1 KORIN 8:12 - Lai (Hakha) Common Language Bible 2006

¹² Cuticun nan unau hna cung i sualnak nan tuahnak thawng le a derthawmmi an chiaṭha thleidannak nan hliam hna ruangah cun Khrih cungah sualnak nan tuah a si.

Laibaibal Thiang (BSI)

¹² Cubantukin unau cungah palhnâk a tuah i chiaṭha hngalhnâk ah a dermi kha na fahter hna ahcun Krih cungah palhnâk a tuahtu ah nâ cang.

1 KORIN 8:12 Խաչաձեւ Հղումներ

MATTHAI 18:6

“Hi ngakchia tete pakhatkhat hi keimah an ka zumhnak in a pialtertu hna cu, an hngawng ah facang rialnak lungtum nganpi i thlaih hna seh law, rili chungah paih si hna seh law an caah a ṭha deuh hnga.

MATTHAI 25:45

Cun Siangpahrang nih khan, ‘Hihi kan chimh hna: misifak hramh nan duh hna lo paoh ah khan nan ka hramh duh lo a si,’ tiah a leh ṭhan ve lai.

1 KORIN 12:12

Khrih hi nge tampi a ngeimi pum bantuk a si; nge cu tampi an si ko nain pum cu pakhat a si ko.

MATTHAI 25:40

Cun Siangpahrang nih cun, ‘Hihi kan chimh hna: Ka unau pakhatkhat cungah, zeitluk hmanh in sifak le nauta si seh law, nan tuahmi thil paoh hi ka cung i nan tuah a si,’ tiah a leh hna lai.

MATTHAI 18:21

Cun Peter cu Jesuh sinah khan a ra i, “Bawipa, ka unau pakhatkhat nih ka cungah sualnak tuah seh law voi zeizat dah ka ngaihthiam lai? Voi sarih tiang maw?” tiah a hal.

MATTHAI 18:10

“Hi ngakchia tete hi pakhat hmanh zawmhtaih hna hlah u. Annih a vengtu hna an vancungmi kha vancung khua ah ka Pa hmaika ah an um zungzal ko.

1 SAMUEL 24:11

Zohhmanh, ka pa, ka kut chung i na puanki par hi zohhmanh; na puanki par ka hlep nain nangmah kan thah lonak ah hin, ka kut chungah ṭhat lonak siseh, rawinak siseh, a um lo ti kha na hngalh lai i na hmuh ko lai. Nangmah nih ka nunnak kha lak awkah na kawl lengmang nain, na cungah ka sual lo.

1 SAMUEL 2:25

Mi nih mi cungah a sual ahcun Pathian nih remnak a serpiak lai, sihmanhsehlaw mi nih Pathian cungah a sual ahcun, aho nih dah a nawlpiak ti lai?” tiah a ti. Sihmanhsehlaw a pa bia cu an ngai duh lo; zeitintiah annih thah awk kha Bawipa duhnak a si.

EXODUS 32:21

Aaron cu a thawh i, “Hi mi hna hi na cung i zei an tuah ruangah dah hi bantuk sualnak ṭihnung hi na tuahter hna?” a ti.

EXODUS 16:8

Cun Moses nih aa thawh i, “Zanlei ah ei awk sa an petu hna le zinglei ah nan duh tawk in ei awk rawl an petu hna cu Bawipa a si lai, zeicahtiah a cung i nan phunnak le nan zainak liangluang kha a theih. Nan kan zaihnawh len ko cu, zaihnawh awk tlak kan si maw? Nan kan zaihnawh cu Bawipa cung i nan zai pei a si cu,” a ti hna.

GENESIS 42:22

Reuben nih khan, “Ngakchiapa kha harnak pe hlah u kan ti hna i nan rak ngai duh lo cu ta. Atu cu amah thih ruangah khan hi ton kan tong,” a ti hna.

GENESIS 20:9

Cun Abimelek nih Abraham kha a auh i, “Kan cung i na tuahmi hi zeidah a si? Zei palhnak dah na cungah ka tuah i hi ṭhat lonak nganpi hi kan cungah tlunter na zalh? Ka cung i na tuahmi hi ahohmanh nih a tuah awk a si hrimhrim lo.

MARKA 9:42

Keimah a ka zummi, hi ngakchia tete hna lak i pakhat hmanh hi, ka lam in a pialtertu cu, a hngawng ah facang rialnak lung tumpi thlaih i rili chung i thlak kha a caah a ṭha deuh.

LUKA 17:2

Hi ngakchia tete hna lak i pakhat hmanh hi va sualter nakin cu pa cu a hngawng ah facang rialnak lungtumpi i thlaih seh law rilipi chungah hlonh si seh law a caah a ṭha deuh hnga.

ROM 14:20

Rawl ruang menmen ah Pathian thil tuahmi kha rawk hlah u. Rawl vialte hi ei awk an si ko lai, sihmanhsehlaw midang kha sualnak chungah a tlukrilhtertu rawl ei cu zei rawl a si hmanh ah sual a si.