1 SAMUEL 26:18 - Lai (Hakha) Common Language Bible 2006

¹⁸ Cun anih nih, “Zeicahdah ka bawipa nih hin a salpa hi a dawi lengmang ko hnga? Zeidah ka tuahmi a um? Zei mawhnak dah ka kut chungah a um?

1 SAMUEL 26:18 Խաչաձեւ Հղումներ

1 SAMUEL 24:9

Cun David nih Saul cu, “Zeicahdah, ‘Zohhmanh, David nih nangmah fahnak kha a kawl,’ tiin an timi hna bia kha na ngaih?

JOHAN 18:23

Jesuh nih cun, “Ahmaan lomi bia ka chim a si ahcun, hika i a ummi hna hi cucu ahmaan lo tiah chim hna. Sihmanhsehlaw ka chimmi cu ahmaanmi a si ṭung ahcun, zeicahdah na ka bengh?” tiah a leh.

JOHAN 10:32

Annih kha Jesuh nih cun a thawh hna i, “Ka Pa nih a ka fialmi thil ṭha tampi nan hmaiah ka tuah hna; hi thil hna lakah hin a zei ruangte ah hin dah lung in cheh nan ka duhnak cu a si?” tiah a ti hna.

JOHAN 8:46

Nan lakah hin ka sualnak a ka hmu khotu aho tal nan um maw? Biatak kan chimh ko hna, zeicahdah nan ka zumh duh lo?

SALM 69:4

Zei ruang lo ah a ka huatu hna cu ka lu cung sam nakin an tam deuh, ka ral an sinak kongah lih a chimmi hna cu an ṭhawng i thah an ka duh. Ka fir lomi thil kha an ka chamter.

SALM 35:7

Sullam zeihmanh um loin keimah foihnak ding caah rap an chiah i keimah tlaknak ding caah khor thukpi an cawh.

1 SAMUEL 17:29

Cun David nih, “Zei hen dah ka tuah i? Bia kaa khat chim thamtham cu,” tiah a ti.

SALM 119:161

Miṭhawng nih ding lo piin an ka serhsat, sihmanhsehlaw na phunglam cu ka hmaizah.

JEREMIAH 37:18

Cun Jeremiah nih Siangpahrang Zedekiah cu a thawh i, “Nangmah cungah siseh, na sinum hna cungah siseh, hi mi hna cungah hin siseh, zei palhnak dah ka tuah i thong ah nan ka thlak?

1 SAMUEL 20:1

Khi tikah David cu Ramah khua chung i Naioth khan a zam i Jonathan sinah a kal i, “Zeidah ka tuah? Zeidah ka mawhnak a si? Na pa hmaiah zeidah ka sualnak a si i ka nunnak a ka kawl hi?” tiah a ti.