1 SAMUEL 30:22 - Lai (Hakha) Common Language Bible 2006

²² Khi tikah David sin i a kalmi miṭhalo hna le misual hna nih khan an thawh i, “Annih cu kan sinah an kal lo caah kan va lak ṭhanmi hranchaw hi zeihmanh kan pe hna lai lo, amah belte, an nupile le an fale cio kha i hruai hna seh law, kal ko hna seh,” tiah an ti.

1 SAMUEL 30:22 Խաչաձեւ Հղումներ

MATTHAI 7:12

“Mi nih kan cungah tuah hna seh ti nan duh bantuk khan midang cung zongah va tuah ve u; hihi Moses Nawlbia le profet hna cawnpiaknak an sullam cu a si.

DEUTERONOMI 13:13

mi zeirualo a cheukhat nih nannih lakah an kal i cu khua chung i a ummi hna cu an pialter hna i, nan hngalh lomi pathian hna cu, ‘Kal u sih law, pathian dang kha bia hna u sih,’ tiah an ti nan theih ahcun,

1 SIANGPAHRANG 21:13

Cun mi ṭhiṭhalo pahnih hna kha an ra i a hmaiah khan an ṭhu; cun mi ṭhiṭhalo hna nih khan mi zapi hmaiah cun Naboth cu bia an puh i, “Naboth nih Pathian le siangpahrang kha chiat a serh hna,” an ti. Cucaah khua lengah an chuahpi i thi lakin lung in an cheh.

1 SIANGPAHRANG 21:10

cun mi ṭhiṭhalo pahnih in amah hmaiah cun chia hna u law, ‘Nangmah nih Pathian le siangpahrang chiat na serh hna,’ tiin bia puh hna seh. Cun chuahpi u law thi lakin lung in chep u,” tiah a ṭial.

1 SAMUEL 25:25

Ka bawipa nih hi michiakha, Nabal hi zei ah relpiak loin um ko seh, zeitintiah a min bantukte hi amah cu a si ko; Nabal a min a si bang, mihrut a si ko; sihmanhsehlaw ka bawipa nangmah na tlangval na rak thlahmi hna cu keimah na salnu nih hin ka rak hmu hna lo.

1 SAMUEL 25:17

Cucaah mah hihi hngal law zeidah ka tuah lai ti kha i ruat tuah; zeitintiah kan bawipa le a innchungkhar vialte cung i ṭhat lonak tuah kha timh a si cang, amah hi ahohmanh nih chawnh khawh loin michiakha a si fawn ṭung,” tiah a ti.

1 SAMUEL 22:2

Cun harnak a tongmi paoh le leiba a ngeimi paoh le a lung a tling lomi paoh nih khan amah cu an fuh; cun annih hna haotu ah a cang. Cun amah sinah cun mi za li tluk an um.

BIACEIHTU 19:22

Cun annih nih thanuam in an um lioah khan, zohhmanh, cu khua chung i zei ruaram lomi hna nih cun inn kha an kulh i innka kha an cumh len. Cu inn ngeitu tarpa kha, “Na inn ah a lutmipa kha kan theihhngalh nakhnga hun chuahpi tuah,” tiah an ti.

1 SAMUEL 30:21

Cun David cu mi za hnih, an baat tuk ca i David a zul kho lo i Besor varek i an kaltakmi hna sin kha a ra phan; cun annih nih David le a sinah a ummi hna kha ton awkah an kal; cun David nih a hei phak deng hna tikah khan conglawmhnak a pek hna.

1 SAMUEL 30:23

Sihmanhsehlaw David nih a thawh hna i, “Ka u le ka nau hna, hi bantukin Bawipa nih a kan pekmi thil kongah nan tuah hnga lo; kannih kha a kan zuah i a kan dohtu bu kha kan kut chungah a kan pek cang.