1 SIANGPAHRANG 1:25 - Lai (Hakha) Common Language Bible 2006

²⁵ Zeitintiah nihin ni ah hin a vung kal i cawtum hna le cenhmi saṭil thauthau hna le tuu hna kha tam piin a thawi hna i siangpahrang fapa vialte le ralkapbu haotu Joab le tlangbawi Abiathar kha a sawm hna i zohhmanh, a hmaika ah cun an ei an ding i, ‘Siangpahrang Adonijah cu saupi nung ko seh,’ tiah an ti.

1 SIANGPAHRANG 1:25 Խաչաձեւ Հղումներ

1 SAMUEL 10:24

Cun Samuel nih mizapi sinah cun, “Bawipa nih a thimmi hi nan hmu maw? Mi vialte lakah amah bantuk ahohmanh an um lo,” tiah a ti. Cun mi vialte nih khan, “Siangpahrang cu saupi nung ko seh,” tiin an au.

1 SIANGPAHRANG 1:19

Amah nih cawtum hna le cenhmi saṭil thauthau hna le tuu hna kha tam piin a thawi cang hna i siangpahrang fapa vialte hna le tlangbawi Abiathar le ralkapbu haotu Joab kha a sawm hna, sihmanhsehlaw na sal Solomon cu a sawm lo.

1 SIANGPAHRANG 1:9

Adonijah nih khan tuu hna le cawtum hna le cenhmi saṭil thauthau hna kha Rulpi Lung. Enrogel pawng i a ummi ah khan a thawi hna i siangpahrang fapa a unau vialte le Judah ram i siangpahrang bawi hna cu an dihlak khan a sawm hna,

LUKA 19:38

“Bawipa min in a rami siangpahrang cu Pathian nih thluachuahnak pe ko seh. Vancung ah daihnak um seh law, Pathian cu sunparnak pek si ko seh,” tiah an au.

MATTHAI 21:9

A hmai i a kalmi hna le a hnu in a zulmi hna cu an bu ning piin an au i, “David Fapa cu thangṭhat ko u! Bawipa min in a rami cu Pathian nih thluachuah pe ko seh, Pathian cu thangṭhat ko u,” tiah an ti.

2 CHANRELNAK 23:11

Cun siangpahrang fapa cu a rak chuahpi i bawi luchin cu a chinh i hngalhternak bia kha a pek; cun siangpahrang a si tiah an thanh i Jehoiada le a fapa hna nih khan chiti an thuh i, “Siangpahrang cu saupi nung ko seh!” tiah an ti.

1 CHANRELNAK 29:21

Cun Bawipa sinah khan raithawinak an tuah i, a thaituan ah cawtum thong khat le tuutum thong khat le tuufa thong khat cu, an thlet thawinak hna le an raithawinak hna he khan, Israel mi vialte caah duhdim tein i za in khangh thawinak ah Bawipa sinah cun an pekchanh hna;

1 CHANRELNAK 29:13

Cucaah kan Pathian, nangmah cu kan in lawmh i a sunglawimi na min cu kan thangṭhat.

2 SIANGPAHRANG 11:12

Cun siangpahrang fapa kha a hun chuahpi i bawi luchin a chinh i hngalhternak bia kha a pek; cun annih nih siangpahrang ah an ser i chiti an thuh; an kut kha an bengh i, “Siangpahrang cu saupi nung ko seh!” an ti.

1 SIANGPAHRANG 1:34

cun tlangbawi Zadok le profet Nathan nih khan khika ah Israel mi vialte cung i siangpahrang ah chiti thuh hna seh; cun muko kha tum u law, ‘Solomon Siangpahrang cu saupi nung ko seh!’ ti in au u.

2 SAMUEL 16:16

Cun Arki mi Hushai, David hawi kha Absalom sinah a rat tikah, Hushai nih Absalom cu, “Siangpahrang cu saupi nung ko seh! Siangpahrang cu saupi nung ko seh,” tiah a ti.

MATTHAI 22:4

Cun a sinum a dang kha a thlah ṭhan hna i, ‘Rawl danghnak cu timh a si dih cang. Ka cawtum hna le ka saṭil thauthau hna cu ka thah cang hna. Zeizong vialte timh a si dih ko. Cucaah khulrang in rawl danghnak ah cun ra cang u,’ nan va ti hna lai, tiah a ti hna.

1 SIANGPAHRANG 1:24

Cun Nathan nih cun a thawh i, “Siangpahrang ka bawipa, nangmah nih, ‘Keimah hnuah Adonijah hi a rung bawi lai i ka bawi ṭhutdan ah a ṭhu lai,’ tiah na rak ti maw?

1 SIANGPAHRANG 1:39

Khika ah tlangbawi Zadok nih thlam chung khan chiti chiahnak ki cu a lak i Solomon kha a thuh. Cun muko kha an tum i, mi vialte nih khan, “Solomon Siangpahrang cu saupi nung ko seh!” an ti.

1 SIANGPAHRANG 2:15

Cun amah nih cun, “Pennak hi keimah ta a rak si i Israel mi vialte nih amah nih a kan pen lai tiin an rak ka ruah dih ko, ti kha na hngalh; sihmanhsehlaw pennak cu a lu taw aa let i ka unaupa caah a cang, zeitintiah Bawipa nih a pekmi a si.

2 SIANGPAHRANG 9:13

Khi tikah an dihlak in khulrang in puan kha an i lak cio i hleihlak karao ah cun an phahpiak i muko kha an tum i, “Jehu cu siangpahrang a si,” tiin an thanh.

2 SIANGPAHRANG 11:14

cun a hei zoh tikah, a phung ningin siangpahrang cu tungpi hram i a dir i siangpahrang pawng i ralkapbu haotu hna le muko tumtu hna an um i cu rammi vialte an lung aa lawmh i muko an tum kha a hmuh. Cun Athaliah nih cun a puan kha a thleh hna i, “Rawinak a si! rawinak a si!” tiah a au.