1 SAMUEL 3:9 - Lai (Hakha) Common Language Bible 2006

⁹ Cucaah Eli nih Samuel sinah cun, “Va kal law, va it ṭhan ko; cun an kawh ṭhan ahcun, ‘Chim tuah, Bawipa, zeitintiah na salpa nih a theih ko,’ tiah na ti lai,” tiah a ti. Cucaah Samuel cu a kal i a umnak ah khan a va it ṭhan.

1 SAMUEL 3:9 Խաչաձեւ Հղումներ

EXODUS 20:19

Moses kha an thawh i, “Nangmah nih bia cu kan chim ko, na chimmi cu kan ngaih ko lai, sihmanhsehlaw Pathian nih a kan chimh ahcun kan thi lai,” an ti.

ISAIAH 6:8

Cun Bawipa nih, “Ahodah ka fial lai? Ahodah ka lamkal a si lai?” a ti kha ka theih. Kei nih, “Keimah ka kal lai! Ka thlah tuah,” tiah ka leh.

SALM 85:8

Bawipa Pathian i a chimmi bia cu ka ngai lai, hruh lam a simi lam, kan lam kha kan zulh ṭhan lo caah a mi kannih hi daihnak kha a kan kamh.

LAMKALTU 9:6

Tho law khua chungah khan va lut tuah, khika ah na tuah awk hnga kha an rak in chimh lai,” tiah a ti.

DANIEL 10:19

A ka thawh i, “Pathian nih an dawt, cucaah na thinphang hlah, na caah zeizong vialte a ṭha dih ko lai. Na lung ṭhawng ko,” tiah a ti. Bia a ka chimh dih tikah ka thazang cu a hung tlung ṭhan i, “Ka chawn ko, bawipa, zeicahtiah thazang na ka pek cang,” tiah ka ti.

1 SAMUEL 3:8

Cun Bawipa nih Samuel cu a voi thumnak a kawh ṭhan. Cun a tho i Eli sinah khan a va kal i, “Hika ah hin ka um, na ka auh caah,” a va ti. Bawipa nih ngakchiapa kha a auh tiah khi tikah Eli nih a hun hngalh.

1 SAMUEL 3:10

Cun Bawipa cu a ra i a rung dir i voi dang bantuk khan, “Samuel! Samuel!” tiah a auh. Cun Samuel nih, “Chim ko, zeitintiah na sal nih a theih,” tiah a ti.

JOSHUA 5:14

Cun anih nih, “Sihlah; sihmanhsehlaw Bawipa ralkapbu hruitu in ka ra,” tiah a ti. Cun Joshua cu vawlei ah a bawk i a biak i, “Ka bawipa nih a salpa a fialmi cu zeidah a si?” tiah a ti.

SALM 85:9

Amah a upatmi khamh awkah khan aa tim zungzal ko i kan ram chungah hin a sunparnak cu a um zungzal lai.