, “Na thlarau hi a let hnih in ka coter tuah tiah kan nawl,” a ti.

2 SAMUEL 24:3

Sihmanhsehlaw Joab nih siangpahrang cu a thawh i, “Bawipa na Pathian nih, siangpahrang ka bawipa nih a mit in a hmuh khawh lioah, atu i nak hin let za khat in mi cu chap ko hna seh; sihmanhsehlaw zeicahdah mah bantuk tuah hi siangpahrang ka bawipa nih hin na duh?” tiah a ti.

EXODUS 3:12

Pathian nih cun, “Keimah nih kan umpi lai i keimah nih nangmah kha kan thlah ti cu hi nih hin a langhter lai. Cucu zeidah a si lai ti ahcun, Izipt ram in na chuahpi hna tikah khan hi tlang ah hin nan ka biak lai,” a ti.

1 SIANGPAHRANG 1:36

Cun Jehoiada fapa Benaiah nih khan siangpahrang cu a leh i, “Amen! Bawipa, siangpahrang ka bawipa i Pathian nih cun cu bantukin chim ve ko seh.

1 CHANRELNAK 29:25

Cun Bawipa nih Israel mi vialte hna mithmuh ah Solomon cu upatnak ngan a pek i amah hlanah Israel mi chung i siangpahrang ahohmanh a rak pek hna lomi siangpahrang sunparnak kha amah cu a pek.