1 SIANGPAHRANG 1:34 - Lai (Hakha) Common Language Bible 2006

³⁴ cun tlangbawi Zadok le profet Nathan nih khan khika ah Israel mi vialte cung i siangpahrang ah chiti thuh hna seh; cun muko kha tum u law, ‘Solomon Siangpahrang cu saupi nung ko seh!’ ti in au u.

1 SIANGPAHRANG 1:34 Խաչաձեւ Հղումներ

1 SIANGPAHRANG 1:25

Zeitintiah nihin ni ah hin a vung kal i cawtum hna le cenhmi saṭil thauthau hna le tuu hna kha tam piin a thawi hna i siangpahrang fapa vialte le ralkapbu haotu Joab le tlangbawi Abiathar kha a sawm hna i zohhmanh, a hmaika ah cun an ei an ding i, ‘Siangpahrang Adonijah cu saupi nung ko seh,’ tiah an ti.

2 SAMUEL 15:10

Sihmanhsehlaw Absalom nih Israel mi phun vialte hna sinah khan a thli tein lamkal a thlah hna i, “Muko thawng kha nan theih cangka, ‘Absalom cu Hebron ah siangpahrang a si!’ tiah nan ti lai,” tiah a ti hna.

1 SAMUEL 10:1

Cun Samuel nih chiti thawl kha aa chuah i a lu ah khan a toih i a hnamh i, “Bawipa nih a mi Israel mi hna cung i bawi si awkah chiti an thuh a si lo mei? Cun Bawipa mi cu na uk hna lai i an pawngkam i a ummi an ral hna kut chung khan na khamh hna lai. Cun Bawipa nih amah ro cung i bawi si awkah chiti an thuh cang, ti hmelchunhnak cu mah hihi a si lai.

2 SIANGPAHRANG 11:12

Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

2 SIANGPAHRANG 9:13

Khi tikah an dihlak in khulrang in puan kha an i lak cio i hleihlak karao ah cun an phahpiak i muko kha an tum i, “Jehu cu siangpahrang a si,” tiin an thanh.

2 SIANGPAHRANG 9:3

Khi tikah chiti thawl kha i lak law a lu ah toih law, ‘Hi bangin Bawipa nih, Nangmah cu Israel mi siangpahrang ah chiti kan thuh, a ti,’ tiah va ti. Cun innka kha hung law, zam; bualcam hlah,” tiah a ti.

1 SIANGPAHRANG 19:16

Cun Nimshi fapa Jehu cu Israel siangpahrang si awkah chiti na thuh lai; cun Abel-meholah khuami Shafat fapa Elisha kha nangmah changtu profet si awkah chiti na thuh lai.

2 SAMUEL 5:3

Cucaah Israel upa vialte cu siangpahrang sinah cun Hebron ah khan an ra i Siangpahrang David nih Bawipa hmaiah Hebron ah khan anmah he biakamnak a ser i annih nih David cu Israel mi cung i siangpahrang ah chiti an thuh.

1 SAMUEL 16:3

Cun Jesse kha raithawinak ah cun va sawm law, nangmah nih zeidah na tuah awk a si kha kan hmuhsak lai; cun a min kan chimhmi kha nangmah nih chiti cu na ka thuhpiak lai,” tiah a ti.

2 SIANGPAHRANG 11:14

cun a hei zoh tikah, a phung ningin siangpahrang cu tungpi hram i a dir i siangpahrang pawng i ralkapbu haotu hna le muko tumtu hna an um i cu rammi vialte an lung aa lawmh i muko an tum kha a hmuh. Cun Athaliah nih cun a puan kha a thleh hna i, “Rawinak a si! rawinak a si!” tiah a au.

LAMKALTU 10:38

Cu thil lianngan cu, zeitindah Pathian nih Nazareth khuami Jesuh kha Thiang Thlarau le ṭhawnnak a toih i Pathian nih a umpi caah zeitindah khuazakip ah aa chawh i khuachia ṭhawnnak tangah a ummi vialte a damter hna kha a si.

ISAIAH 45:1

Sairas cu Bawipa nih a thimmi siangpahrang a si! Bawipa nih amah cu miphun tampi kha tei awkah a fial; siangpahrang kha an lianhngannak phawih awkah a thlah: Bawipa nih khua kulhnak hau kutka hna kha a hunpiak lai. Bawipa nih Sairas cu a thawh i,

SALM 89:36

Tefa a ngei zungzal hna lai i ni a tlan chung paoh cu a pennak kha keimah nih ka cawnghpiak lai.

SALM 89:20

Ka sal David cu ka thim cang i nan siangpahrang ah ka ser cang.

SALM 45:7

a hmaanmi thil ṭha kha na duh i a ṭha lomi thil kha na huat. Cucaah cun Pathian, na Pathian nih khan a rak in thim i midang nakin tam deuh in lunglawmhnak kha an toih.

2 CHANRELNAK 23:11

Cun siangpahrang fapa cu a rak chuahpi i bawi luchin cu a chinh i hngalhternak bia kha a pek; cun siangpahrang a si tiah an thanh i Jehoiada le a fapa hna nih khan chiti an thuh i, “Siangpahrang cu saupi nung ko seh!” tiah an ti.

2 SIANGPAHRANG 9:6

Cucaah a tho i inn chungah a lut; cun tlangval nih cun chiti kha a lu ah a toih i, “Hi bangin Bawipa, Israel Pathian nih, ‘Nangmah cu Bawipa mi, Israel mi hna cung i siangpahrang ah chiti kan thuh.

2 SAMUEL 2:4

Cun Judah mi kha an ra i khika ah David cu Judah hrin siangpahrang caah chiti an thuh. David kha, “Saul a vuitu cu Jabesh-gilead mi an si,” tiah an chimh tikah,

1 SAMUEL 10:24

Cun Samuel nih mizapi sinah cun, “Bawipa nih a thimmi hi nan hmu maw? Mi vialte lakah amah bantuk ahohmanh an um lo,” tiah a ti. Cun mi vialte nih khan, “Siangpahrang cu saupi nung ko seh,” tiin an au.

1 SIANGPAHRANG 1:35

Cun nannih nih nan hun zulh lai i a ra lai i ka bawi ṭhutdan ah a ṭhu lai; zeitintiah amah cu keimah hmun ah siangpahrang a si lai; cun amah cu Israel le Judah cung i uktu si awkah rian ka pek cang,” tiah a ti.

1 SIANGPAHRANG 1:39

Khika ah tlangbawi Zadok nih thlam chung khan chiti chiahnak ki cu a lak i Solomon kha a thuh. Cun muko kha an tum i, mi vialte nih khan, “Solomon Siangpahrang cu saupi nung ko seh!” an ti.