1 KORIN 4:10 - Lai (Hakha) Common Language Bible 2006

¹⁰ Kannih cu Khrih ruangah mihrut kan si; nannih tu cu Khrih chungah mifim nan si! Kannih cu kan der, nannih cu nan ṭhawng, kannih cu nautatnak kan hmu, nannih cu upatnak nan hmu.

Laibaibal Thiang (BSI)

¹⁰ Krih ruangah mihrut kan si i nannih cu Krih ah mifim nan si. Kannih kan derthawm i nannih tu nan ṭhawng! Nannih cu nan ropi ngai i kan nih cu zeihmanh lo kan si.

1 KORIN 4:10 Խաչաձեւ Հղումներ

2 SIANGPAHRANG 9:11

Jehu cu a bawipa sinum hna sin i a hung chuah tikah khan, annih nih amah cu, “A ṭha dih maw? Zeicahdah hi mihrutpa hi na sinah khan a rat?” tiah an ti. Cun anih nih annih cu, “Nannih nih amah cu nan hngalh i a bia zong nan hngalh ko kha ta,” tiah a ti hna.

PHUNGTHLÛKBIA 11:12

A innpa a zawmhtaihmi cu mihrut a si, sihmanhsehlaw hngalhthiamnak a ngeimi cu dai tein a um tawn.

ISAIAH 53:3

Zeihmanh ah kan rak rel lo i kan rak hlawt; ngaihchiatnak le nganfahnak kha a rak in hna. Ahohmanh nih a zoh hmanh kan rak zoh duh lo — zei ah a rel in kan rak rel hrimhrim lo.

HOSEA 9:7

Dantatnak ni cu a phan cang, phuhlamnak ni cu a phan cang; Israel cu ṭhumh a si cang. Khi tikah nan sualnak a nganmi nih khan profet cu mihrut ah a ser hna lai i hmutu cu mimolh ah a ser hna lai.

MATTHAI 24:9

“Cun mi nih an in tlaih hna lai i dantat awkah an in chanh hna lai i an in thah hna lai. Keimah ruangah mi vialte nih an in huat hna lai.

MATTHAI 5:11

“Nannih cu ka zultu nan si ruangah mi nih an in nihsawh hna i an in hrem hna i lih a phunphun an in puh hna tikah, nan caah lunglawmh awk a va si dah!

LUKA 10:16

A zultu kha a thawh hna i, “Nan bia a ngaimi paoh nih ka bia an ngaih a si, an hlawmi hna paoh nih keimah an ka hlawt a si, keimah a ka hlawmi paoh nih a ka thlahtu kha an hlawt a si,” tiah a ti.

LUKA 18:9

Anmah kha kan ṭha tiah aa ruat i midang vialte kha zei a rel lomi hna sinah Jesuh nih hi tahchunhnak bia hi a chim.

LUKA 6:22

Mi Fapa ruangah mi nih an in huat hna i an in hlawt hna i an in serhsat hna i miṭhalo an in ti hna tikah i lawm ko u.

LAMKALTU 17:18

Epikurian cawnpiaktu saya a cheukhat le Stoik cawnpiaktu saya a cheukhat he zong an i al. A cheu nih an thawh i, “Hi mihrutpa, langh a duh ngai ṭungmi hi zeidah a chim len ko hnga?” an ti. A cheu nih, “Ramdangmi hna pathian kong chim dawh a si,” an ti. Hitihin zeicah dah an ti ti ahcun, Paul nih khan Jesuh kong le thawhṭhannak kong a chim caah khan a si.

LAMKALTU 17:32

Paul nih thihnak in thawhternak kong a chimmi kha an hun theih tikah a cheu nih an nihsawh i a cheu nih, “Hi kong hi theih ṭhan kan duh,” an ti.

LAMKALTU 26:24

Cu bantukin Paul nih a sual lonak kong a chim lioah khan Festas nih cun a hei auh chih i, “Paul, na hrut cang! Na cawn sannak nih an hruhter cang,” tiah a hei ti.

LAMKALTU 9:16

Cun keimah hrimhrim nih keimah ruangah a in lai dingmi thil vialte kha ka hmuhsak lai,” tiah a ti.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

1 KORIN 1:23

sihmanhsehlaw kannih nih cun vailamtahnak cung i thahmi Khrih kong kha kan chim i cu kong cu Judah mi caah cun tluknak lung a si i Grik mi hna caah cun hruhnak bia a si.

1 KORIN 1:25

Zeicahtiah Pathian hruhnak a si rua timi cu minung fimnak nakin a fim deuh ṭhiamṭhiam i Pathian dernak a si rua timi cu minung ṭhawnnak nakin a ṭhawng deuh ṭhiamṭhiam.

1 KORIN 10:12

Ka dir kho ko tiah aa ruatmi cu a tluk sualnak hnga lo i ralring seh.

1 KORIN 2:14

Sihmanhsehlaw Thlarau a ngei lomi nih cun Pathian Thlarau sinin a rami laksawng cu an hmu kho lo. Fiang in an hngal kho ngaingai hna lo; laksawng a sunning kha thlarau lei lawngin hngalh khawh a si caah annih caah cun pakpalawng men a si ko.

1 KORIN 2:3

Cucaah nan sin i ka rat ah khan tla hnimhniamte le therphang lengmang in ka um i

1 KORIN 3:18

Hi kong ah hin palh sual hrimhrim hlah u: nan lakah ka fim ti aa ruatmi nan um ahcun, — ka chim duhmi cu hi vawlei cung fimning in ka fim ti aa ruatmi nan um ahcun ka ti duhnak a si — mifim ngaingai a si khawh nakhnga mihrut ah i cang seh.

1 KORIN 3:2

Nannih cu hnuk in kan cawm hna a herh ko rih, rawl hak pek nan cut rih lo caah rawl hak kan pe kho rih hna lo. Cun atu tiang hmanh ah hin nan cu rih lo,

1 KORIN 4:8

Nan herhmi paohpaoh cu nan ngeih dih ko cang. Nannih cu nan lian in nan rum ko cang. Nannih cu siangpahrang nan si cang, kannih bel kan si lo. Siangpahrang hei si taktak u law ka hei duh dah, kannih zong nan sinah siangpahrang kan si ve hnga!

2 KORIN 10:10

Micheu nih nan i thawh i, “Paul cu ca kuat ciammam ah cun a ti ti awk a ṭha lo, sihmanhsehlaw hmunkhat um taktak ahcun zei pipa a si lo, bia chim zongah zei ṭhai a si lo,” nan ti.

2 KORIN 11:19

Nannih cu fim tuk u cikaw, mihrut cu nan in khawh zungzal ko hna cu ta.

2 KORIN 11:29

Pakhatkhat an derthawm ah, kei zong ka derthawm ve, pakhat khat sualnak chung i an tlak ah lungretheih in ka thi.

2 KORIN 13:9

Kannih der hmanh u si law nannih nan ṭhawn ah khan kan i lawm. Cucaah mitling nan si khawh nakhnga nan caah kannih zong nih thla kan cam.

2 KORIN 4:12

Cu a sullam cu zeidah a si tiah, kannih chungah cun thihnak nih khan rian a ṭuan i nannih chung tu ah cun nunnak nih khan rian a ṭuan.

2 KORIN 6:8

An kan upat pah, an kan thangchiat pah, an kan nihsawh pah an kan thangṭhat pah. Lihchim bantukin an kan zoh, sihmanhsehlaw kan chimmi cu biatak a si ṭung,

1THESALON 4:8

Cucaah hi cawnpiaknak zulh a duh lomi cu, minung cawnpiaknak zulh a duh lo si loin, Thiang Thlarau an petu hna Pathian cawnpiaknak zulh a duh lo kha a si deuh.

1 PETER 4:14

Khrih zultu nan si ruang i serhsatnak nan in ahcun, nan caah lunglawmh awk a va si dah; cu nih cun sunparnak a ngeimi Thlarau, Pathian Thlarau kha nan cungah a um, ti kha a langhter.