1 KORIN 10:17 - Lai (Hakha) Common Language Bible 2006

¹⁷ Changreu kan i phawtmi cu hlum khat a si bantukin kannih cu kan tampi nain pum khat kan si; zeicahtiah kan dihlak in cu changreu hlum khat cu kan i hrawm.

Laibaibal Thiang (BSI)

¹⁷ Zeitintiah kannih hi tampi kan si nain, changreu tlangkhat, taksa pumkhat kan si. Changreu tlangkhat chungin kan co cio mi a si.

1 KORIN 10:17 Խաչաձեւ Հղումներ

ROM 12:5

Cu bantuk cun, kannih zong hi mi tampi kan si nain Khrih he kan i pehtlaihnak thawngin pum khat kan si i pum nge dangdang cu pakhat le pakhat an i pehtlaih dih bantukin kannih zong pakhat le pakhat kan i pehtlai dih ve.

KOLOSE 3:15

Khrih nih an pekmi hna daihnak kha nan lung chung i biaceihtu ah ser u; zeicahtiah hi daihnak hmuh awkah hin Pathian nih pum khat chung i um awkah an kawh hna. Cun lunglawmhnak in khat u.

1 KORIN 12:27

Cucaah nannih cu nan dihlak in Khrih pum kha nan si i pumpak cio ah a nge kha nan si.

1 KORIN 12:12

Khrih hi nge tampi a ngeimi pum bantuk a si; nge cu tampi an si ko nain pum cu pakhat a si ko.

EFESA 4:25

Cucaah lihchim um ti hlah seh. Aho cio paoh nih a unau cu biatak chim seh, zeicahtiah kan dihlak in hmunkhat ah Khrih pum chung nge kan si cio.

EFESA 4:16

Khrih cu lu a si i amah cungah cun pum cu a ningpi in aa khing. Pum chung i a ummi hliah le cang vialte nih pum cu kekkuai loin an ṭem an ṭawn i pum chung i a ummi nge hna nih anmah le an tuah awk cio an rak tuahnak thawng khan, pum cu a ningpi in dawtnak in a ṭhang.

EFESA 4:4

Pathian nih an kawh hna tikah ruahchannak pakhat a um a ti bantukte khan pum cu pakhat lawng a um i Thlarau pakhat lawng a um.

KOLOSE 3:11

Cu a phichuak cu hihi a si: Jentail mi ti a um ti lo, Judah mi ti a um ti lo, cuarpartan ti a um ti lo, tan lomi ti a um ti lo, mihrut, Sithian mi, miluat, sal, ti a um ti lo, zeizong vialte cu Khrih a si ko i zeizong vialte chungah Khrih cu a um ko.

EFESA 3:6

Cu biathli cu hihi a si: Thawngṭha thawngin Jentail mi hna nih Judah mi hna sinah khan Pathian thluachuahnak an hmuh ve cang; annih cu pum khat chung nge kha an si cang i Khrih Jesuh in Pathian nih biakamnak a tuahmi ah khan tinvo an ngei ve cang.

KOLOSE 2:19

lu a simi Khrih i tlaih kha an ngol. Lu a simi Khrih sin khan pum nih cun cawmnak a hmuh i pum cu a hliahcang le a thahri hna nih khan an fun an ṭem i Pathian nih ṭhang seh ti a duhning khan a ṭhang.

1 KORIN 10:21

Bawipa hrai le khuachia hrai cu nan din kep kho hna lai lo; Bawipa cabuai le khuachia cabuai zong nan hman kep kho hna lai lo.