1 PETER 3:8 - Lai (Hakha) Common Language Bible 2006

⁸ A donghnak ah ka chim duhmi cu, ruahnak khat le lungthin khat in um u, u le nau bantukin i daw u law pakhat le pakhat i zaangfah u law toidor tein um u.

Laibaibal Thiang (BSI)

⁸ A hnu bik ah nan dihlak in ruahnâk hmunkhat in um ulaw vêl i ngeih hna u, unau bangin i daw u, zângfahthiam le toidornâk tein um u;

1 PETER 3:8 Խաչաձեւ Հղումներ

ROM 12:10

Pakhat le pakhat kha Khrih ah u le nau bantukin i daw cikcek u law pakhat le pakhat kha i hmaizah u.

1 PETER 1:22

Biatak nih an fialmi hna nan zulhnak thawngin nanmah cu nan i thianh cang i zumhnak ah nan unau a simi hna cungah khan dawtnak taktak nan ngeih caah, pakhat le pakhat i daw tuah u.

EFESA 4:31

Lungthli in i uamnak le thinhunnak le ingpuannak kha hlaw hna u. I hua ti hlah u, i vawlpam ti hlah u. Huatnak lungthin ngei ti hlah u.

JEIM 3:17

Sihmanhsehlaw cunglei in a rami fimnak cu a hmasa bik ah a thiang i cun daite le nem tein a um i hawikom cungah a ṭha; midang zaangfahnak khan a khat i thil ṭha kha tampi a tlai; thleidannak zeihmanh a ngei lo i a zer zong a zer lo.

EFESA 4:2

Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.

ZEKHARIAH 7:9

Ralkapbu Bawipa bia cu hihi a si: Dinnak taktak kha biaceihnak ah hmang u, pakhat le pakhat zumhawktlak tein um u law i zaangfah u,

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

1 KORIN 12:26

Pum chung nge pakhatkhat nih fahnak a in ahcun a dang nge vialte zong nih khan an rak inpi ve; cun pakhatkhat nih khan thangṭhatnak a hmuh ahcun a dang vialte zong nih khan aa lawmhnak cu an rak i hrawm ve.

MATTHAI 18:33

Na cung i zaangfahnak ka ngeih bantukin pei na sal hawi cungah na ngeih ve awk a si cu,’ tiah a ti.

1JOHAN 3:14

Thihnak kha kan kaltak cang i nunnak chungah kan lut cang ti kan hngalhnak cu pakhat le pakhat kan i dawt hna caah hin a si. A unau a daw hna lomi paoh cu thihnak chungah a um ko rih.

1 KORIN 1:10

Ka u le ka nau hna, kan Bawipa Jesuh Khrih min in kan nawl hna: nan dihlak in pakhat le pakhat lungnge tein um tuah u, i ṭhen hlah u. Lungthin khat, ruahnak khat in um u.

LAMKALTU 4:32

Cun zumtu hna cu an bu ningte in an ruahnak le an lungthin aa khat dih. Ahohmanh nih an thil kha, keimah ta, an ti lo i an ngeihmi paoh kha an i hrawm dih.

1 PETER 5:5

Cu bantuk ṭhiamṭhiam in, nannih a no deuh pawl zong nih upa deuh pawl kha an nawl nan zulh hna lai. Nan dihlak in toidornak puan kha i aih u law pakhat le pakhat i bawm u, zeicahtiah Cathiang nih “Pathian nih milungpuam cu a doh hna i mitoidor cu a vel kha a pek hna,” a ti.

HEBRU 13:1

Khrih chungah unau nan si bantukin pakhat le pakhat i daw zungzal u.

2 PETER 1:7

Pathian ṭihzahnak ah khan unau bantukin i dawtnak i chap u law unau bantukin i dawtnak ah khan zawnruahnak i chap u.

1 PETER 2:17

Mi vialte kha upat hna u, zumhnak i nan unau a simi kha daw hna u, Pathian kha ṭih u law Siangpahrang kha hmaizah u.

SALM 103:13

Pale nih an fale an zaangfah hna bantuk khin Bawipa nih amah a ṭihmi cu a zaangfah hna.

JEIM 5:11

Annih nih an in khawh cah, lunglawmmi kan ti hna. Job lungsaunak kha nan theih i Pathian nih a donghnak ah a pek ṭhannak kong kha nan theih. Bawipa cu zaangfahnak le zawnruahnak in a khatmi a si.

JEIM 2:13

Zeicahtiah zaangfahnak a ngei lomi cu Pathian nih a bia a ceih tikah a zaangfah ve lai lo; zeicahtiah zaangfahnak cu biaceihnak nih a tei.

FILIPI 3:16

A zei a si hmanh ah, atu tiang kan zulhmi phung ningin hmailei ah kal ko u sih.

ROM 15:5

Khrih Jesuh lam hmuhsakmi nan zulhnak thawngin nannih lakah lungthin khahnak a um khawh nakhnga, lungsaunak le lungthin ṭhawnnak hram Pathian nih in bawm ko hna seh.

LAMKALTU 28:7

Cuka hmun in lamnai nawn ah khin cuka tikulh a uktu bawi Publius lo kha an um. Ṭha tein a kan tlunter i ni thum chung cu a khual kan si.

LAMKALTU 27:3

A thaizing ah cun Sidon khua kha kan phan. Julias cu Paul cungah khan a ṭha ngaingai i va kal i a hawikom hna va hmuhtak kha a onh i a herhmi rak pekchanh zong kha a onh hna.

LAMKALTU 2:1

Pentekos ni kha a phak tikah zumtu vialte cu hmunkhat ah an i pum.

PHUNGTHLÛKBIA 28:8

A miak le a karh in a rumnak a chap chintu nih, misifak hna cung i zaangfahnak a ngeimi pa caah khan a khon a si.

LUKA 10:33

Sihmanhsehlaw Samaria mipa pakhat, cuka lei lam i khual a tlawngmi cu, cu pa umnak kha a va phan; amah kha a hmuh tikah a zaang a fak ngaingai.

EFESA 4:32

Pakhat le pakhat cungah zaangfahnak lungthin le nemnak lungthin ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.

FILIPI 2:3

Pakhat le pakhat i entainak le mah pumpak thangṭhat kawlnak kha nan lakah umter hlah u. Toidornak lungthin tu kha ngei cio u law midang nakin ka ṭha deuh tiah zeitikhmanh ah vaa ruat hlah u.