1 KORIN 8:6 - Lai (Hakha) Common Language Bible 2006

⁶ sihmanhsehlaw kannih caah cun Pathian cu pakhat lawnglawng a um i amah cu kan Pa, zeizong vialte Sertu kha a si i kannih hi amah ca i a nungmi kan si; cun Bawipa cu pakhat lawnglawng a um i cucu Jesuh Khrih kha a si i amah thawng cun zeizong vialte kha ser an si i amah thawng cun kannih zong hi kan nung.

Laibaibal Thiang (BSI)

⁶ asinain kan caah Pathian pakhat lawnglawng Pa cu a um, Amah sin in zeizong vialte hi a chuak i kan nih zong Amah caah a ummi kan si, cun Bawipa pakhat Jesuh Krih lawnglawng a um, Amah thawngin zeizong vialte a um i Amah thawgin a nungmi kan si.

1 KORIN 8:6 Խաչաձեւ Հղումներ

ROM 11:36

Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.

JOHAN 1:3

Pathian nih zeizong vialte hi cu Bia thawng cun a ser hna i Bia thawng loin sermi zeihmanh an um lo.

MALAKHI 2:10

Kan dihlak in pa pakhat fa kan si lo maw? Pathian pakhat sermi kan si lo maw? Zeicahdah pakhat le pakhat cung i zumhawktlak lo i kan umnak thawngin kan pupa hna sin i biakamnak cu kan hrawh?

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

LAMKALTU 17:28

mi a cheukhat nih, “Amah chungah kan nung, kan cawl kan cang i khua kan sa,’ an ti bantuk le, nan hla phuahtu hna nih, ‘Kanmah zong a tefa kan si ve,’ an ti bantuk khan a si.

JOHAN 14:20

Cu ni a phak tikah cun kei cu ka Pa chung i ka um le nan chung i ka um bantukin nannih zong ka chung i nan um kha nan hngalh lai.

DEUTERONOMI 6:4

“Thei hmanh, maw Israel: Bawipa hi kan Pathian a si, Bawipa lawnglawng hi;

1 KORIN 12:3

Cucaah cun Pathian Thlarau i a hruaimi hna nih cun, “Jesuh cu chiat ko seh,” an ti kho bal lo i, Thiang Thlarau i a hruai hna dah ti lo ahcun, “Jesuh cu Bawipa a si,” an ti kho bal pek lo.

LAMKALTU 2:36

“Israel mi vialte hna, nannih nih vailam tahnak thing cungah nan khenh chihmi Jesuh hrimhrim hi Pathian nih Bawipa ah le Messiah ah a ser cang, ti kha fiang tein hngal u,” tiah a ti.

JOHAN 20:17

Jesuh nih cun, “Ka tlai peng ko tuah hlah, zeicahtiah ka Pa sinah ka kir rih lo. Sihmanhsehlaw ka unau pawl sinah khan va kal law, ‘Ka Pa le nan Pa, ka Pathian le nan Pathian a simi sinah khan ka kal lai,’ a ti tiah va chim hna,” tiah a ti.

JOHAN 13:13

“Nannih nih kei cu, Saya le Bawipa nan ka ti i cucu ka si taktak caah nan ka ti cu ahmaan ko.

MATTHAI 28:18

Jesuh nih cun a hun naih hna i, “Vancung le vawlei cung i a ummi nawl ngeihnak vialte cu pek ka si cang.

MATTHAI 11:27

Ka Pa nih zeizong vialte kha ka kut chungah a ka pek dih. Pa dah ti lo nih cun ahohmanh nih Fapa kha an ka hngal lo i Fapa le an sinah a phuanmi hna dah ti lo nih cun ahohmanh nih Pa kha an hngal lo.

JOHAN 17:3

Cun Pathian taktak a simi nangmah hngalh le nangmah nih na thlahmi Jesuh Khrih hngalh hi zungzal nunnak cu a si.

JOHAN 10:30

Ka Pa le keimah cu pakhat kan si,” tiah a ti.

BIAPHUAN 1:18

Kei cu a nungmi kha ka si. Ka rak thi, sihmanhsehlaw zohhmanh, zungzal in zungzal tiang ka nung cang. Thihnak cung le mithikhua cungah nawl ka ngei.

EFESA 3:14

Hi ruangah hin kan Pa hmaiah khuk bil in ka kun tawn,

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

LAMKALTU 5:31

Israel mi kha i ngaihchihnak caan ṭha le sual ngaihthiamnak pek awkah amah cu Pathian nih a orhlei kamah khan Hruaitu le Khamhtu in a ṭhutter cang.

JONAH 1:9

Cun Jonah nih cun aa thawh i, “Kei cu Hebru mi ka si, Bawipa, vancung Pathian, rili le vawlei a sertu a biami ka si,” tiah a leh hna.

KOLOSE 1:6

Thawngṭha nih hin Pathian vel nan theih kate le cucu zeidah a si taktak ti nan hngalh ri in nan cungah rian a ṭuan bantuk khan, vawlei cung dihlak zongah a karh i thluachuahnak kha a pek hna.

EFESA 1:3

Kan Bawipa Jesuh Khrih i a Pa le a Pathian cu lawm ko u sih. Zeicahtiah Khrih he kan i pehtlaihnak thawngin kannih cu vancung ram ah hin thlarau laksawng phun kip kha a kan pek.

1 KORIN 6:13

Cun a cheu nih nan i thawh ṭhan i, “Rawl cu paw caah a si, paw cu rawl caah a si,” nan ti; a si taktak, sihmanhsehlaw Pathian nih a donghter veve hna lai. Minung pum hi sual tuahnak caah hman ding a si lo, Bawipa rianṭuannak ca tu ah hman ding a si deuh, Bawipa zong nih pum caah rian a ṭuan ve.

1 PETER 1:21

Amah thawngin Pathian cu nan zumh i Pathian nih cun thihnak in a thawhter i sunparnak a pek; cucaah nan zumhnak le ruahchannak cu Pathian cungah aa bunhmi an si.

DEUTERONOMI 4:35

Bawipa cu Pathian a si kha nan hngalh nakhnga, nannih cu hmuhsak nan si; amah hleiah a dang ahohmanh an um lo.

DEUTERONOMI 4:39

cucaah, Bawipa cu vancung ah khin le vawlei cungah hin Pathian a si; a dang ahohmanh an um lo, ti kha nihin cu hngal u law, nan lungchung ah i cinken tuah u.

ISAIAH 46:9

Hlanpi ah a rak ummi thil kha philh hlah u; keimah lawnglawng Pathian ka si le keimah bantuk a dang pathian ahohmanh an um lo kha hngal peng u.

JEREMIAH 10:6

Maw Bawipa, nangmah bantukin ahohmanh an um lo, Nangmah cu na lianngan ko, Na min cu a lianngan i a ṭhawng.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JOHAN 1:10

Cu caan ah cun Bia cu vawlei ah hin a rak um ko. Amah thawngin Pathian nih vawlei hi a rak ser; sihmanhsehlaw vawlei nih khan amah cu a rak hngal lo.