1 KORIN 3:8 - Lai (Hakha) Common Language Bible 2006

⁸ A tuhtu le a toihtu kha cu zeihmanh an i dannak a um lo; an ṭuanning cio khan Pathian nih laksawng a pek ko hna lai.

Laibaibal Thiang (BSI)

⁸ A bunhtu le ti toihtu cu pumkhat an si, an ṭuanning cio in ṭuanman zong hmu ding an si.

1 KORIN 3:8 Խաչաձեւ Հղումներ

ROM 2:6

Pathian nih cun aho paoh kha an tuahmi ningin a rulh hna lai.

2 JOHAN 1:8

Cucaah nan ṭuan lengmang hnawhchanmi kha nan sungh sual nakhnga lo le nan laksawng kha tling tein nan hmuh nakhnga, ralring tein um ko u.

MATTHAI 16:27

Mi Fapa hi ka Pa sunparnak in tuan ah ka vancungmi hna he ka ra lai i mi vialte kha an rian ṭuan ning cio in laksawng ka pek hna lai.

BIAPHUAN 22:12

Jesuh nih cun, “Ngaihmanh, ka ra zau lai. Mi kip an rianṭuanning cio ah pek awkah ka laksawng cu ka rak i put lai.

SALM 62:12

a ti kha voi khat nak tam ka theih. Bawipa, nangmah hrimhrim nih mi cu, an rianṭuanning in na lehrulh ko hna.

1 KORIN 15:58

Cucaah ka u le ka nau hna, fek tein dir u law zeihmanh nih in ṭhial kho hna hlah seh. Bawipa rian teimak tein nan ṭuannak ah cun i manh lo ngaiin um zungzal ko u, Bawipa rian nan ṭuanmi cu alak a si bal lo ti kha nan hngalh.

1 PETER 5:4

Cucaah Tuukhal Bawi Bik kha a rat tikah a ziam kho lomi sunparnak bawi luchin cu nan hmuh lai.

HEBRU 6:10

Pathian cu miding lo a si lo. Rian nan rak ṭuanmi le nan Khrihfa hawi nan rak bawmh tawn hna i atu zongah nan bawmh ko rih hna thawngin nan langhtermi amah nan dawtnak kha a philh lai lo.

GALATI 6:4

Kan rian ṭuanmi cu kanmah cio nih a ṭhat a chiat a cuaithlaining kan thiam awk a si; cucaah tuah awk aa tlakmi thil kan tuah tikah, midang nih a ṭha a ṭhalo ti hau loin, kan lung aa lawm kho lai.

1 KORIN 3:14

Inn saknak hram cungah pakhatpa nih inn a sak i cu a sakmi cu mei nih khan a hrawh khawh lo ahcun, cu pa nih cun laksawng a hmuh lai.

1 KORIN 3:9

Zeicahtiah kannih cu Pathian ca i hmunkhat ah rian a ṭuan ṭimi kan si i nannih cu Pathian lo nan si. Nannih cu Pathian inn zong nan si fawn.

DANIEL 12:3

Hruaitu fim hna cu van i arfi ceu bantukin an ceu lai i Lamding ah mizapi a hruaitu hna cu zungzal in zungzal tiang arfi bantuk an si lai.

BIAPHUAN 2:23

Cun a zultu hna zong kha ka thah hna lai i Khrihfabu vialte nih khan keimah cu minung lungthin le duhnak a hngal dihtu ka si kha an hngalh lai. Nannih cu nan tuahmi ning cio ah kan cham hna lai.

PHUNGTHLÛKBIA 27:18

Theipi kung a zohkhenhtu nih a thei a ei lai. A bawipa a kilvengtu nih upatnak a hmuh lai.

1 KORIN 3:7

A ci a tuhtu le ti a toihtu thamtham cu biapi an si ṭung lo. Pathian kha pei biapi cu a si cu, zeicahtiah amah nih khan pei a ṭhanter cu.

1 KORIN 4:15

Zeicahtiah Khrih chung i nan nunning ah hin zohkhenhtu cu thong hra hmanh ngei hna u law pa cu pakhat lawnglawng nan ngei. Thawngṭha nan sin i ka ratpi thawngin Khrih Jesuh chung i nan nunnak ah hin keimah hi nan pa cu ka si ko.

1 KORIN 9:7

Ralkap aho nih dah ralkap chung i an um lioah anmah tein an paw an i cawm bal? Lothlopa ahodah a lo chungin a chuakmi mitsur thei ei loin a um bal? Tuukhal ahodah a tuurun chungin a hmuhmi tuu hnuk ding loin a um bal?

GALATI 6:5

Zeicahtiah kanmah le kan thil cio cu kanmahte nih kan i phorh awk a si.

LUKA 19:19

Amah zong cu a thawh i, ‘Khua panga uktu na si lai,’ tiah a ti.