1 KORIN 3:12 - Lai (Hakha) Common Language Bible 2006

¹² Cu hram cung i saknak thilri caah cun a cheu nih sui maw, ngun maw, lungvar mansung maw, an hman hna lai; cun a cheu nih thing maw, di maw, capawl maw, an hman hna lai.

Laibaibal Thiang (BSI)

¹² Hrambunh mi cungah khan mi kip nih, sui, ngun, lungvar, thing, hnahchawl, capawl hna hmangin inn an sak ahcun,

1 KORIN 3:12 Խաչաձեւ Հղումներ

2TIMOTE 4:3

Cawnpiaknak a hmaanmi kha mi nih an ngaih duh lo i anmah duhnak tu kha an zulh i anmah theih duhmi chimtu dingah cawnpiaktu an lak hna lai caan kha a phan lai.

2TIMOTE 3:7

hi nu hna hi cawn le hngalh a duh zungzal ve ṭung, biatak a hngal kho bal ṭung lomi an si.

2TIMOTE 2:20

Inn nganpi chungah hin umkheng a phunphun an um tawn, a cheu cu ngun in sermi an si, a cheu cu thing in sermi an si i a cheu cu tlak in sermi an si; cun a cheu cu caan sung khun i hman awk caah an si i a cheu cu a menmen i hman awk caah an si.

BIAPHUAN 21:18

Vampang cu jasper lungvar in ser a si i khuapi cu sui thiang in ser a si i thlalang fim in a fim.

BIAPHUAN 3:18

Cucaah ruahnak kan cheuh duhmi cu, keimah sinin sui thiang taktak kha ka caw law na rum lai. Cun naa thuamhnak ding le taklawng in na umnak ningzahnak khuhnak ding caah, thil rang i cawk fawn. Cun na mit thuh awkah si zong i cawk law cuticun khua na hmu kho lai.

1 PETER 1:7

Hneksaknak nan inmi cu nan zumhnak kha a tak maw tak lo ti hngalhnak caah a si lai. Hrawh khawh a simi thil cu, sui hmanh hi hneksak a hau, cucaah sui nakin let tam piin a sung deuhmi nan zumhnak cu, hneksaknak kha chuak lakin a in khawh nakhnga, hneksak a hau ve. Cun Jesuh Khrih a langh Ni ah cun thangṭhatnak le upatnak le sunparnak kha nan hmuh lai.

SALM 119:72

Na ka pekmi nawlbia cu ka caah vawlei cung tangka vialte nakin a ṭha deuh.

SALM 19:10

Sui nakin duh deuh awk an si, sui thiang bik phun nak hmanh in duh deuh awk an si, Khuaihliti nakin an thlum deuh, khuaihliti thiang bik nakin an thlum deuh.

BIAPHUAN 2:14

Asinain na cungah ka lungtlin lonak tlawmpalte a um: cucu Balaam cawnpiaknak a zulmi nan lakah tlawmpal an um kha a si; Balaam nih cun Balak kha, Israel mi cu siasal pekmi rawl einak thawng le nu le pa sualnak thawngin an sual nakhnga, na cawnpiak hna lai, tiah a cawnpiak.

HEBRU 13:9

Cawnpiaknak hmaan lo a phunphun kha a pingah i hruaiter hna hlah u. Pathian vel nih nan lung kha a ṭhawnter ahcun a ṭha, rawl kong phunglam zulh nih cun zeihmanh ṭhathnemnak a chuahpi lo; hi bantuk phunglam a zulmi hna cu an zulhmi phunglam nih khan zeihmanh a bawm hna lo.

2TIMOTE 3:13

sihmanhsehlaw miṭhalo le chungthu lengnal pawl cu a ṭhalo chin lengmang khan an um lai i midang kha an hlen lengmang hna lai i anmah le anmah zong kha an i hleng lengmang lai.

1TIMOTE 6:3

Hihi na cawnpiak hna awk le na chimh hna awk a si. Kan Bawi Jesuh Khrih bia le kan biaknak phung nih a kan cawnpiakmi he aa khat lomi cawnpiaknak phun dang a cawnpiaktu hna paoh cu

KOLOSE 2:8

Khrih chungin si loin, van le vawlei uktu thlarau hna sinin le minung nih pakhat le pakhat an i cawnpiak chin lengmangmi chungin a chuakmi minung fimnak, santlaihnak zeihmanh a ngei lomi fimnak, hlennak menmen a simi cu hmang in, ahohmanh nih sal ah in ser hna hlah seh.

2 KORIN 2:17

Kannih cu Pathian bia kha, thil man fawi bantuk men in a tawngthammi hna bantuk kan si lo; kannih cu Pathian nih khan a kan thlah caah, amah hmaiah Khrih sal bantukin lungthin tak tein bia kan chim.

ROM 16:17

Cheunak a chuahtertu hna le zumhnak a tuaitertu, nannih nih nan hmuh ciami cawnpiaknak a ralchanhmi hna kha i ralring hna u tiah kan forh hna; annih cu hrial ko hna u.

LAMKALTU 20:30

Cun nanmah bu chung lila zong hin mi a cheu nih a zummi hna kha anmah lei i hruai awkah lih an chim lai caan kha a phan lai.

JEREMIAH 23:28

Profet pakhatkhat nih mang a manh ahcun, a mang cu chim ko seh, bia chim awk a ngeih ahcun, ka bia cu a ning tein chim ko seh. Favai le a fang cu nan thleidang kho hna lo maw, tiah Bawipa nih a ti.

ISAIAH 60:17

Dar can ah sui kan pek lai, thir can ah ngun kan pek lai i thing can ah darsen kan pek lai. Lung can ah thir na hmuh lai. An uktu bawi hna nih khan an in hrem ti lai lo, dinnak le daihnak in ka ukter hna lai.

PHUNGTHLÛKBIA 30:6

A bia zeihmanh chap hlah, an sik sual lai i lihchim na sinak kha a lang sual lai.

PHUNGTHLÛKBIA 16:16

Fimnak ngeih hi sui nakin a ṭha deuh, hngalhthiamnak ngeih hi ngun nakin thim deuh awk a si.

PHUNGTHLÛKBIA 8:10

Keimah cawnpiaknak cu ngun nakin i lak deuh u, hngalhnak cu sui ṭha nakin i lak deuh u;

2 KORIN 4:2

Ningzak a simi thil, a thli tein tuahmi thil vialte kha kan hlawt hna i ahohmanh hleng lo tein kan um, Pathian bia zong kha hlennak ah kan hmang bal lo. Biatak kha hlangfang tein kan chim i cuticun Pathian hmaika ah kan minung hawi cu nanmah nih nan chiaṭha thleidannak ningin kan chiat le kan ṭhat cu ruat ko u, kan ti hna.

1 KORIN 3:11

zeicahtiah Pathian nih Jesuh Khrih lawnglawng cu a hram caah khan a chiah cang i hram dang zeihmanh chiah awk ding a um ti lo.

1 KORIN 3:13

Cun an sakmi cio cu zeidah an lawh taktak ti kha Khrih Ni nih a langhter te hna lai. Zeicahtiah cu Ni mei nih cun an rianṭuanmi kha a hneksak cio hna lai i zeidah an lawh taktak ti cu mei nih cun a langhter lai.

EXODUS 5:12

Cucaah mi cu capawl kawl ah khan Izipt ram ah cun an i ṭhek.