1 KORIN 8:1 - Lai (Hakha) Common Language Bible 2006

¹ Bawlnak sa kong ah hitihin ka ruah: “Kan hngalh cio ko,” an ti bang khan hngalhnak kan ngei cio taktak ko. Sihmanhsehlaw cu bantuk hngalhnak nih cun mi kha an lung a puamter tawn hna; dawtnak bel nih a sersiam hna.

Laibaibal Thiang (BSI)

¹ Milem biaknâk i pêkchanhmi kongah; kan dihlak in hngalhnâk kan ngei cio tiah kan hngalh. Hngalhnâk nih lung a puamter, asinain dawtnâk nih mi a ṭhatter.

1 KORIN 8:1 Խաչաձեւ Հղումներ

1 KORIN 8:7

Sihmanhsehlaw mi kip nih hi biatak hi hngalh a si lo. Mi a cheu cu siasal he an rak i ciahnak kha a sau tuk cang caah nihin ni tiang hrimhrim hin bawlnak sa an ei tikah cu sa cu siasal ta a si tiin an ruah; an chiaṭha thleidannak kha a der i sa nih cun a kan thurter tiin an ruah.

ROM 14:3

Zeipaoh a eimi nih khan cu bantukin a ei ve lomi kha a zawmhtaih awk a si lo, cun zeipaoh a eimi kha anhringso lawng a eimi nih a soi awk a si ve lo, zeicahtiah Pathian nih cun a cohlan veve ko hna cu ta.

ISAIAH 5:21

Nan lo cang! Kan fim nan ti, a fim ngaingai ah nan i ruat.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

1 KORIN 8:4

Cucaah bawlnak sa ei kong ah cun hitihin ka ruah: siasal cu pakpalawng men an si ko, pathian an si lo, Pathian cu pakhat lawnglawng a si ti kha kan hngalh.

1 KORIN 8:2

Zeizong ka hngal ve ko, tiin aa ruatmipa nih hin a hngalh awk tlukin a hngal tawn lo.

ROM 15:14

Ka u le ka nau hna, Keimah hrimhrim nih ṭhatnak le hngalhnak in nan khat i nan i cawnpiak kho ko ti kha fiang tein ka hngalh.

EFESA 4:16

Khrih cu lu a si i amah cungah cun pum cu a ningpi in aa khing. Pum chung i a ummi hliah le cang vialte nih pum cu kekkuai loin an ṭem an ṭawn i pum chung i a ummi nge hna nih anmah le an tuah awk cio an rak tuahnak thawng khan, pum cu a ningpi in dawtnak in a ṭhang.

1 KORIN 15:34

Nan lung i fim ṭhan u law nan sualnak kha ngol hna u. A cheu cu Pathian nan hngal lo, hi ti ka chim hi nan ningzak seh ti ka duh caah a si.

LAMKALTU 15:29

siasal pekchanhmi rawl kha ei i sum u, thi ei kha i sum u, hngawngdih sa ei i sum u, cun nu le pa sualnak kha i sum u. Hi thil hna tuah hi nan i sum ahcun nan caah a ṭha lai. Dam tein,” tiah an ti.

ISAIAH 47:10

“Na ṭhat lonak chungah hnangam in na um ko; ahohmanh nih an ka hmu lo, tiah na ruah. Na fimnak le na hngalhnak nih a pingah an in hruai i nangmah le nangmah cu, ‘Pathian ka si — keimah bantuk midang ahohmanh an um lo,’ naa ti.

NAMBAR 25:2

Mah mi hna nih hin Israel mi hna cu an pathian sin i rai an thawinak ah khan an sawm hna i an ei ve i an pathian hmaiah khan an kun.

1 KORIN 10:28

Sihmanhsehlaw pakhatkhat nih, “Hi rawl hi siasal dohdanghnak rawl a si,” tiah an chimh ahcun, an chimtupa ruangah le chiaṭha thleidannak ruangah, cu rawl cu va ei hlah.

LAMKALTU 21:25

Jentail mi zumtu i a simi hna kong tu ah cun, kannih nih ca kan kuat cang hna i siasal sinah pekchanh ciami rawl nan ei lai lo, thi nan ei lai lo, hngawngdih sa paohpaoh nan ei lai lo, pumsa sualnak kha nan tuah lai lo tiah kan biakhiahnak a si tiin kan ti cang hna,” tiah an ti.

LAMKALTU 15:10

Cucaah zeicahdah kan pupa nih si hna seh, kannih nih si u sih, kan phorh khawh lomi thilrit cu an liang cung i chonh nan timhnak thawng hin Pathian cu hneksak del nan duh?

BIAPHUAN 2:20

Sihmanhsehlaw na cung i ka lungtlin lonak cu hihi a si. Pathian lamkaltu ka si, aa timi Jezebel kha na dawn lo. Amah nih cun ka salle kha a cawnpiak hna i a ping ah a hruai hna i nu le pa sualnak kha an tuah i siasal pekchanhmi rawl kha an ei.

KOLOSE 2:18

Langhnak a sang khunmi kan hmu i cucaah hawi nakin kan cungnung deuh, tiah aa ruat i kanmah le kanmah nih kan pum hi kan hrem awk a si, tiah a ti i vancungmi kha kan biak hna awk a si, a timi hna nih khan, sual zeihmanh in phaw hna hlah seh. Cu bantuk mi nih cun, sullam zei set um ṭung loin, minung ruahning in thil an ruahmi kha an i porhlaw i

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

1 KORIN 5:6

Nan i porhlawt hi ahmaan lo. Phungthluk ah, “Thilnu tlawmte nih chang nawnmi cu a ning piin a thawhter,” timi bia cu nan hngalh.

1 KORIN 5:2

Zeitindah nan i porhlawt khawh ṭheo rih ee? Ngaihchiatnak in nan khah awk tu a si nain; cu bantuk thil a tuahmi cu nan bu chungin nan chuah awk a si.

1 KORIN 4:18

A kan tlawng lem lai lo nan ti i a cheu cu lung puam in nan i la.

1 KORIN 4:10

Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

1 KORIN 1:5

Zeicahtiah Khrih thawngin zeizong vialte ah nan rum cang, holh lei le hngalhnak lei zongah nan rum cang.

ROM 14:22

Cu kong ah cun nangmah nih na ruahning tein va ruat ko, Pathian le nangmah lawnglawng nih va hngal ko uh. Tuah awk a si ti i a ruahmi thil a tuah tikah a lung nih sual a phawt lomi cu lunglawmmi a si.

ROM 14:14

Bawipa Jesuh he kan i pehtlaihnak nih fiang tein a ka hngalhtermi cu hihi a si: zei thil hmanh hi anmahte in a thurhnawmmi an si lo, sihmanhsehlaw pakhatkhat nih thil pakhatkhat cu a thurhnawm in a ruah ahcun cu thil cu a caah cun a thurhnawm ah a cang taktak ko.

ROM 14:10

A si ahcun, nannih anhringso lawng a eimi nih zeicahdah nan unau hna cu nan soi kun hna? Cun nannih anhringso ei lo pawl zong nih zeicahdah nan unau cu nan zawmhtaih ve hna? Kan dihlak in Pathian hmaiah biaceih awkah kan chuak cio ko lai.

ROM 12:16

Pakhat le pakhat nan zawn i ruat dih u. Lungpuam in um hlah u, rian hme tete ṭuan duhnak lungthin kha ngei u. Ka fim tiah vaa ruat hlah u.

ROM 11:25

Ka u le ka nau hna, biathli pakhat nan hngalh awk i ka duhmi a um. Cu nih cun ka fim tiah i ruat loin an umter hna lai. Cu biathli cu hihi a si: Israel mi lung khohkhal i an um hi zungzal ca in a si lo, Jentail mi an dihlak in Pathian sin i an rat caan tiang ca lawng a si lai.

ROM 14:19

Cucaah daihnak a chuahtertu thil le pakhat le pakhat thazang i peknak a bawmtu thil kha kan i tinh awk an si.

1 KORIN 4:6

Ka u le ka nau hna, nanmah ṭhatnak ding caah hi thil vialte hi Apollo le keimah kong in kan chimh hna. Hi bantukin kanmah pahnih kong tahchunhnak ah kan lakpiak hna cu, “Phung leng lonh hlah u,” ti tawnmi kha a sullam nan hngalh khawh nakhnga caah a si. Ahohmanh thangṭhat hlei hna hlah u, ahohmanh namh hlei hna hlah u.

1 KORIN 10:15

Ruahnak a ngeimi sin biachim bantukin nan sinah ka chim; ka chimmi cu nanmah nih ṭha tein ruat ko u.