1 KORIN 3:1 - Lai (Hakha) Common Language Bible 2006

¹ A ngaingai ti ahcun, ka u le ka nau hna, nannih sinah cun Thlarau a ngeimi hna sin i bia ka chim bantukin ka chim kho lo; hi vawleicung mi bantuk le Khrihfa zumhnak i bawhte a si rihmi hna bantuk lawngin bia kan chimh khawh hna.

Laibaibal Thiang (BSI)

¹ Cun unau hna, thlaraulei mi bangin nan sinah bia ka chim kho lo, thisa mi bangin, Krih ah ngakchia sem sin i bia chim bangin bia ka chim.

1 KORIN 3:1 Խաչաձեւ Հղումներ

HEBRU 5:13

Caw hnuk ṭheo aa rinh ko rihmi cu ngakchia an si ko rih i ahmaan le ahmaan lo kongah hngalhnak a ngei rih lomi an si.

1 KORIN 2:6

Asinain nutling patling a si cangmi hna sinah cun fimnak bia kha ka chim ko. Sihmanhsehlaw cu ka chimmi fimnak bia cu, hi a liam lio lengmangmi chan fimnak hi a si lo, hi a liam lio lengmangmi chan a uktu hna ṭhawnnak fimnak zong a si lo;

1 KORIN 14:20

Ka u le ka nau hna, khua nan ruahning ah hin ngakchia bantuk si hlah u; ṭhat lonak kongah cun ngakchia bantuk si u, sihmanhsehlaw khuaruahning ah cun nutling patling si u.

ROM 7:14

Nawlbia cu thlarau lei thil a si, cucu kan hngalh ko. Sihmanhsehlaw kei cu titsa mi ka si, sualnak sal ah a zuarh in zuarhmi ka si.

1JOHAN 2:12

Ka dawtle hna, nan sualnak cu Khrih min ruangah ngaihthiam nan si caah hi ca hi kan kuat hna.

GALATI 6:1

Ka u le ka nau hna, pakhatkhat nih sualnak nan tuah sual tikah, a thlarau deuh pawl nih khan, lam dingah nan chiah ṭhan awk a si; cun cu ti nan tuah tikah nemnak tein nan tuah lai. Cun nanmah zong tukforhnak cu nan in sual venak hnga lo nan i ralring lai.

MATTHAI 16:23

Jesuh cu a hun i mer i Peter cu, “Satan, ka sinah um hlah. Na ruahnak hi Pathian ruahnak si loin minung ruahnak a si caah ka caah dawntu na si,” tiah a ti.

1 KORIN 14:37

Ahohmanh nih Pathian lamkaltu ka si tiin aa ruah ah siseh, thlarau laksawng ngeimi ka si tiin aa ruah ah siseh, a hngalh awk cu, nan sin i ka ṭialmi hi Bawipa nawlbia a si, ti kha a si.