1 KORIN 6:6 - Lai (Hakha) Common Language Bible 2006

⁶ Nannih nih cuticun tuah loin, unau le unau cu taza nan i cuai i a zum lomi tu kha nan biathlektu ah nan hman hna.

Laibaibal Thiang (BSI)

⁶ Unau nih a unau cu biaceihtu sinah a chuahpi, cuzong cu zumlotu hmai ah hei si kaw!

1 KORIN 6:6 Խաչաձեւ Հղումներ

2 KORIN 6:14

A zum lomi hna he i fon cetcut tuk in rian ṭuan ṭi hlah u; cucu a si kho lomi thil a si. Zeitindah a dingmi thil le a ding lomi thil cu hawikom an si khawh lai? Zeitindah ceunak le muihnak cu hmunkhat ah an um ṭi khawh lai?

1 KORIN 6:7

Pakhat le pakhat taza nan i cuainak nih hin nan si awk hnga ding nan si lo kha fiang tein a langhter. Na palh, ti nan si zongah nan caah a ṭha deuh ko lo maw? Nan thil an in chuh hna zongah nan caah a ṭha deuh ko lo maw?

1 KORIN 6:1

Nannih pakhat le pakhat nan i sik tikah, nan bia cu Pathian mi hna tu kha ceihter loin, zeitindah lawkihmi biaceihtu bawi hna sin tu ah nan chuah ngam?

LAMKALTU 7:26

A thaizing ah Israel mi pahnih an i velh kha a hmuh hna i an karlak i remnak ser kha aa zuam. A thawh hna i, “Ka duale hna, ka bia hi ngai tuah u, nannih cu u le nau pei nan si cu, zeicahdah pakhat le pakhat nan i velh?” tiah a ti hna.

GENESIS 45:24

A unau hna cu a hei thlah hna i, “Lampi ah lungrethei in va um hlah u,” tiah a ti hna.

2 KORIN 6:15

Zeitindah Khrih le Khuachia cu an lung aa khah khawh lai? Zumtu le zumlotu nih zeidah an ngeih ṭi khawhmi a um?

1TIMOTE 5:8

Mi pakhatkhat nih a rualchan kha a zohkhenh hna lo ahcun, cun cu nak hmanh in biapi deuh a simi cu, a innchungkhar kha a zohkhenh hna lo ahcun, amah cu zumhnak a hlawmi, Pathian a zum lomi nak hmanh in a ṭha lo deuhmi a si.