1 SAMUEL 12:23 - Lai (Hakha) Common Language Bible 2006

²³ Cuhleiah nan ca i thlacam ka ngol thawngin Bawipa cung i sualnak ka tuah hnga cu ka duh ding naisai a si lo; lam ṭha le lam ding chung kal awk kha kan cawnpiak ko hna lai.

1 SAMUEL 12:23 Խաչաձեւ Հղումներ

KOLOSE 1:9

Nan kong kan theih ri in nan caah thla kan cam lengmang. Pathian nih nannih cu amah hngalhnak le a Thlarau nih an pekmi hna fimnak le hngalhnak in in khahter hna seh tiah Pathian cu kan nawl.

ROM 1:9

Ka chimmi bia hi ahmaan tiah Pathian cu tehte ah kaa lak ngam — cu Pathian rian, a Fapa kong Thawngṭha chim hi ka lungthin dihlak in ka ṭuanmi cu a si.

2TIMOTE 1:3

Kan pupa hna nih an rak biak bantukin kei zong nih lungthiang tein ka biakmi Pathian cu, chun he zan he ka thlacamnak i nangmah kan theih fate, ka lawmh zungzal.

1THESALON 3:10

Nanmah cu kan pum in kan in hmuh khawh hna nakhnga le zumhnak lei i nan herhmi kha kan in pek khawh hna nakhnga chun le zan in kan hal lengmang.

1 SIANGPAHRANG 8:36

nangmah nih an kal nakhnga ding lam ṭha kha na cawnpiak hna tikah, van ah khin rak thei law na mi Israel mi na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

LAMKALTU 12:5

Cucaah Peter cu thong chungah khan an chiah ko, asinain khrihfabu chungmi hna nih cun a caah khan thla fak piin an cam.

SALM 34:11

Ka hawile mino hna, ra u law, ka bia ngai tuah u; Bawipa ṭihzah ning cu kan cawnpiak hna lai.

JEREMIAH 6:16

Hi bangin Bawipa nih a ti, “Lam tonnak ah khan dir tuah u law hlanlio lam kha kawl hna u, ‘Ṭhatnak ah a phanmi lam cu khuazei ah dah a si? tiah hal hna u. Cu lam cu zul u law nan caah dinhnak nan hmuh lai,’ ti hna u. Sihmanhsehlaw annih nih an i thawh i, ‘Cu lam cu kan zul lai lo,’ an ti.

2 CHANRELNAK 6:27

nangmah nih an kalnak hnga ding lam ṭha kha na cawnpiak hna tikah, van ah khin rak thei law, na mi Israel mi, na sal hna an sualnak kha rak ngaithiam ko hna; cun na mi hna sinah ro caah na pekmi na ram cungah cun ruah cu surter ko.

KOLOSE 1:28

Cucaah Khrih kong cu mi vialte kha ka chimh hna. Cucaah a mi kip kha kan fimnak nih a phanh khawh chungin ralrinnak kha kan pek hna i kan cawnpiak hna, cucu zeicahdah kan tuah ti ahcun Khrih he i pehtlai in ahopaoh kha nutling patling in Pathian hmaika ah chuahpi hna u sih ti kan duh caah a si.

LAMKALTU 20:20

Nannih kha zapi lakah siseh, nan inn cio ah siseh, phung kan chimh hna i kan cawnpiak hna tikah nan ca i a ṭha dingmi kha zeihmanh ka nganhtakmi a um lo ti kha nan hngalh.

PHUNGCHIMTU 12:10

Phungchimtu nih hnangamnak bia kha ka kawl hna, sihmanhsehlaw ka ṭialmi bia hi lihchim lo tein ka ṭial hna.

PHUNGTHLÛKBIA 4:11

Fimnak lam kha kan cawnpiak lai i dinnak lam ah khan kan hruai lai.

1 KORIN 9:16

Thawngṭha ka chim ruang menmen ah hin kaa porhlawt awk a si lo. A ngaite ti ahcun, va chim, tiah fial pei ka si cu. Thawngṭha cu chim loin rak um ning law zeitluk in dik ka caah a poi hnga!

EXODUS 32:30

A thaizing ah Moses nih mizapi cu a thawh hna i, “Ṭih a nung ngaingaimi sualnak nan tuah cang. Asinain Bawipa sinah tlang cungah ka hung kal lai i nan sual ngaihthiamnak ding kha ka hung hal lai, nan sualnak ngaihthiamnak cu a hmuh zong maw ka hei hmuh khawh phum,” a ti.

1 SAMUEL 12:19

Cun mi vialte nih Samuel sinah cun, “Bawipa na Pathian sinah cun, kan thih nakhnga lo, na sal hna caah hin thla kan campiak tuah; zeicahtiah kan sualnak vialte cungah hi thil ṭhalo hi kan i chap cang, kan ca i siangpahrang kan hal hi,” tiah an ti.

JEREMIAH 15:1

Cun Bawipa nih a ka thawh i, “Moses le Samuel hmanh kha ka hmaiah dir hna seh law, hi mi hna hi ka zaangfah hlei hna lai lo. Ka hmaika in dawi hna law kal ko hna seh.

JEREMIAH 27:18

Annih cu profet an si i Bawipa bia cu an chungah a um taktak a si ahcun, Bawipa inn chungah le Judah siangpahrang inn chungah le Jerusalem ah nganhtami umkheng hna cu Babilon ah kalpi loin Bawipa nih a umter hna nakhnga Ralkapbu Bawipa cu nawl hna ngat seh.

JEREMIAH 42:4

Khi tikah profet Jeremiah nih cun annih cu, “Nan bia cu ka theih cang; nan duhnak bangin Bawipa nan Pathian sinah cun thla ka cam lai i Bawipa nih an leh hnanak paoh kha kan chimh hna lai; zeihmanh kan phehmi hna a um lai lo,” tiah a ti.

1 SAMUEL 8:6

Sihmanhsehlaw, “A kan uktu ah siangpahrang pakhat kan pe,” an ti tikah, cu thil nih cun Samuel kha a lawmhter lo. Cun Samuel nih Bawipa sinah thla a cam.

SALM 34:12

Nun nuam tein nun le chan saupi le lunglawm in nun cu nan duh maw?

SALM 122:6

Jerusalem daihnak caah thla cam u! “Nangmah an duhmi cu an thluachuak hna seh!

ISAIAH 30:21

Lam in kehlei orhlei ah nan pial sual ahcun, “Lam cu hika leiah hin a si. Lam kha zul u,” tiah nan hnulei in a aw kha nan theih lai.