1 KORIN 7:38 - Lai (Hakha) Common Language Bible 2006

³⁸ Cucaah cun a hammi a ngaknu a ṭhimi nih thil ṭha a tuah ko, asinain a hammi a ngaknu a ṭhi lomi nih khan thil ṭha chinchin a tuah.

Laibaibal Thiang (BSI)

³⁸ Cuticun va a ngeihtertu nih thil ṭha a tuah ko, a ngeihter lotu zong nih khan thilṭha chinchin a tuah.

1 KORIN 7:38 Խաչաձեւ Հղումներ

HEBRU 13:4

Ṭhitumnak hi mi vialte nih kan hmaizah awk a si i nu le va hi zumh awk tlak an si veve awk a si. Nu le pa sualnak a tuahmi hna le va cungin pa aa duhmi hna cu Pathian nih an bia a ceih hna lai.

1 KORIN 7:37

Asinain cuticun na tuah hrimhrim lai tiah hnek si loin pa nih nupi ka ṭhi hrimhrim lai lo tiah a lung aa thleh i a duhnak kha a tei khawh i cuticun khatikhan ka tuah awk a si tiah a lung in aa ruah ahcun — ngaknu cu a ṭhit lo ah a ṭha ko.

1 KORIN 7:8

Cun atu cu nupi ngei rih lo le va ngei rih lo le hmeinu hmeipa nan sinah ka chim: keimah bantuk hin nanmah lawng cio ah nan um ah a ṭha deuh ko lai,

1 KORIN 7:26

Atu caan harnak ruah tikah hin pa nih a umning in um ko seh law a ṭha deuh tiah ka ruah.

MATTHAI 5:32

Sihmanhsehlaw kei nih cun, hitihin ka ti: Mipa nih a nupi kha, zumhawktlak loin a um ti ṭung lo i a mak ahcun, a nupi kha va a ngeih tikah vacung in pa a duhter a si, cucaah mipa kha a sual; cun amah a rak ṭhitu zong kha a sual ve ṭhiamṭhiam.

1 KORIN 7:39

Minu cu a va a nun chungah cun a luat lo, sihmanhsehlaw a va a thih ahcun a duhmi pa he i ṭhit awk kha a luat, amah belte an i ṭhitnak cu Khrihfa ṭhitumnak a si awk a si.