1 SAMUEL 29:4 - Lai (Hakha) Common Language Bible 2006

⁴ Sihmanhsehlaw Filistin mi ralbawi hna kha a cungah an thin a hung i Filistin mi ralbawi hna nih cun amah cu, “Mipa cu hmun na ruahpiakmi ah khan kirter ko; raltuknak hmun ah cun kan sinah kal hlah seh, raltuknak hmun ah khan kan ral ah a cang sual ai hnga. Kan mi hna cu a thah hna hnga i a thahmi hna lu cu a bawipa he i rem ṭhannak caah thilṭha bik an si ko hnga lo maw?

1 SAMUEL 29:4 Խաչաձեւ Հղումներ

1 SAMUEL 14:21

Cun cu caan hlan i Filistin mi sin i a um i an sinah an riahhmun i a hung kalmi Hebru mi hna hmanh kha, atu ah cun, Saul le Jonathan sinah a ummi Israel mi hna sin i um awkah an i mer.

1 CHANRELNAK 12:19

David cu Saul doh awkah Filistin mi hna he an rat tikah, Manasseh mi cheukhat cu a sinah khan an zam. A ngaingai ti ahcun, Filistin mi kha a bawm hna lo, zeicahtiah Filistin siangpahrang hna nih khan hmasa a bawipa Saul sinah khan a kan lei sual lai ti an phang i Ziklag ah an kirter.

LUKA 16:8

Cu thil zohkhenhtu mihrokhrawlpa cu a bawipa nih khan cu bantukin fim ngaiin thil a ti caah a thangṭhat; zeicahtiah hi vawlei cung mi hna hi an thil tining ah ceunak mi hna nakin an fim deuh,” tiah a ti.

1 SAMUEL 27:6

Cucaah khi ni ah Akhish nih Ziklag khua kha a pek; cucaah pei nihin tiang hin Ziklag khua cu Judah siangpahrang hna ta a si cu.

1 SAMUEL 29:9

Cun Akhish nih David cu a leh i, “Nangmah cu keimah mit hmuh ah, Pathian vancungmi tlukin soi awk um lo na si ti kha ka hngalh ko; asinain, Filistin mi ralbawi hna nih khan, ‘Raltuknak hmun ah kan sinah kal hlah seh,’ an ti cang.

1 SAMUEL 30:1

David le a mi hna cu a ni thumnak ni ah Ziklag kha an phak tikah, Amalek mi nih Negeb le Ziklag kha an rak hranh hna. Ziklag kha an rak tei i mei in an khangh i

EXODUS 1:10

An tam chin lengmang ti nakhnga lo an cungah fim ngaiin kan ṭuan a hau lai. Ral a thawh sual ahcun kan ral hna sin tu ah khan an i ṭawm lai i kanmah kha an kan doh lai i kan ram hin an chuak lai,” a ti hna.

1 CHANRELNAK 12:20

Anih cu Ziklag i a kal ah khan hi Manasseh mi hna hi a sin i an zam cu a si: Cu hna cu Adnah, Jozabad, Jediael, Michael, Jozabad, Elihu le Zillethai, Manasseh chung i a thong pawl haotu bik hna kha an si.