1 KORIN 15:2 - Lai (Hakha) Common Language Bible 2006

² Thawngṭha cu kan chimh hna ning khan fek tein nan i tlaih ko lo maw? Nan i tlaih lo ahcun nan lungthlennak cu pakpalawng a si ko hnga.

Laibaibal Thiang (BSI)

² kan chimhmi hna bia kha nan zumh mênmên si loin fek tein nan i tlaih ahcun, cucu khamh nan sinâk cu a si.

1 KORIN 15:2 Խաչաձեւ Հղումներ

HEBRU 3:6

Sihmanhsehlaw Khrih zumh awk tlak a sining cu, Pathian inn a zohkhenhtu Fapa ningin a si. Cu inn cu kanmah hi kan si i cu kan simi cu kan i ruahchanmi kha fek te le ṭih lo tein kan i tlaih peng lawngah kan si zungzal lai.

HEBRU 2:1

Cucaah a ping i kan kal sual nakhnga lo kan theihmi biatak kha fek chinchin in kan i tlaih awk a si.

HEBRU 3:14

Zeicahtiah a hramthawk tein ralṭha ngaiin kan rak zumhmi kha fek tein a dongh tiang kan i tlaih ahcun, kan dihlak in Khrih hawi kan si dih zungzal lai.

2TIMOTE 1:9

Pathian nih cun amah mi hrimhrim si awkah a kan khamh i a kan auh; cucu kanmah tuahmi ruangah si loin amah nih aa tinhmi le vel a kan ngeih ca ruang tu ah khan a si. Hi a vel cu caan hramthawk hlan in Jesuh Khrih in a kan pek cang,

KOLOSE 1:23

Cucaah nan zumhnak kha fek tein nan i tlaih zungzal lai i nan dirhmun ah khan fek tein nan dir zungzal lai; nan theihmi Thawngṭha nih an phorhmi hna ruahchannak kha thlau hrimhrim hlah u. Hi Thawngṭha hi vanrang tang khuazakip ah sermi thil vialte sinah chimmi Thawngṭha kha a si i keimah Paul hi cu Thawngṭha sal cu ka si.

EFESA 2:8

Nannih cu vel an ngeih hna caah an khamh hna i khamhnak nan hmuh cu amah nan zumhnak thawngin a si. Khamhnak nan hmuhmi cu nanmah tuahmi a si lo, Pathian laksawng a si.

1 KORIN 1:18

Vailamtahnak i Khrih a thihnak kong hi a tlau lio lengmangmi hna caah cun pakpalawng bia a si ko, sihmanhsehlaw khamh lio lengmangmi hna kannih caah cun Pathian hmual a si.

JEIM 2:26

Cucaah cun pum cu thlarau loin a thih bantukin zumhnak zong tuahnak loin a thi ve.

JEIM 2:14

Ka u le ka nau hna, pakhat khat nih, “Zumhnak ka ngei,” ti seh law, cu zumhnak cu a tuahnak nih a langhter ṭung lo ahcun, zeidah a ṭhathnem? Cu zumhnak nih cun a khamh khawh lai maw?

HEBRU 10:23

Bia a kan kamhtu Pathian cu zumh awk tlak a si bantukin kan i ruahchanmi cu fek tein i tlaih peng ko u sih.

LUKA 8:13

Lung lakah a tlami thlaici cu bia kha a thei i lunglawm ngaiin a cohlang i sihmanhsehlaw an chung i thuk a pil lomi kha an si. Caan tlawmte chung lawng kha an zumh i tukforhnak a rat tikah an tlu ṭhan.

JEIM 2:17

Cu bantukte cu zumhnak zong cu a si ve, tuahnak zeihmanh a chuahter lo ahcun a thimi thil a si ko.

HEBRU 4:14

Cucaah kan zumhnak hi fek tein i tlaih ko u sih. Pathian umnak hrimhrim ah a hung lutmi Tlangbawi Ngan kan ngei i amah cu Pathian Fapa Jesuh kha a si.

2 THESALON 2:15

Cucaah cun u le nau hna, kan phungchimnak ah siseh, kan cakuatmi in siseh, kan in cawnpiakmi hna biatak chungah khan fek tein dir u law fek tein biatak cu i tlaih ko u.

GALATI 3:4

Thil nan rak hmuhtheihmi vialte kha pakpalawng maw an rak si kun? Sihlah! Nan caah santlai an rak si ko khah.

2 KORIN 6:1

Hi rian ah hin Pathian he a ṭuan ṭimi kan si caah hitihin kan in nawl hna: Pathian vel cu nan hmuh cang i cu vel cu pakpalawng ah canter hram hlah u.

ROM 1:16

Thawngṭha hi ka zahpi lo, zeicahtiah a zummi vialte hna caah Pathian khamhnak hmual a si, Judah mi hna caah a si hmasa i cun Jentail mi hna ca zongah a hung si.

PHUNGTHLÛKBIA 4:13

Cawnpiaknak kha i tlaih peng law thlah hlah; Cucu zul peng tuah, na nunnak a si.

PHUNGTHLÛKBIA 3:1

Ka fapa, kan cawnpiaknak cu philh hlah, Sihmanhsehlaw na lung nih ka nawlbia cu i cinken ko hna seh;

2 KORIN 2:15

Cucaah kannih cu Khrih nih Pathian sinah a pekchanhmi rimthaw zihmui bantuk kan si, cu zihmui cu khamh lio lengmangmi hna sin zong a phan i a tlau lio lengmangmi hna sin zong a phan.

1 KORIN 15:14

cun Khrih cu thihnak in thawhter a si lo ahcun, kannih cu chim awk zeihmanh kan ngei hnga lo i nannih zong zumh awk zeihmanh nan ngei hnga lo.

1 KORIN 1:21

Minung nih anmah fimnak in Pathian hngalh khawh lo ding kha Pathian nih a fimnak in a rak tuahmi a si. Kan chimmi “hruh bia” tu hin Pathian nih zumhnak a ngeimi cu khamh a duh hna.

ROM 11:22

Hika ah hin zeitluk in dah Pathian nih mi a zaangfah hna ti le zeitluk in dah Pathian cu ṭih a nun ti kha kan hmuh. A tlumi hna caah cun ṭih a nung ngaingai ko, sihmanhsehlaw nannih cungah cun zaangfahnak a ngei — a zaangfahnak chung i nan um paoh ahcun an zaangfah ko hna lai, sihmanhsehlaw nan um lo ahcun nannih zong khiah nan si ve ko lai.

LAMKALTU 8:13

Simon hrimhrim zong nih cun a zumh ve i tipilnak a in dih hnuah Filip sinah cun aa helhum lengmang ve; a nganmi hmelchunhnak hna le khuaruahharnak hna kha a hmuh hna tikah a khuaruah a har ngaingai.

LAMKALTU 2:47

Pathian kha an thangṭhat i mi vialte nih an hmaizah hna. Cun khamh a si liomi hna cu Bawipa nih ni fate in an bu chungah khan a luhter lengmang hna.

PHUNGTHLÛKBIA 23:23

Biatak kha vaa cawk law zuar ti hlah, fimnak, cawnpiaknak le hngalhthiamnak kha i cawk hna.

1 KORIN 11:2

Keimah kha philh lo tein nan ka um i kan pek chinmi hna cawnpiaknak kha nan zulh caah kan thangṭhat hna.