1 KORIN 11:34 - Lai (Hakha) Common Language Bible 2006

³⁴ Cun nan rawl a ṭam ahcun inn ah i ei ta u, cuticun nan i pumh tikah Pathian biaceihnak nan huat lai lo. Cun thil dang tu cu ka rat tikah kan remhchun te lai.

Laibaibal Thiang (BSI)

³⁴ Rawlṭammi nan um ahcun innah rak ei hmasa seh, culoahcun biaceihnâk tuar dingin â pummi nan si sual lai. Hi hlei in a herhmi bia dang hna cu ka rat tikah fel tein ka ruah te lai.

1 KORIN 11:34 Խաչաձեւ Հղումներ

1 KORIN 7:17

Ahohmanh Pathian nih laksawng an pek hna ning le Pathian nih an auh hna i nan sining cio khan um ko u. Hihi khrihfabu kip ah ka cawnpiakmi hna a si.

1 KORIN 4:19

Bawipa duhnak a si ahcun, tuan ah kan tlawng hna lai i hi milungpuam pawl nih hin zeidah an tuah khawhmi taktak a si kha keimah hrimhrim nih ka ra zoh lai, zeidah an chim khawh timi lawng kha si lo in.

TITAS 1:5

Krit tikulh i kan chiahtak ah khan ka rak i tinhmi cu, kan ṭuannak i kan nganh tami kha a ningcang tein na hun sersiam hna lai i khua kip ah Khrihfa upa kha na hun chiah hna lai, ti a si. Na hun zulh awkah tiin cawnpiaknak kan chiahtami kha philh hna hlah.

1 KORIN 16:2

Zarhpi ni fate in, nan hmuhmi a tlawm a tam ning cio khan phaisa nan rak thawh lai i nan rak khon lai, ka rat tikah phaisa khawlh herh ti lo dingin,

1 KORIN 16:5

Masidonia ram kha ka tanpah lai caah Masidonia ram ka tlawn dih cun nan sinah ka ra lai.

1 KORIN 4:17

Hi ruangah hin nan sin i Timote ka rak thlah hi a si. Amah cu Bawipa chungah ka dawtmi le ka zumhmi ka fapa a si. Amah nih cun, Khrih Jesuh chung i nunnak thar in nunning ah zeitindah ka umtu a si ti kha le khuazakip ah khrihfabu kha zeitindah ka cawnpiak hna ti kha an chimh hna lai.

1 KORIN 11:33

Cucaah ka u le ka nau hna, Bawipa Zanriah ei awk i nan i pumh tikah pakhat le pakhat i hngak u.

1 KORIN 16:1

Judea ram i a ummi Pathian mi hna bawmhnak ca i phaisa thawh awk timi kong ah khan, Galatia khrihfabu ka chimhmi hna kha rak tuah ve u.