1 SAMUEL 31:7 - Lai (Hakha) Common Language Bible 2006

⁷ Cun ralchan ah a ummi Israel mi hna le Jordan tiva ral ah a ummi hna nih Israel mi kha an zam i Saul le a fapa hna kha an thi, ti an theih tikah, an khua kha an chuahtak hna i an zam; cun Filistin mi kha an ra i an khua kha an rawlh hna.

1 SAMUEL 31:7 Խաչաձեւ Հղումներ

1 SAMUEL 13:6

Israel mi nih harnak chungah kan um ti kha an hmuh tikah (zeitintiah annih cu fak piin an det hna) mi hna cu lungkua hna le khor hna le lungpi chung hna le thlan chung hna le ti inn chung hna ah an i thup,

BIACEIHTU 6:2

Cun Midian kut nih cun Israel cu a tei; Midian ruang ah cun Israel mi hna nih tlang i a ummi khor hna le lungkua hna le ralhau hna cu an i ser.

DEUTERONOMI 28:33

Nan hngalh lomi miphun nih nan vawlei le nan rianṭuanmi theitlai cu an ei dih lai i, nannih cu hrem le lamhchih lawng nan si lai;

LEVITIKAS 26:36

Nannih lak i a tangmi hna tu cu, an ral hna ram chungah an lung chungah lungdernak ka umter lai; hnahchawl aa hninmi thawng nih a zamter hna lai i vainam lak i zam bantukin an zam lai i ahohmanh i dawi lo ah an thi lai.

LEVITIKAS 26:32

Ram cu ka hrawh cikcek lai i cu caah nan ral hna cu a chung i an um tikah an khuaruah a har lai.

1 SAMUEL 31:6

Cuticun Saul le a fapa pathum hna le a ralthuam putu le a mi vialte cu ni khat ah hmun khat ah an thi.

1 SAMUEL 31:8

A thaizing ah Filistin mi hna nih a thimi kha an thilthuam hawh awk i an rat tikah, Saul le a fapa pathum Gilboa Tlang i an thih kha an hmuh hna.

1 SAMUEL 13:7

a cheu nih Jordan tiva kha a tannak hmun hna ah khan an tan i Gad le Gilead ram ah an zam. Saul tu cu Gilgal ah khan a um ko i mi vialte nih khan therphang lengmang in an zulh.