1 SAMUEL 18:8 - Lai (Hakha) Common Language Bible 2006

⁸ Cun Saul cu a thin a hung ngaingai i hi chimnak nih hin a lawmh loter ngaingai; aa thawh i, “David vial cu a sang sang that ah an rel i kei tu cu a thong thong that ceo ah an ka rel; pennak hi dah ti lo cu zeidah cu hleiah a ngeih ding a um ti?” tiah a ti.

1 SAMUEL 18:8 Խաչաձեւ Հղումներ

1 SAMUEL 15:28

Cun Samuel nih amah cu, “Bawipa nih Israel pennak cu nangmah sinin nihin ah hin a thleh cang i nangmah nakin a ṭha deuhmi na innpa sinah khan a pek cang.

PHUNGTHLÛKBIA 13:10

Uahfaihnak nih cun rem lonak lawng kha a chuahter. Sihmanhsehlaw aa nawl thiammi hawikom hna bu chungah cun fimnak a um.

JEIM 4:5

“Pathian nih kan chungah a chiahmi thlarau cu duhnak ṭihnung in a khat,” tiah Cathiang nih a timi kha sullam ngei lo a si tiah ruat sual hlah u.

ESTHER 3:5

Cun Haman nih Mordekai nih a ka kunpiak duh lo i upatnak a ka pe duh lo ti kha a hmuh tikah a cekne tiangin a runh.

1 SAMUEL 20:31

Zeicahtiah, Jesse fapa hi, vawleicung i a nun chung paohpaoh ahcun, nangmah siseh, na pennak siseh, a hmun bal lai lo. Cucaah mi hei thlah hna law, ka sinah ratpi u, zeitintiah a thi hrimhrim lai,” tiah a ti.

PHUNGTHLÛKBIA 27:4

Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

PHUNGCHIMTU 4:4

Zeicahdah minung nih hin tlamtlinnak ding caah fak piin rian a ṭuan ti zong kha ka hngalh cang: hawi nakin tam deuh ngeih an duh caah a si. Cucu pakpalawng a si ko, thlitu dawi men kha a si ko.

1 SIANGPAHRANG 2:22

Solomon Siangpahrang nih a nu cu a leh i, “A si ah, zeicahdah Shunam mi Abishag cu Adonijah caah na ka hal? Amah caah pennak zong hi halpiak ngat? Zeitintiah amah cu ka u pei a si i amah leiah tlangbawi Abiathar le Zeruiah fapa Joab kha an ṭan cu,” tiah a ti.

1 SAMUEL 16:13

Cun Samuel nih a chiti rawnnak ki cu aa lak i amah cu a unau hna lakah cun a toih; cun Bawipa thlarau cu cu ni thawk in fak piin David cungah a tlung. Cun Samuel cu a tho i Ramah ah a kal.

1 SAMUEL 13:14

Sihmanhsehlaw atu cu na pennak hi aa pehtlai lai lo; zeitintiah Bawipa nih amah duhning lungthin a pumi pakhat a kawl cang; cun nangmah nih Bawipa nih an pekmi nawlbia kha na zulh hna lo caah, a mi hna cung i bawi sinak kha Bawipa nih amah cu a pek cang,” tiah a ti.

NAMBAR 22:34

Cun Balaam nih Bawipa vancungmi sinah cun, “Ka sual cang, zeitintiah keimah donh awkah lam ah na rak dir ti kha ka hngal lo. Cucaah na mithmuh ah thil ṭhalo a si ahcun ka kir ṭhan ko lai,” tiah a ti.

NAMBAR 11:1

Cun mi hna nih cun Bawipa theih ah sifah retheih an innak ruangah khan an zai; mah cucu Bawipa nih a theih tikah a thinhunnak cu a alh i Bawipa mei cu annih lakah a kang i riahhmun kikam i a ummi riahbuk a cheu khat hna cu an kang dih.

1 SAMUEL 18:9

Cun cu ni thawk in Saul nih David cu a ngiat ziar.

1 SAMUEL 19:1

Cun Saul nih a fapa Jonathan le a sinum vialte hna kha, David kha nan thah lai, tiah a chimh hna. Sihmanhsehlaw Saul fapa Jonathan nih David kha a tlaihchan ngaingai.

GENESIS 37:8

A unau pawl nih cun, “Kan cungah siangpahrang ka si lai tiin dahra naa ruah? Nangmah nih cun maw na kan uk ko hnga?” an ti i a mang kong a chimhmi hna ruangah cun an huat chinchin.

GENESIS 37:11

Josef cu a unau pawl nih khan cun an nahchuah ngaingai, sihmanhsehlaw a pa nih cun thil vialte kha a lung chungin a ruah lengmang.