1 KORIN 11:24 - Lai (Hakha) Common Language Bible 2006

²⁴ Pathian sinah thla a cam hnuah a cheu i, “Hihi ka pum a si, nanmah caah a si. Keimah philh lonak ah tuah u,” a ti.

Laibaibal Thiang (BSI)

²⁴ lawmhnâk bia a chim dih in a cheu i, “I lâk ulaw, ei uh, hihi nan ca i ka pêkmi ka pum a si, Keimah philhlonâk ah hi hi tuah u,” a ti kha.

1 KORIN 11:24 Խաչաձեւ Հղումներ

ISAIAH 26:8

Nangmah duhnak kha kan zul i nangmah kha kan in bochan; kan duhmi cu nangmah na si ko.

SOLOMON HLA 5:1

Aanka tiam cia far can ka dawt aw, dum chungah ka ra ai cang, Ka mura le zihmui ka khawmh hna, khuaihliti le fu thlum zong ka ei; Ka mitsur thlum le cawhnuk ka din hna.

PHUNGTHLÛKBIA 9:5

“Ra u law changreu kha ei u law mitsur hang ka cawhmi kha ding tuah u.

EXODUS 12:14

Hi ni hi nan caah philh khawh lomi ni a si lai; Bawipa biaknak puai ah nan hman lai. A hmunmi puai ah nan ser lai i chan khat hnu chan khat in nan hman zungzal lai.

ISAIAH 25:6

Hi Zion Tlang cungah hin Ralkapbu Pathian nih vawlei cung miphun vialte caah rawl danghnak a timh lai — cu rawl danghnak cu rawl thaw bik le zu thaw bik in a timh lai.

SOLOMON HLA 1:4

Zaṭial kut in ka hruai law kal hawl si, Mangbawi phunsang na suan run remh dal, chungchin ah ka luhpi ai law. Nang hnen ah cun kan meremte le lungriam in, Na vel ṭha cu mitsur hang nakin hei thangṭhat deuh sih, Ai! nang cu leng duhran cem na si.

SALM 111:4

Bawipa nih thil khuaruahhar a tuahmi hna kha philh loin a kan umter; amah cu mi cungah vel a ngei i zaangfah a thiam.

MATTHAI 26:13

Hihi philh hlah u: hi thawngṭha hi vawlei cung khuazakip i an chimnak hmun paoh ah, a tuahmi thil hi amah philh lonak ah chim a si zungzal ve lai,” tiah a ti hna.

SALM 22:29

Miporhlaw vialte kha a hmaiah an kun lai, a thi khomi minung, a thi ding a si komi vialte hna kha a hmaiah an kun lai.

SALM 22:26

Sifakmi nih an duh zat in an ei lai, Bawipa sinah a rami nih Bawipa cu an thangṭhat lai. Zungzal in thluachuak in um ko hna seh.

JOSHUA 4:7

Khi tikah nannih nih Bawipa biakamnak kuang hmaiah Jordan tiva ti cu a cat; Jordan kha a tan tikah Jordan ti cu a cat, tiah nan chimh hna lai. Cucaah hi lung hna cu Israel mi caah zungzal hngalh camcinnak an si lai,” tiah a ti.

EXODUS 28:12

Israel fapale hna kha philh lonak dingah, cu lungvar pahnih cu angki liang i bahnak a hnam ah khan na ṭhit chih hna lai. Cuticun Aaron nih khan an min cu a liang cungah aa chonh zungzal hna lai i Pathian nih a hngalh zungzal hna lai.

1 KORIN 11:23

Zeicahtiah kan pek chinmi hna cawnpiaknak hi Bawipa sinin ka hmuhmi a si: kan Bawipa Jesuh cu an rawi zan ah khan chang kha aa lak i

1 KORIN 11:25

Cu bantuk ṭhiamṭhiam in zanriah ei dih in hrai kha aa lak i, “Hi hrai hi Pathian biakamnak thar, ka thi in ka fehtermi a si. Hi hrai nan din fate keimah philh lonak caah ding u,” a ti.