1 KORIN 15:54 - Lai (Hakha) Common Language Bible 2006

⁵⁴ Cun a rawk khomi nih a rawk kho lomi aa hruk i a thi khomi nih thih khawh lonak aa hruk tikah cun, Cathiang nih, “Thihnak cu hrawh a si cang, teinak cu a tling cang,” a timi kha a tling lai.

Laibaibal Thiang (BSI)

⁵⁴ Cuticun hi thut a hmangmi nih thut a hmang lomi â hruk i hi a thi khomi nih a thi kho lomi â hruk tikah, cu cân hrimhrim ah, “Thihnâk cu teinâk nih a dawlh,” tiah ṭialmi hi a tling lai.

1 KORIN 15:54 Խաչաձեւ Հղումներ

ISAIAH 25:8

Bawipa nih thihnak cu zungzal ca in a hrawh lai. Mi vialte cu an mitthli a hnawh hna lai i a miphun nih vawlei cung khuazakip ah zawmhtaihnak an inmi kha a lakpiak hna lai. Hi bia cu Bawipa hrimhrim nih a chimmi bia a si.

BIAPHUAN 20:14

Cun thihnak le mithi khua cu mei tili chungah khan an paih hna. (Hi mei tili hi thih voi hnihnak cu a si).

BIAPHUAN 21:4

An mitthli vialte kha a hnawh dih hna lai. Thihnak a um ti lai lo, ngaihchiatnak le ṭahnak le fahnak zong a um ti lai lo. Thil hlun vialte cu an lo dih cang,” a ti.

LUKA 20:36

Annih cu vancungmi bantuk an si i an thi kho lo. Annih cu thihnak in thawh ṭhantermi an si cang caah Pathian fa an si.

2 KORIN 4:11

Thih a thiammi kan pum ah hin Jesuh nunnak cu a langh khawh nakhnga Jesuh ruangah thihnak huat dengmang lengmang in khua kan sa.

ROM 2:7

Micheu nih thil ṭha kha an tuah lengmang i sunparnak le upatnak le zungzal nunnak kha an kawl; cu hna cu Pathian nih zungzal nunnak kha a pek ko hna lai.

ROM 8:11

Jesuh kha thihnak in a thotu Pathian Thlarau cu nan chungah a um ahcun, Khrih cu thihnak in a thawhtertu Pathian nih khan a Thlarau cu nan chungah a umter caah nannih zong thih hmangmi nan pum kha nunnak an pekpiak ve hna lai.

ROM 6:12

Cucaah thih a hmangmi nan pum kha sualnak nih uk ti hlah seh law, pumsa duhnak kha in zulhter ti hna hlah seh.

ROM 1:23

thih a thiam lomi Pathian tu kha bia loin thih a thiammi minung le va le saram le a lawn in a lawnmi thilnung he aa loin sermi milem tu kha an biak hna.

2 KORIN 5:4

Hi vawlei cung thlam chung i kan um lioah hin cun hremnak ing lengmang in kan hrum kan ai; hi vawlei cung pum hi hlawt kan duh ti a si lo, sihmanhsehlaw vancung pum kha hun kan hruk hna seh law ti kha kan duh i thih thiammi hi nunnak nih dolh seh law ti kha kan duh.