1 SAMUEL 18:11 - Lai (Hakha) Common Language Bible 2006

¹¹ “David kha vampang ah hlinh chih ning,” tiah a ti i fei khan voi hnih a khawh. Sihmanhsehlaw David nih amah kha voi hnih a pianh manh.

1 SAMUEL 18:11 Խաչաձեւ Հղումներ

1 SAMUEL 20:33

Khi tikah Saul nih cun Jonathan cu a fei in a hei khawh i thah a zalh, cucun Jonathan nih khan a pa i David thah a timh taktak cu fiang tein a hngalh.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

JOHAN 10:39

Tlaih an timh ṭhan, sihmanhsehlaw a zuhtak hna.

JOHAN 8:59

Amah chehnak ah lung kha an i char, sihmanhsehlaw Jesuh cu aa thup i biakinn chung khan aa zuk.

LUKA 4:30

Sihmanhsehlaw zapi lak khan aa zuk i a lan.

PHUNGTHLÛKBIA 27:4

Thinhunnak hi a puar i thinlinhnak hi a hrang ko, sihmanhsehlaw nahchuahnak he cun tahchunh awk tlak hmanh an si lo.

HEBRU 11:34

mei ṭihnung kha an hmih i vainam thahnak in an luat. Annih cu an rak der, sihmanhsehlaw miṭhawng ah an cang, raltuknak hmun ah khan a ṭhawngmi an si i ramdangmi ralkap kha an tei hna.