1 SAMUEL 18:30 - Lai (Hakha) Common Language Bible 2006

³⁰ Cun Filistin bawi hna kha raltuknak ah an ra chuak tawn i an ra chuah fate David cu Saul sinum vialte hna nakkhan a hlawhtling deuh; cucaah a min cu an thangṭhat ngaingai ko.

1 SAMUEL 18:30 Խաչաձեւ Հղումներ

2 SAMUEL 11:1

Ṭhal a hung chuak i siangpahrang hna nih raltuknak hmun i an kal tawn caan ah khan, David nih Joab le a sin i a ummi a sinum vialte hna le Israel mi vialte kha a thlah hna i annih nih Ammon mi kha an hrawh dih hna i Rabbah kha an dum. Sihmanhsehlaw David cu Jerusalem khua ah khan a um ko.

1 SAMUEL 18:5

Cun David cu Saul nih a kuatnak paoh ah khan a hlawhtling; cucaah Saul nih ralkap hna haotu ah khan a ser. Cun mah hihi mi vialte mithmuh le Saul sinum hna mithmuh zongah khan thil ṭha a si.

1 PETER 2:7

Hi lung hi, a zummi nannih caah cun lung man sung ngaingai a si, sihmanhsehlaw a zum lomi hna caah cun, “Inn satu pawl nih an hlawtmi lung kha lung santlai bik ah a cang,” timi kha a si.

1 PETER 2:4

Cucaah Bawipa sinah khan ra tuah u; amah cu a nungmi Lung, minung nih hlaw hmanh hna seh law Pathian nih a sungmi ah a relmi kha a si.

EFESA 5:15

Zeitindah kan nuncan a si ti kha ṭha tein i zoh u. Mihrut bantukin um hlah u, mifim bantukin um u.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

DANIEL 1:20

Siangpahrang nih zei bantuk bia hmanh ah siseh, zei bantuk thil har a chuakmi hmanh ah siseh, an ruahnak a hal hna fate, a ram chung dihlak i mitlehthiam hna le kutṭial zohthiam hna le camhthiam hna nakkhan a let hra in an hngal deuh ti kha a hmuh.

SALM 119:99

Na cawnpiaknak kha ka ruah hna caah, ka sayate vialte nakin ka hngal deuh.

SALM 116:15

A mi pakhatkhat an thih tikah Bawipa caah zeitluk in dah a fah!

2 SIANGPAHRANG 1:13

Cun siangpahrang nih ralkap sawm nga pawl phu thumnak a haotu le a mi sawm nga kha a thlah ṭhan hna. Cun sawm nga haotu pathumnak cu a kal i Elijah hmaiah cun a ra i a bawk i, “Maw Pathian mi, keimah ka nunnak le hi na sal mi sawm nga an nunnak hi na hmaiah a sungmi si ko seh.

1 SAMUEL 26:21

Khi tikah Saul nih, “Ka palh cang, ra kir tuah, ka fapa David, ka nunnak cu na mit ah nihin ah hin a sun caah na cungah harnak ka tuah ti lai lo; zohhmanh, ka rak hrut hrimhrim ko i fak piin ka palh cang,” tiah a ti.

1 SAMUEL 2:30

Cucaah Bawipa Israel Pathian nih, “Na chungle hna le na pa chungle hna cu zungzal in ka hmaiah an lut an chuak lai,” tiah ka rak ti taktak, sihmanhsehlaw atu cu Bawipa nih hitin a thanh: A si naisai ti lai lo, zeitintiah a ka upatmi cu ka upat hna lai i a ka zawmtaimi cu zei ah ka rel hna lai lo.

1 SAMUEL 18:29

Saul nih cun David kha a ṭih chinchin. Cucaah Saul cu David ral a si zungzal ko.

1 SAMUEL 26:24

Zohhmanh, nangmah nunnak cu keimah mit ah nihin ah a sun bantukin ka nunnak cu Bawipa mit ah sung ve seh law, temhinnak vialte chungin ka chuah ko seh,” tiah a ti.

1 SAMUEL 19:8

Cun ral a um ṭhan hoi i Filistin mi he i doh awkah David cu a kal, tampi a thah hna, cucaah a hmai in an zaam.

2 SAMUEL 7:9

cun khuazeika na kalnak hmanh ah nangmah sinah ka um i na hmai in na ral vialte kha ka hloh dih hna; cun vawlei cung i mi lianngan hna min bantukin min ngan kan serpiak lai.

PHUNGTHLÛKBIA 12:8

Na fim ahcun thangṭhatnak na hmuh lai, na hruh ahcun mi nih an in zohchuk lai.