1 KORIN 1:5 - Lai (Hakha) Common Language Bible 2006

⁵ Zeicahtiah Khrih thawngin zeizong vialte ah nan rum cang, holh lei le hngalhnak lei zongah nan rum cang.

Laibaibal Thiang (BSI)

⁵ phuanmi le hngalhnâk vialte ah, Amah ah zeizong vialte ah rumter nan si.

1 KORIN 1:5 Խաչաձեւ Հղումներ

LAMKALTU 2:4

Annih cu Thiang Thlarau in an khat i Thlarau nih chim khawhnak a pek hna bantuk cio khan, holh dang in an holh.

ROM 11:12

Judah mi sualnak nih hin vawlei cungah thluachuahnak tampi a tlunter i thlarau lei in mipam an sinak nih Jentail mi cu thluachuahnak tampi a phorh hna ahcun Judah mi cu tling tein an i tel ve tikah cun thluachuahnak cu zeitluk in dik a ngan chinchin lai!

ROM 15:14

Ka u le ka nau hna, Keimah hrimhrim nih ṭhatnak le hngalhnak in nan khat i nan i cawnpiak kho ko ti kha fiang tein ka hngalh.

ROM 15:4

Cathiang nih lungsaunak le lungthin ṭhawnnak a kan pekmi thawngin ruahchannak kha kan ngeih khawh nakhnga Cathiang chung i aa ṭialmi vialte cu kanmah cawnpiaknak caah a si.

1 KORIN 12:10

Pakhat cu khuaruahhar tuah khawhnak a pek; cun pakhat cu Pathian bia chim thiamnak a pek i pakhat cu Thlarau sinin a rami laksawng a si maw si lo ti thleidan khawhnak a pek. Cun pakhat cu holhtheihlo in holh khawhnak kha a pek i pakhat cu cu holhtheihlo in chimmi leh khawhnak a pek.

1 KORIN 12:8

Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek.

1 KORIN 13:2

Phungchim thiamnak laksawng ka hei ngei ko hnga i hngalhnak phun tling ka hei ngei ko hnga i biathuk vialte ka hei hngalh dih ko hna hnga; cun tlang ṭhial khawhnak zumhnak zong ka hei ngei ko hnga, sihmanhsehlaw dawtnak ka ngeih lo ahcun zeihmanh ka si lo.

1 KORIN 13:8

Dawtnak cu dongh a thiam lo. Profet biachimnak cu um hmanh seh law cucu a dih lai. Holhtheihlo a um maw? Cucu a dong lai. Hngalhnak kan ngeihmi zong a dih lai.

1 KORIN 14:26

Cucaah ka u le ka nau hna, ka chim duhmi cu hihi a si: Pathian biak awk i nan i pumh tikah pakhat nih hla thawh awk nan ngei ko lai, pakhat nih cawnpiak awk nan ngei ko lai, pakhat nih Pathian nih a sinah a phuanmi bia chim awk nan ngei ko lai, pakhat nih holhtheihlo in phung chim ding nan ngei ko lai i pakhat nih cu holhtheihlo a sullam leh khawhnak cu nan ngei ko lai. Cu vialte cu a zeipaoh hmanh kha, khrihfabu ṭhathnemnak ding caah tuah si hna seh.

1 KORIN 8:11

Cucaah hi miderthawmpa, Khrih nih a thihhnawh vemi nan unaupa hi, nanmah “hngalhnak” ruangah cun a rawk lai!

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

2 KORIN 6:10

kan ngaihchiatnak cu an tuah nain kan lung aa lawm zungzal, sifak ngai kan lo sihmanhsehlaw mi tampi kan rumter hna, zeihmanh a ngei lomi ko kan lo, asinain a taktak ti ahcun kan ngeih lomi a um lo.

2 KORIN 8:7

Zumhnak ah siseh, biachimnak ah siseh, hngalhnak ah siseh, midang bawmh duhnak ah siseh, kanmah nan kan dawtnak ah siseh, nan rum ngaingai ko. Cucaah cun hi dawtnak rian zongah hin a siangmi nan si awk kha kan in duh hna.

2 KORIN 9:11

Zeitik caan paoh ah minunsiang nan si khawh nakhnga Pathian nih cun a za in an rumter zungzal hna lai i kan sinin an hmuhmi nan laksawng ruangah khan Pathian cu mi tampi nih an lawmh lai.

EFESA 1:17

Kan Bawipa Jesuh Khrih i a Pathian, a liannganmi kan Pa cu, nanmah kha Thlarau pek awkah ka hal lengmang, thlarau nih cun an fimter hna lai i Pathian kha nan sinah a phuan lai i Pathian cu nan hngalh lai.

EFESA 2:7

Khrih Jesuh thawngin a langmi a dawtnak chung i a ummi a vel cu zeitluk in dah a ngan ti kha a zungzal in hmu hna seh ti a kan duh caah, hi cu a tuah.

EFESA 3:8

Pathian mi hna lak i a hme bik nak hmanh in a hme deuhmi ka si ko nain, Khrih a rumnak a dong kho lomi Thawngṭha cu Jentail mi hna sinah chim awk le

EFESA 6:19

Cun thla rak ka campiak ve u, bia ka chim tikah Pathian nih chim awk bia a ka pek nakhnga le ralṭha in ka chim nakhnga le thawngṭha biathli cu ka langhter khawh nakhnga, ka caah thla rak cam u.

FILIPI 1:9

Nan ca i thla ka cam tawnmi cu, nan dawtnak ngeihmi cu hngalhnak ahmaanmi le a chia a ṭha thleidan khawhnak fimnak he ṭhang seh law,

KOLOSE 2:3

Khrih cu Pathian fimnak le hngalhnak aa thupmi hunnak tawh a si.

KOLOSE 3:10

mi thar cu nan i hruk cang caah pakhat le pakhat i hleng hlah u. Hi mi thar hi a sertu Pathian nih amah mui lo chin lengmang in a tharchuah lengmangmi cu a si i cucu amah hngalhnak kha tlamtling tein nan ngeih khawhnak caah a si.

JEIM 3:13

Nan lakah a fim i hngalhnak a ngeimi nan um maw? Cu hna nih cun a fimmi le hngalhnak a ngeimi an si kha a ṭhami an nunning le toidornak lungthin le fimnak in an tuahmi thil ah khan an langhter awk a si.

2 PETER 3:18

Kan Bawipa le kan Khamhtu Jesuh Khrih vel le hngalhnak ah khan ṭhang ko u. Atu le zungzal tiang khin sunparnak cu amah ta si ko seh! Amen.