1 SAMUEL 2:6 - Lai (Hakha) Common Language Bible 2006

⁶ Bawipa nih a thah tawn hna a nun zong a nunter tawn hna. Sheol ah a kalter tawn i a chuah zong a chuahter tawn hna.

1 SAMUEL 2:6 Խաչաձեւ Հղումներ

DEUTERONOMI 32:39

“ ‘Atu cu hngal tuah u, Keimah, keimah hi, amah cu ka si i Keimah hleiah pathian dang zeihmanh an um lo; Keimah nih ka thah, keimah nih ka nunter ṭhan, Keimah nih hma ka banh, keimah nih ka damter i Ka kut chungin a ka chut khotu ahohmanh an um lo.

ISAIAH 26:19

Kan mi hna a thimi kha an nung ṭhan lai! An pum kha a nung ṭhan lai. An thlan i a itmi vialte kha an i hlau lai i lunglawm in hla an sa lai. Dapti nih vawlei cu a hrinter ṭhan bantukin a thi ciami cu Bawipa nih a nunter ṭhan hna lai.

2 SIANGPAHRANG 5:7

Cun Israel siangpahrang nih ca cu a rel dih tikah a puan kha a thleh hna i, “Mi kha a that kho i a nunter khotu Pathian maw ka si i hi mipa nih hin mipa pakhat cu a thinghmui zawtnak damter awkah bia a rak ka cah? Ruat hmanh u law, zeitindah keimah he i siknak a kawl kha hngal tuah u,” tiah a ti.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

JOB 5:18

Zeicahtiah amah nih hriamhma an inter, Asinain amah lila nih an men ṭhan; Amah nih cun an tuk, sihmanhsehlaw a kut nih an damter ṭhan.

JOHAN 11:25

Jesuh nih Martha cu, “Keimah hi thawhṭhannak le nunnak cu ka si. Keimah a ka zummi paoh cu a thih hmanh thi seh law a nung lai;

MATTHAI 12:40

Ngapi chungah Jonah cu ni thum le zan thum a um bantuk khan Mi Fapa zong cu vawlei chungah ni thum le zan thum a um ve lai.

SALM 116:3

Thihnak nih a hri in a ka ṭem, Sheol nih a kut in a ka khimh. Ṭihnak le lung retheihnak in ka khat.

1 SAMUEL 20:3

Sihmanhsehlaw David nih a leh i, “Ka cung i dawtnak na ngeih kha na pa nih fiang tein a hngalh i, ‘Jonathan nih mah hi cu thei theng duh hlah seh, a lung lam a fak ai hnga,’ tiin a ruah lai. Sihmanhsehlaw biangai tein, Bawipa a nun bantuk le nangmah nunnak a nun bantukin, keimah le thihnak karlakah hin kar khat lawnglawng a um,” tiah a ti.

SALM 68:20

Kan Pathian cu mi a khamhtu Pathian a si, amah cu Bawipa kan Bawipa, thihnak chungin a kan chuahtu a si.

PHUNGCHIMTU 3:3

Thah caan a um, damter caan a um; ṭheh caan a um, sak caan a um;

EZEKIEL 37:3

A ka thawh i; “Mipa, hi ruh hi an nung kho ṭhan hnga maw?” tiah a ka ti. Kei nih ka leh i, “Nangmah lawnglawng nih na hngalh, Bawipa Pathian,” tiah ka ti.

EZEKIEL 37:12

Cucaah annih cu chim hna law, hihi Bawipa Pathian bia an si, tiah chim hna: Maw ka mi hna, nan thlan cu ka hun hna lai i an chung khan kan chuah hna lai i Israel ram ah kan kirter hna lai.

1 SIANGPAHRANG 17:22

Cun Bawipa nih Elijah aw kha a theihpiak i ngakchia cu a chungah khan a nunnak cu a lut ṭhan i a nung ṭhan.

SALM 30:4

Nannih a mithiang hna, Bawipa cu thangṭhat u; A Thiangmi Pathian nih a tuahmi kha philh hlah u law amah kha lawm u.

SALM 71:20

Ka cungah harnak le nganfahnak kha na tlunter, sihmanhsehlaw nangmah nih ka thazang kha na ka pek ṭhan lai i thlan chungin na ka khamh lai.