1 PETER 2:9 - Lai (Hakha) Common Language Bible 2006

⁹ Sihmanhsehlaw nannih cu thimmi miphun, Siangpahrang tlangbawi, miphun thiang, Pathian miphun hrimhrim nan si. Muihnak chungin amah ceunak chungah an kotu hna Pathian nih khuaruahharmi thil a tuahmi thanh awkah nannih cu an thimmi hna nan si.

Laibaibal Thiang (BSI)

⁹ Asinain nannih cu thimmi miphun, siangpahrang tlângbawi, miphun thiang, a hleiin Amah mi nan si; cucu a mak ngaimi a ceunâk i lut dingah muihnâk chungin an kotu hna Amah cu nan phuan khawh nâkhnga;

1 PETER 2:9 Խաչաձեւ Հղումներ

DEUTERONOMI 7:6

“Zeitintiah nannih cu Bawipa nan Pathian caah miphun thiang nan si; Bawipa nan Pathian nih vawlei cung i a ummi miphun vialte chungin nannih cu amah ro caah an thim cang hna.

BIAPHUAN 1:6

a Pathian le a Pa rian kha tlangbawi bantukin a ṭuantu dingah siangpahrang phun ah a kan ser. Cu Jesuh cungah cun sunparnak le ṭhawnnak kha zungzal in zungzal tiang um camcin ko seh! Amen.

BIAPHUAN 5:10

Kan Pathian rian tlangbawi bantukin a ṭuantu dingah siangpahrang phun ah na ser hna i Annih nih vawlei cu an uk lai,” an ti.

ISAIAH 61:6

Nang tu cu Bawipa tlangbawi tiah ti na si lai i miphun hna rumnak cu na ei lai, na ta an si caah khan na hmai a hngal lai.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

DEUTERONOMI 14:2

Zeitintiah nannih cu Bawipa nan Pathian ca i a thiangmi miphun nan si i Bawipa nih nannih cu amah ta hrimhrim si awkah, vawlei cung i a ummi miphun vialte hna lakin an thim hna.

1 PETER 2:5

Nanmah zong kha, lung nung bantukin ra tuah u law, thlarau biakinn saknak caah cun i hmang tuah u. Cuka ah cun a thiangmi tlangbawi bantukin cohlan awk a tlakmi thlarau raithawinak kha Jesuh Khrih thawngin Pathian cu nan pekchanh lai.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

DEUTERONOMI 10:15

sihmanhsehlaw Bawipa nih dawtnak in na pupa hna cungah a lung a chiah i annih hnu i an tefa, nannih cu, midang vialte hlan in an thim hna, nihin ah nan si bang hin.

ISAIAH 26:2

Khuapi kutka cu hung hna u law zumhawktlak a simi miphun kha luhter u, dinnak a tuahmi miphun kha luhter u.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

BIAPHUAN 20:6

Hi mithi thawhter an si a pakhatnak i aa telmi hi cu lunglawmmi le thluachuak hringhranmi an si ko. Thih voi hnihnak nih an cungah nawl zeihmanh a ngei lo; annih cu Pathian le Khrih tlangbawi an si lai i Khrih he cun kum thong khat chung uktu bawi an si lai.

SALM 33:12

An Pathian ah Bawipa a simi miphun cu lunglawmmi miphun an si, Bawipa nih a mi ah a thimmi hna cu lunglawmmi an si.

MATTHAI 5:16

Cu bantukin nannih nan ceunak zong cu mi hmaiah a ceu awk a si, cuticun thil ṭha nan tuahmi kha an hmuh lai i vancung khua i a ummi nan Pa kha an thangṭhat lai.

DEUTERONOMI 4:20

sihmanhsehlaw nannih cu Bawipa nih thir titnak meiphu, Izipt ram cun, amah miphun hrimhrim si awkah, atu i nan si bang hin, an chuahpi hna.

KOLOSE 1:13

Zeicahtiah amah nih cun muihnak ṭhawnnak chung khan a kan chuah i a dawtmi a Fapa pennak chungah khan him tein a kan luhpi i

1 KORIN 3:17

Cucaah ahohmanh nih Pathian biakinn cu a hrawh ahcun, amah cu Pathian nih a hrawh ve lai. Zeicahtiah Pathian biakinn cu a thiangmi a si i nanmah hrimhrim cu biakinn cu nan si.

LAMKALTU 20:28

Nanmah lila kha i veng u law nan zohkhenh awkah Thiang Thlarau nih an pekmi hna tuurun kha ṭha tein va zohkhenh hna u. Pathian nih amah Fapa thihnak thawngin amah ta ah aa sermi khrihfabu tuukhal kha si ko u.

ISAIAH 66:21

Annih lakah a cheu cu tlangbawi le Levi mi ah ka ser hna lai.

ISAIAH 42:16

A mit a cawmi ka mi cu, an kal bal lonak lam khan ka kalpi hna lai. Muihnak cu ceunak ah ka canterpiak hna lai i an hmai i lam bingbo cu lam mil ah ka ser hna lai. Hi thil hi tlolh lo tein ka tuah hrimhrim hna lai.

ISAIAH 41:8

“Sihmanhsehlaw Israel ka sal, nang cu keimah nih kan thimmi miphun na si i ka hawi Abraham tefa na si.

ISAIAH 9:2

Mui lak i a rak i chawkmi hna nih khan ceunak nganpi an hmuh cang! Thihnak thladem tangah an rak um, sihmanhsehlaw atu cu ceunak nih a ceuh cang hna.

FILIPI 3:14

Cucaah kawltung leiah cun laksawng hmuh awkah khan ka tli i cu laksawng cu Pathian nih Khrih Jesuh thawngin cunglei nunnak i a kan kawh hi a si.

ISAIAH 44:1

Bawipa nih aa thawh i, “Ka sal Israel mi hna, ngai tuah u, Jakob tefa, ka mi thimmi hna, ngai tuah u.

MATTHAI 4:16

Muihnak chung i a ummi hna nih khan ceunak nganpi an hmuh lai. Thihnak ram mui chung i a ummi hna cungah ceunak a tlung lai,” a rak timi kha tlinter awk caah a si.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

LUKA 1:79

Thihnak thladem mui lak i a ummi hna kha vancung in a vun ceuh hna lai; Kannih cu daihnak lam ah a kan hruai lai,” tiah a ti.

SALM 106:5

Na mi hna an ṭhancho cu ka hmuhter law na miphun an i lawmhnak ah cun ka telter ve, nangmah ta a simi hna an hmaihngalnak ah cun kei zong ka hmai ka hngalter ve.

ROM 9:24

Cucu Hosea cauk chung i rak chimmi kha a si. Zeitindah a ti tiah: “Ka mi a rak si lomi kha, ‘Ka mi,’ ka ti hna lai. Ka rak dawt lomi miphun kha, ‘Ka dawtmi,’ ka ti hna lai.

LAMKALTU 26:28

Agrippa nih Paul cu a thawh i, “Fawi tuk in hen pei Khrihfa ah canter na ka zalh cu,” tiah a ti.

1 PETER 4:11

Zeizong kip ah Jesuh Khrih thawngin Pathian nih thangṭhatnak a hmuh nakhnga, phung a chimmi nih Pathian bia kha chim u, rian a ṭuanmi nih Pathian pekmi thazang khan ṭuan u, sunparnak le lianhngannak cu zungzal in zungzal tiang amah ta a si. Amen.

EFESA 1:6

Pathian cu a sunglawimi a laksawng ruangah hin thangṭhat ko u sih, a dawtmi a Fapa in a kan pekmi a laksawng caah hin thangṭhat ko u sih.

SALM 73:15

Cu bantuk bia cu rak chim ning law na mi hna cungah rawitu ka rak si ṭung hnga.

SALM 22:30

Hmailei chan mi nih a rian an ṭuan lai; a ra lai ding chan sinah Bawipa kong cu mi nih an chim lai.

EFESA 1:14

Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangṭhat ko u sih!

JOHAN 17:19

Annih zong kha na biatak in thianh an si nakhnga kei zong hi anmah ruangah kaa thianh ve.

EFESA 3:21

khrihfabu chungah Khrih Jesuh thawngin, zungzal in zungzal tiang sunglawi ko seh! Amen.

1 SAMUEL 12:22

Nannih cu amah ca miphun i ser kha Bawipa lawmhmi a si caah, a min ngan ruang ah hin, Bawipa nih a mi cu an hlonh hna lai lo.

SALM 118:27

Bawipa cu Pathian a si; kan cungah a ṭha. Nan kut in thing nge kha i put in puai cu thawk u law biakṭheng kha vel u.

SALM 135:4

Jakob cu amah minung si awkah amah nih aa thim, Israel mi cu amah mi si awkah amah nih aa thim hna.

ISAIAH 62:12

Nannih cu “Pathian Mi Thiang,” ti nan si lai, “Bawipa Khamh Mi” ti nan si lai. Jerusalem cu, “Bawipa Dawt Mi Khua,” “Pathian Nih A Hlawt Lomi Khua” ti a si lai.

MALAKHI 3:17

Ralkapbu Bawipa nih aa thawh i, “Annih cu keimah ta an si lai, ka thimmi ni a phak tik i keimah ca i ka zuah dingmi ka ta an si lai, cun mipa nih a rian a ṭuantu a fapa kha a zuah bantukin annih cu ka zuah hna lai.

DEUTERONOMI 18:2

An unau hna lakah ro an ngei lai lo; bia a kam hna bangin Bawipa cu an ro a si.