1 SAMUEL 17:26 - Lai (Hakha) Common Language Bible 2006

²⁶ Cun David nih a pawng i a dirmi hna cu, “Hi Filistin mipa a that i hi thangchiatnak Israel mi sinin a ṭhialtu cu, a cungah zeitindah tuah a si hnga? Hi cuarpartan lomi Filistin mipa hi aho rialmal dah a hei si i Pathian nung ralkapbu a hei zawmhtaih hna hnga cu!” tiah a ti.

1 SAMUEL 17:26 Խաչաձեւ Հղումներ

2 SIANGPAHRANG 19:4

Assiria siangpahrang nih a nungmi Pathian zawmhtaih awkah a ralbawi ngan bik cu a rak thlah cang. Amah bia vialte cu Bawipa na Pathian nih a theih zong a theih ko cang lai i a theihmi bia cu pakpalawng ah a can zong a canter ko lai; cucaah a tang rihmi a tangmi tete hna caah hin thla cam tuah,’ a ti,” tiah an ti.

2 CHANRELNAK 32:17

Cun Bawipa, Israel Pathian kha nihsawh awk le zawmhtaih awkah ca a ṭial i, “Ram chung i a ummi miphun hna pathian hna, ka kut chungin an mi hna a chuah kho lotu hna bantuk khan Hezekiah Pathian nih hin a mi hna cu ka kut chungin a chuah kho hna lai lo,” tiah a ti.

NEHEMIAH 5:9

Cucaah ka thawh hna i, “Nannih nih nan tuahmi hi a ṭhalo. Kannih kan ral miphun dang hna mit hmuh soisel awk um lo kan si nakhnga Pathian ṭih bu tein nan nun awk a si.

SALM 44:13

Kan cung i na tuahmi kha kan innpa nih an hmuh i an kan nihsawh i capo ah an kan saih.

SALM 74:18

Sihmanhsehlaw maw Pathian, na ral nih an in serhsat kha philh hlah; annih cu mihrut an si i nangmah cu zei ah an in rel lo.

SALM 79:12

Bawipa, miphun dang pawl cu, nangmah an in zawmhtaih ruangah khan a let sarih in rul hna.

ISAIAH 37:23

Ahodah ka nihsawhmi le ka serhsatmi hi a si tiah na ruah? Israel Pathian thiang hi na ka serhsatmi cu ka si.

JEREMIAH 10:10

Sihmanhsehlaw Bawipa cu Pathian taktak a si, Pathian nung le zungzal Siangpahrang a si. A thin a hun ciammam ah vawlei aa hnin i Miphun hna nih a thinhunnak kha an ing kho lo.

JEREMIAH 9:25

Bawipa nih, “Chunglei in si lo i pumsa lawngin cuarpartan a simi hna Izipt mi hna le Judah mi hna le Edom mi hna le Ammon mi hna le Moab mi hna le thetse ram i a ummi vialte hna le a sam aa metmi vialte hna cung i dantatnak ka tlunter lai caan kha a ra lio. Hi mi vialte hna le Israel mi hna hi an chunglei in an cuarpar an i tan lo,” tiah a ti.

EZEKIEL 28:10

Thazang zeihmanh ngei loin ramdangmi hna kut chungah khan na thi lai. Zeicahtiah keimah nih ka chim cang. Mah hihi Bawipa Pathian bia hrimhrim a si, a ti.

DANIEL 5:23

A biakinn umkheng hna cu na cabuai ah na rak putter hna i nangmah le na bawi hna le na nupi hna le na hlasatu nu hna nih cu hrai cu zu dinnak ah nan hman hna. Ngun pathian le thing pathian, zeihmanh a hmu kho lomi, a theih zong a thei kho lomi a hngalh zong a hngal kho lomi cu nan thangṭhat hna i, asinain nan nunnak a uk i nan tuahmi vialte a uk dihtu Pathian tu cu sunparnak nan pe lo.

DANIEL 6:27

Amah cu khamhtu, chuahtertu, hmelchunhnak le khuaruahharnak van le vawlei cungah a sertu a si, Amah nih Daniel cu chiandeih hna ṭhawnnak chungin a khamh cang,” a ti.

DANIEL 9:16

Maw Bawipa, nang cu na ding ko, cucaah Jerusalem khua cungah na thin hung ti hlah. Jerusalem cu nangmah khua a si, na tlang thiang a si. Kan sualnak le kan pupa hna nih an rak tuahmi ṭhat lonak ruangah kan pawngkammi hna nih na mi le Jerusalem cu an kan zohchuk cang.

JOEL 2:19

Annih nih an nawlnak kha a leh hna i, “Atu cu rawl le mitsur hang le chiti kha kan pek hna lai i khim tein nan um lai; Miphun dang nih nannih cu an in serhsat ti hna lai lo.

DEUTERONOMI 5:26

Zeitintiah mei chungin bia a chimmi, a nungmi Pathian aw cu kannih bangin a thei nain a nung komi ahodah titsa lakah a rak um?

1THESALON 1:9

anmah tu nih khan nanmah kan in tlawn hna ah khan zeitindah nan kan conglawmh ti kha an chim ko.

JOSHUA 3:10

Cun Joshua nih, “Mah hi hin Pathian nung cu nan lakah a um i, amah nih pel lo tein nan hmai in Kanaan mi hna le Hit mi hna le Hiv mi hna le Periz mi hna le Girgash mi hna le Amor mi hna le Jebus mi hna cu a dawi hna lai, ti kha hngal ko u.

1JOHAN 5:20

Pathian Fapa cu a ra cang i hngalhnak a kan pek caah Pathian taktak kha kan hngalh. Kan nunnak cu Pathian taktak a simi a Fapa Jesuh Khrih chungah khan a um; amah cu Pathian taktak le zungzal nunnak cu a si.

1 SAMUEL 11:2

Sihmanhsehlaw Ammon mi Nahash nih cun annih cu, “Nan orhlei mit kan khoih dih hna i cuticun Israel mi vialte cungah ningzah hmaichiatnak ka tlunter bel ah, nannih sinah hnatlaknak cu ka tuah hnga,” tiah a ti.

1 SAMUEL 14:6

Cun a ralthuam putu tlangval sinah cun Jonathan nih, “Hi cuarpartan lomi hna an ralvengtu ralkapbu sinah khin va kal tuah u sih; Bawipa nih kan caah rian a hei ṭuan ko hmanh hnga maw, zeitintiah khamhnak cu mi tam thawngin a si ah siseh, mi tlawm thawngin a si ah siseh, Bawipa cu zeihmanh nih a dawnh khawh ṭung lo,” tiah a ti.

1 SAMUEL 17:10

Cun Filistin mipa nih cun, “Nihin ah hin Israel ralkap cu keimah nih kan zuam hna; mi pakhat i thim u law, kan i tawng tuah lai,” tiah a ti.

1 SAMUEL 17:30

Cun amah sin cun a dang pakhat sin leiah aa mer i cu bantuk ṭhiamṭhiam cun a chim; cun mi nih khan hmasa i an leh bantuk khan an leh ṭhan.

1 SAMUEL 17:36

Na salpa nih hin chiandeih si hna seh, vom si hna seh, ka thah hna; cun hi cuarpartan lomi Filistin mipa hi anmah lak i pakhat cu a si ve lai, Pathian nung ralkapbu hna a zawmhtaih hna caah hin,” tiah a ti.

1 SAMUEL 31:4

Cun Saul nih a ralthuam putu sinah khan, “Na nam kha i zuh law, tleng lak in ka chun, cu lo ahcun, cuarpartan lo pawl hi an ra lai i an ka chunh ṭhiamṭhiam ṭung lai i lentecelhnak ah an ka ser sual hnga,” tiah a ti. Sihmanhsehlaw a ralthuam putu nih khan a tuah duh lo, zeicahtiah a thin a phang ngaingai. Cucaah Saul nih amah vainam kha aa lak i a bawhkhuh.