1 SAMUEL 12:25 - Lai (Hakha) Common Language Bible 2006

²⁵ Sihmanhsehlaw ṭhat lonak nan tuah ṭheo ahcun, nanmah he nan siangpahrang he nan lo dih ko lai,” tiah a ti.

1 SAMUEL 12:25 Խաչաձեւ Հղումներ

JOSHUA 24:20

Nannih nih Bawipa kha nan hlawt i ramdang pathian kha nan biak hna ahcun, nan cung i ṭhatnak a tuah hnuah khan, aa let lai i ṭha loin an tuah hna lai i an hrawh dih hna lai,” tiah a ti.

HOSEA 10:3

Annih nih cun an i thawh lai i, “Bawipa kan ṭih lo caah siangpahrang kan ngei lo; Asinain siangpahrang nih cun zei tal a kan tuahpiak kho hnga maw? an ti lai.

ISAIAH 3:11

Sihmanhsehlaw miṭhalo cu an lo ko cang; an tuahmi kha an cungah lehrulh a si lai.

DEUTERONOMI 28:36

“Nanmah nih siseh nan pupa hna nih siseh nan hngalh bal lomi miphun sinah, nanmah le nan cungah nan chiahmi nan siangpahrang cu Bawipa nih ah kalpi hna lai i, khika ah thing le lung in sermi khuazing dang kha nan biak hna lai.

1 SAMUEL 13:1

Saul cu pennak hram a thawk tikah kum … a si i amah nih kum … le kum hnih Israel mi kha a uk hna.

ISAIAH 1:20

Sihmanhsehlaw ka bia kha nan ka al i nan ka doh ahcun nan thi ko lai. Hi bia cu Bawipa nih ka chim,” a ti.

DEUTERONOMI 8:19

Cun Bawipa nan Pathian nan philh i pathian dang kha nan zulh hna i an rian nan ṭuan i nan biak hna ahcun, nan rawk hrimhrim lai, tiah nihin ah hin ralrin kan pek hna.

JOSHUA 23:16

Bawipa nan Pathian nih nawl an pekmi hna biakamnak kha nan buar i pathian dang hna kha nan kalhnawh i an rian nan ṭuan i an hmaiah nan kun ahcun, khi tikah Bawipa thinhunnak cu nan cungah a alh lai i an pekmi hna ram ṭha hin khulrang tein nan rawk lai,” tiah a ti hna.

JOB 36:12

Sihmanhsehlaw an ngaih lo ahcun, vainam in an pam i thihnak tiva kha an tan.