1 KORIN 9:26 - Lai (Hakha) Common Language Bible 2006

²⁶ Kei cu ka tlik tikah tinhmi kawl fiang tein ka ngei; kaa thongh tikah a ping a pang a thongmi bantuk ka si lo.

Laibaibal Thiang (BSI)

²⁶ Cucaah ka phanhnâk ding hngalcia in dah kaw ka tlik. Kâ thongh tik ah, thlitu men ka thongh lo.

1 KORIN 9:26 Խաչաձեւ Հղումներ

2 PETER 1:10

Cucaah cun ka u le ka nau hna, Pathian nih an thimnak hna le an kawhnak hna cu nan chungah fehter chinchin ko u; cu ti nan tuah ahcun nan tlu bal lai lo.

2TIMOTE 2:5

Tlik zuamnak ah a tlimipa nih tlik zuamnak phung kha a zulh lo ahcun laksawng kha a hmu kho lo.

FILIPI 1:21

Nunnak hi ka caah zeidah a si? Kei ka caah cun nunnak cu Khrih a si ko. Cucaah thihnak nih hin a ṭha deuh chinchinmi thil hmanh a chuahpi lai.

KOLOSE 1:29

Khrih ṭhawnnak le thazang ka chung i rian a ṭuanmi vialte kha hmang in, hi thil hi a can khawh nakhnga, heh tiah kaa zuam i ka ṭuan.

LUKA 13:24

Jesuh nih a leh hna i, “Kutka bi chung khan lanh i zuam ko u, zeicahtiah hihi kan chimh hna: mi tampi cu luh an i zuam lai nain an lut kho lai lo.

2TIMOTE 1:12

hi bantukin sifahnak ka inmi vialte hna hi, hi ruangah hin a si. Asinain ka lung a dong naisai lo, zeicahtiah kaa bochanmi cu ahodah a si kha ka hngalh i ka kut chungah a ka pekmi thil kha khi Ni tiang him tein a ken khawh ti kha fiang tein ka zumh.

EFESA 6:12

Zeicahtiah kan dohmi hna cu minung kha si loin, vancung khua i a ummi thlarau sual ṭhawnnak hna le uktu hna le nawl ngeitu hna le hi a muimi chan lianhngannak hna hi an si.

1 PETER 5:1

Khrihfa upa hna, kei zong Khrihfa upa ka si ve bantukin kan nawl hna. Khrih nih temhnak a inmi tehte pakhat ka si ve i a lang laimi sunparnak zongah kaa tel ve lai.

HEBRU 4:1

Atu cu Pathian nih dinnak a rak chimmi kha kan hmuh nakhnga, a biakam kha a kan pek i cu kamhmi dinhnak chungah cun a lut lomi nan um sual nakhnga lo, ralring tein um u sih.

2 KORIN 5:8

Cucaah ralṭha ngaiin kan um i hi pum kan inn hi kaltak i Bawipa sin i um cu kan i thim deuh suaumau hnga.

2 KORIN 5:1

Kannih kan umnak thlam, vawlei cung kan pum hi, ṭheh a si tikah, vancung ah khin kan umnak ding caah Pathian nih inn a kan pek lai ti kha kan hngalh — cu inn cu amah Pathian nih a sakmi inn, zungzal hmun dingmi inn cu a si.

1 KORIN 14:9

Cu bantuk cun holhtheihlo in nan holhmi cu sullam fiang zeihmanh a ngeih lo ahcun aho nih dah nan chimmi cu an hngalh lai? Thlitu lak biachim bantuk men pei a si ko lai cu.

MATTHAI 11:12

Johan nih a rat ri in nihin ni tiang Vancung Pennak hi tonghmang loin tuknak a ing i tonghmang loin khua a sami hna nih cun lak an timh.

GALATI 2:2

Zeicahdah ka kal ti ahcun Pathian nih na kal awk a si tiah ka sinah a phuan caah a si. Hruaitu pawl he kanmah lawng kan i tonnak ah Jentail mi sin i thawngṭha bia ka chimnak kong kha ka chimh hna. Kan hnulei i ka rak tuahmi rian kha siseh, atu i ka tuahmi rian hi siseh, pakpalawng siter kha ka duh lo.

2TIMOTE 4:7

Tlik zuamnak ah khan ka tha a dihumnak in ka chuah cang, a dongh tiang khitkhet in ka tli cang, zumhnak kha fek tein kaa tlaih zungzal.

HEBRU 12:1

Hi tlukin vanrang zat in a tammi tehte bu nih khan kannih cu an kan kulh. Cucaah cun lam a kan dawntu thil paohpaoh le kan tlaihchan pengmi sualnak vialte kha hlaw hna u sih law kan hmai i chiahmi tlikzuamnak ah khan i zuam u sih.

BIACEIHTU 3:2

Israel mi tefa hna nih raldohnak an hngalh nakhnga ca lawng le, cu hlan i raltuk a rak hngal bal lomi hna tei kha raldohnak a cawnpiak hna nakhnga ca lawngah a si.