1 PETER 3:4 - Lai (Hakha) Common Language Bible 2006

⁴ nan i dawhnak cu nan chung muru ah a um awk a si i cu nan i dawhnak cu a tar kho lomi nemnak le daihnak lungthin, Pathian mithmuh i a sung bikmi thil a simi kha a si.

Laibaibal Thiang (BSI)

⁴ lungthin chung muru ah minung nun â phummi, ruahnâk tluangtlam le nunnemnâk kha, thilthuam ṭha le rawkkho lo cu a si, cucu Pathian hmuhnâk ah a sunglawimi cu a si.

1 PETER 3:4 Խաչաձեւ Հղումներ

KOLOSE 3:12

Nannih cu Pathian mi nan si; amah nih an dawt hna i an thim hna. Cucaah mi zawnruahnak, zaangfahnak, toidornak, nemnak le lungsaunak kha nan i aih awk a si.

1 SAMUEL 16:7

Sihmanhsehlaw Bawipa nih Samuel sinah cun, “A muisam in siseh, a pumrua in siseh, zoh hlah, zeicahtiah amah cu ka hlawt cang; zeitintiah Bawipa nih cun mi i an zohning in a zoh lo; mi nih cun lenglei langhning kha an zoh, sihmanhsehlaw Bawipa nih cun lungthin kha a zoh,” tiah a ti.

ROM 2:29

chunglei in Judah mi a si i a lung chungin cuarpar aa tanmi kha Judah mi taktak cu a si. Cucu ṭialmi Nawlbia rian ṭuannak kha si loin Pathian Thlarau rianṭuannak kha a si. Cu bantuk mipa cu minung sinin si loin Pathian sinin thangṭhatnak kha a hmu.

MATTHAI 11:29

Ka seihnam kha i bei u, kei cu nunnem le mitoidor ka si caah ka nawl hi i cawn ve u; cun dinhnak kha nan hmuh lai.

TITAS 3:2

Ahohmanh i congoih hlah u, pakhat le pakhat i rem le i daw le lungnem cio tu in nan um lai, tiah na chimh hna lai.

MATTHAI 23:26

Farasi mi mitcaw hna. Hrai chung i a ummi thil cu thianh hmasa hna u law, cucun pei a lenglei zong cu a thian ve lai cu!

ROM 7:22

Ka chunglei mi cu Pathian phung ah khan aa lawm;

2 KORIN 4:16

Hi ruangah hin pei kan lung a dongh bal lonak cu a si cu. Kan mihring sinak cu duhsah tein zor chin lengmang hmanh seh law kan thlarau sinak cu ni khat hnu ni khat a thar chin lengmang.

1THESALON 4:11

Hmasa ah kan in chimh hna bantuk khan, dai tein khuasak kha i tinh u law nanmah nan riante kha ṭuan u law nanmah tein nan paw i cawm u.

EFESA 4:2

Toidornak lungthin ngei u, lungnem le lungsau in um zungzal u. Pakhat le pakhat i bawm u law cuticun nan i dawtnak kha langhter u.

1 PETER 3:15

Sihmanhsehlaw nan lungthin chungin Khrih kha upat u law nan Bawi ah ser u. Ruahchannak nan ngeihmi kong kha, kan chim tuah u, an timi hna an um ahcun, zeitik caan paoh i chim kho dingin timhcia tein um zungzal u.

1TIMOTE 2:2

daite le remte le Pathian ṭihzah le ziaza ṭha in kan nun khawh nakhnga, thlacam u sih.

LUKA 11:40

Mihrut hna! A lenglei a sertu Pathian nih khan a chunglei zong cu a ser lo maw?

ISAIAH 61:1

Bawipa Pathian nih thlarau in a ka khahter. Sifakmi hna sinah thawng ṭha phorh awk le lung a kuaimi hna damter awk le sal i a tangmi hna sinah chuahnak thanh awk le thong chung i a ummi hna sinah luatnak thanh awkah a ka thim i a ka thlah.

ISAIAH 57:15

“Keimah cu a sang i a thiangmi Pathian, zungzal in a nungmi ka si. Hmun sang le hmun thiang ah khan ka umnak cu a si, sihmanhsehlaw mi toi aa dormi le sual ngaihchihmi hna sin zongah khan ka um i cucaah ruahchannak le hnangamnak kha an ngei ṭhan kho.

SALM 25:9

Mi toi i aa dormi kha lamding in a hruai hna i a duhnak kha a cawnpiak hna.

JEIM 1:21

Cucaah cun a thurhnawmmi ziaza vialte le a ṭha lomi ziar le zar vialte kha hlaw ko hna u. Pathian sinah khan i pe u law khamhnak an pe khotu hna bia, nan lungchung i a tuhmi kha, i cohlan ko u.

2TIMOTE 2:25

amah a dohtu hna a chimhhrin tik hna i nem tein a chimhringmi a si awk a si. Annih cu Pathian nih an lung a thlen khawh ko hna i biatak kha a hngalhter ṭhan khawh ko hna.

2 THESALON 3:12

Bawipa Jesuh Khrih min in, kha ti a um pawl kha, ningcang tein khua rak sa u law nan pawcawmnak ah rian ṭha tein rak ṭuan u, tiah chimh le ralrin pek kan duh hna.

MATTHAI 5:5

Nun a nemmi cu lunglawmmi nan va si dah! Pathian nih an kamhmi hna kha nan co lai.

ISAIAH 29:19

Misifak le mirethei hna nih, Israel Pathian thiang nih a pekmi hna lawmhnak kha an hmuh ṭhan lai.

SALM 149:4

Bawipa nih a mi cu a zaangfah hna i santlai lomi kha teinak a pek hna.

SALM 147:6

Mi toi i aa dormi cu a cawi hna, sihmanhsehlaw miṭhalo cu vawlei ah a rial hna.

ROM 6:6

Kan minung hlun cu Khrih he vailam cungah thah a si cang ti kha kan hngalh. A sualmi kan minung hlun cu zeicahdah thah a si ti ahcun, sualnak sal kan si tinak hnga lo caah a si.

LUKA 16:15

Jesuh nih a thawh hna i, “Nannih hi minung mithmuh i miding aa lawhtermi pawl nan si, sihmanhsehlaw Pathian nih cun nan lungthin cu a hngalh ko. Zeicahtiah minung nih man sung ngai i an ruahmi cu Pathian mithmuh ah cun pakpalawng a si ko.

SALM 51:6

Zumhawktlak lungthin hi na duhmi a si, ka lung chung hi na fimnak in khahter ko.

SALM 45:13

Siangpahrang fanu cu siangpahrang inn chungah cun a um — a vaa dawh hringhran dah, A puan cu sui la in an tah.

1 PETER 1:23

Pathian bia, a nungmi le zungzal in a hmunmi thawngin, hrintharmi nan si cang, thih a thiammi nu le pa fa si loin thih a thiam lomi pa fa nan si cang.

KOLOSE 3:3

Zeicahtiah nan thi cang i nan nunnak cu Khrih he Pathian chungah aa thup.

GALATI 5:23

toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

SALM 131:2

Ka hna a ngam i ka lung a dai ko. Ngakchia cu a nu ṭang ah dai tein a ih bantukin ka lung cu ka chungah dai tein a um ko.

2 KORIN 10:1

Hmunkhat um vial ah zeihmanh chim ngam ṭung lo, a langhlat vial in a ral a ṭha ngai ṭung, nan ka timipa keimah Paul nih, Khrih lungnemnak le a zaangfahnak lungthin in kan nawl hna.

MATTHAI 21:5

“Zion fanu cu va chim u law, ‘Na siangpahrang cu nangmah lei ah a ra lio, Amah cu mi nunnem a si i laa cu a hun i cit, Laa note a hun i cit,’ va ti u,” tiah a timi tlinternak caah khan a si.

ISAIAH 11:4

Sifakmi kha an bia ṭha tein a ceihpiak hna lai i nauta pawl kha a ṭanh hna lai. Amah nawl pekning in ram cu dantat a si lai i mi ṭhalo cu an thi lai.

JEREMIAH 51:59

Mahseiah fapa Neriah i fapa Seraiah cu Zedekiah Siangpahrang a zohkhenhtu bawi a si. Judah siangpahrang Zedekiah a bawi kum li kum ah cun Seraiah cu Babilon ah a kal i Jeremiah nih bia a cah.

ROM 1:23

thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.