1 SIANGPAHRANG 1:33 - Lai (Hakha) Common Language Bible 2006

³³ Cun siangpahrang nih annih cu, “Nan bawipa sinum hna kha i kalpi hna u law, ka fapa Solomon cu keimah laa cungah khan citter u law, Gihon ah runpi u;

1 SIANGPAHRANG 1:33 Խաչաձեւ Հղումներ

2 CHANRELNAK 32:30

Hi Hezekiah ṭhiamṭhiam nih hin Gihon ti cunglei i a chuahnak kha a phih hna i David khua nitlaklei kamah khan a vun luanter hna. Cun Hezekiah cu a rian paoh ah khua awng a tong.

1 SIANGPAHRANG 1:38

Cucaah tlangbawi Zadok, profet Nathan le Jehoiada fapa Benaiah le Khereth mi hna le Peleth mi hna kha an vung kal i Solomon cu David Siangpahrang laa cungah khan an citter i Gihon ah an ratpi.

2 CHANRELNAK 33:14

Cun a hnuah David khua lengah khan Gihon nitlaklei nelrawn ah, Nga Kutka luhnak tiangin vampang a ser i Ofel kha a kulhter i sangpi ah a cawi; cun Judah ram chung khua hna ah khan ralkapbu haotu a chiah fawn hna.

1 SIANGPAHRANG 1:5

Cun Haggith fapa Adonijah kha amah le amah aa hlorh i, “Siangpahrang ka si lai,” tiah a ti i amah caah khan rangleng hna le rangcung ralkap hna le a hmai i a tli dingah minung sawm nga kha a timh hna.

LEVITIKAS 19:19

“Ka nawlbia kha nan ulh lai. Na saṭil cu phun dangdang he fa na ngeihter hna lai lo; na lo ah thlaici phun hnih na tuh lai lo; thil phun hnih in tahmi puan zong naa aih fawn lai lo.

GENESIS 41:43

Siangpahrang rangleng pahnihnak ah khan a citter i a cawngtu hna kha a hmai in an kal i, “Lam kian u,” tiah an au. Cuticun Josef cu Izipt ram vialte uktu bawi ah khan ser a si.

2 SAMUEL 13:29

Cucaah Absalom sinum hna nih khan Absalom i nawl a pek hna bangin Amnon cungah khan an tuah. Khi tikah siangpahrang fapa vialte kha an tho i an laa cio kha an i cit i an zam.

1 CHANRELNAK 29:22

cun cu ni ah cun Bawipa hmaiah lunglawm ngaiin an ei i an ding. Cun David fapa Solomon cu siangpahrang ah a voi hnihnak an ser ṭhan i amah cu Bawipa ca i bawi ah chiti an thuh i Zadok cu tlangbawi caah chiti an thuh.

1 SIANGPAHRANG 2:35

Siangpahrang nih Jehoiada fapa Benaiah cu Joab hmun ah khan ralkapbu cungah a chiah i siangpahrang nih tlangbawi Zadok cu Abiathar hmun ah khan a chiah.