1 SAMUEL 25:39 - Lai (Hakha) Common Language Bible 2006

³⁹ David nih Nabal kha a thi tiah a theih tikah, “Nabal kut ah ningzahnak ka hmuhmi phu a hlam i a sal kha ṭhat lonak tuah loin a ka khamtu Bawipa cu thangṭhat si ko seh; Bawipa nih Nabal cu ṭhat lonak a tuahmi kha amah lu cung lila ah a tlunter ṭhan,” tiah a ti. Cun David nih mi a hei thlah hna i Abigail kha a nupi caah an len.

1 SAMUEL 25:39 Խաչաձեւ Հղումներ

PHUNGTHLÛKBIA 22:23

Zeicahtiah annih cu Bawipa nih a dirpi hna lai i anmah an nunnak ca i a simi an thilri a lakpiaktu hna kha an thilri a chuh ve hna lai.

1 SAMUEL 25:34

Zeitintiah nangmah kha fahnak peknak in a ka khamtu Bawipa, Israel Pathian nih a nun hrimhrim bantukin, keimah ton awkah khan khulrang in rak ra hlah law, thaizing zingka ah cun Nabal caah hin pa pakhat hmanh an tang ti hnga lo,” tiah a ti.

1 SAMUEL 25:26

Cucaah cun ka bawipa, Bawipa a nun bantuk le na nunnak a nun bantukin, thisen chuah mawhnak le nangmah nih na kut hrimhrim in phuhlam tuahnak kha Bawipa nih tuah loin an umter caah, na ral hna le ka bawipa cungah ṭhat lonak tuah awk a kawlmi hna cu Nabal bantuk si ko hna seh.

SALM 7:16

Cuticun amah ṭhat lonak lila nih khan harnak a pek i amah puarhrannak lila nih khan fahnak a pek.

1 SIANGPAHRANG 2:44

Cun siangpahrang nih cun Shimei cu, “Nangmah nih ka pa David cungah ṭhat lonak na tuahmi vialte kha na lung chungin na hngalh ko; cucaah na ṭhat lonak cu Bawipa nih nangmah lu cung lila ah a kirter lai.

1 SAMUEL 25:32

Cun David nih Abigail cu a thawh i, “Bawipa, Israel Pathian, nihin i keimah ton awkah nangmah an thlahtu hi thangṭhat si ko seh!

1 SAMUEL 24:15

Cucaah Bawipa cu biaceihtu si seh law, nangmah le keimah karlak bia hi chat seh, ka zohpiak seh law ka bia hi ka chimpiak seh law, nangmah kut chung hin ka chuah ko seh,” tiah a ti.

2TIMOTE 4:18

Cun Bawipa nih ṭhat lonak vialte chungin a ka chuah lai i him tein a vancung Pennak ah cun a ka luhpi lai. Amah cu zungzal in zungzal tiang thangṭhat si ko seh. Amen.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

MIKAH 7:9

Bawipa cungah cun ka sual cang, cucaah a thinhunnak cu tu caan tlawmte chung cu ka in lai. Sihmanhsehlaw a donghnak ah cun keimah kha a ka ṭanh lai i ka cung i ṭhat lonak an tuahmi vialte kha ding tein a tuah ṭhan dih lai.

SOLOMON HLA 8:8

Farte fang khat hnuk bom lo kan ngei, Thai ngenh duh i kan daang kai ni ah, zeitin aan kan leh hna hnga?

PHUNGTHLÛKBIA 31:30

Iang hi hlen a hmang, dawh hi a ziam kho, Sihmanhsehlaw Bawipa a ṭihmi nu cu thangṭhat awk a si.

PHUNGTHLÛKBIA 31:10

Nupi ṭha cu hlawn nakin tampi in a sung deuh, cu bantuk mi hmuh bel cu a har hringhran!

PHUNGTHLÛKBIA 19:14

Inn le chawva cu pale sinin hmuhmi ro an si, Sihmanhsehlaw nupi fim cu Bawipa sinin hmuhmi laksawng a si.

PHUNGTHLÛKBIA 18:22

Nupi aa hmuhmi cu thil ṭha aa hmuhmi a si, Bawipa cu na cungah a ṭha ti kha a langhter.

ESTHER 7:10

Cun siangpahrang nih, “Cuka ah cun amah kha va thlai u,” a ti. Cucaah Mordekai ca i a phunmi thahnak tung ah khan amah Haman cu an thlai. Khi tikah siangpahrang thinhunnak cu a dam.

BIACEIHTU 5:2

“Hruitu hna nih Israel mi cu an hrui hna i Mizapi hna nih lungtho tein an i pek caah, Bawipa cu thangṭhat ko u.

2 KORIN 13:7

Kanmah kha a hlawhtlingmi kan si ti langhnak ding caah si loin, santlailo kan si ko hmanh ah nannih nih cun ahmaan lomi thil kha tuah loin ahmaanmi thil kha nan tuah nakhnga Pathian sinah thla kan cam.

1 SAMUEL 25:40

Cun David sinum hna cu Karmel tlang ah, Abigail sinah an phak tikah annih nih amah kha, “David nih nangmah cu a nupi si awk i va lak awkah nangmah sinah a kan thlah,” tiah an chimh.

1 SAMUEL 26:10

Cun David nih, “Bawipa nih a nun bangin, Bawipa nih a thah te ko lai; a si lo ah a thih ni cu a phan te ko lai; a si lo ah raltuknak hmun ah a kal lai i a lo tlau te ko lai.

2 SAMUEL 1:16

Cun David nih amah cu, “Na thi cu nangmah lu cungah va um ko seh; zeitintiah nangmah kaa hrimhrim nih, ‘Bawipa chiti thuhmi cu ka thah,’ tiin nangmah cung i biahngaltu a si,” tiah a ti.

ESTHER 9:25

sihmanhsehlaw Esther cu siangpahrang hmaiah a rat tikah, Judah mi hna cung i ṭhat lonak khua a khan mi kha amah lu cungah tla in amah le a fapa hna cu thlainak ah thlai an si nakhnga, caṭial in nawlbia kha a chuah.

SALM 9:5

Lawkihmi kha sual na phawt hna i miṭhalo kha na hrawh hna, annih cu hngalh ṭhan, ti a um ti lai lo.