1 KORIN 1:30 - Lai (Hakha) Common Language Bible 2006

³⁰ Sihmanhsehlaw Pathian nih cun kannih cu Khrih Jesuh he a kan pehtlaihter cang i Pathian nih Khrih cu kannih fimnak caah a ser cang; amah thawng cun kannih cu Pathian he kan i rem i Pathian mithiang ah kan cang i a luatmi kan si.

Laibaibal Thiang (BSI)

³⁰ Nannih tu cu Amah thawngin Krih Jesuh ah nan um, Amah cu Pathian sinin kan ca fimnâk, dinnâk, thiannâk le tlanhnâk a si,

1 KORIN 1:30 Խաչաձեւ Հղումներ

PHUNGTHLÛKBIA 1:20

Khuachung lam ah khan fimnak cu a au, Chawdawrnak hmun ah khan a au;

PHUNGTHLÛKBIA 2:6

Zeicahtiah Bawipa nih cun fimnak kha a pek hna i hngalhnak le hngalhthiamnak kha a cawnpiak hna.

PHUNGTHLÛKBIA 8:5

Maw mihrut rual hna, fimnak cawng tuah u; maw lungtlawmmi hna, ṭha tein ngai tuah u.

ISAIAH 11:2

A mi kha a uk khawh hna nakhnga Bawipa ṭhawnnak nih amah cu fimnak le hngalhnak le thiamnak a pek lai. Bawipa duhnak kha zeidah a si ti a hngalh lai i Bawipa cu a ṭih lai.

ISAIAH 45:17

Sihmanhsehlaw Israel cu Bawipa nih a khamh i teinak a hmuhmi cu zungzal in a hmun lai; a mi cu ningzahnak an phan lai lo.

ISAIAH 54:17

Sihmanhsehlaw sermi hriamnam zeihmanh nih khan nangmah cu an pem kho lai lo; sual an puhtu vialte hna kha na leh khawh dih hna lai. Ka salle cu ka ven hna lai i teinak ka pek hna lai,” a ti. Hi bia cu Bawipa nih a chim.

JEREMIAH 33:16

Khi ni ah cun Judah cu him tein a um lai i Jerusalem cu ahohmanh nih hnahnawh lo tein khua a sa lai; cun a min cu, ‘Bawipa cu kan dinnak a si,’ ti a si lai,” tiah Bawipa nih a ti.

DANIEL 2:20

Fimnak le ṭhawnnak vialte cu a ta a si caah Pathian min cu chan khat hnu chan khat thangṭhat si ko seh.

DANIEL 9:24

Na mi hna le nan khua thiang caah zarh sawm sarih kha chiah a si; khi hnuah raldohnak kha a dong lai; sualnak kha a dih lai; ṭhat lonak kha ngaihthiam a si lai i zungzal dinnak kha run tlunter a si lai, langhnak le profet bia chimhnak kha a tling lai i Hmun Thiang Bik cu chiti thuh a si lai.

HOSEA 13:14

Hi mi hna hi Sheol chungin ka khamh hna lai lo, Thihnak ṭhawnnak chung zongin ka chuah hna lai lo. Maw thihnak, na rai hna he cun ra tuah! Sheol, hrawh khawhnak ṭhawnnak na ngeihmi he cun ra tuah! Hi mi hna hi an cungah zaangfahnak zeihmanh ka ngei lo.

MATTHAI 1:21

Fapa a hrin lai i a min ah Jesuh na sak lai — zeicahtiah a mi kha an sualnak chungin a khamh hna lai,” tiah a ti.

LUKA 11:49

Hi ruangah hin pei Pathian Fimnak nih, ‘Annih cu profet le lamkaltu kha ka thlahhnawh hna lai, a cheu an thah hna lai i a cheu an hrem hna lai’ a ti cu.

LUKA 21:15

zeicahtiah nan ral ahohmanh nih an in tei hna i an in al khawh hna nakhnga lo, bia le fimnak kha kan pek hna lai.

JOHAN 1:18

Ahohmanh nih Pathian cu an hmu bal lo; sihmanhsehlaw Pathian Fapa bel nih Pathian cu mi kha a hngalhter hna. Cu Fapa cu Pathian Fapa ngeihchun, a Pa ṭang chung i aa pommi kha a si.

JOHAN 14:6

Jesuh nih, “Keimah hi lam le biatak le nunnak ka si; keimah sinin ti dah lo cun ahohmanh Pa sin an phan kho lo.

JOHAN 17:26

Na ka dawtnak cu an chungah a um i kei zong an chungah ka um nakhnga, nangmah kong cu annih kha ka hngalhter hna i ka hngalhter ṭhan lengmang ko hna lai,” tiah a ti.

JOHAN 17:8

Na ka pekmi bia kha ka chimh hna i annih nih an cohlan; nangmah sinin a rami ka si kha a si taktak tiah an hngalh i nangmah i na ka thlah kha an zumh.

JOHAN 8:12

Jesuh nih annih cu a thawh ṭhan hna i, “Kei cu vawlei ceunak ka si. Keimah a ka zummi paoh cu nunnak ceunak kha an ngei lai i mui lakah an vai lai lo,” tiah a ti.

LAMKALTU 26:18

Nangmah nih an mit kha na deiter hna lai i muihnak in ceunak ah, Satan pennak in Pathian pennak chungah na nunter hna lai; cun keimah an ka zumhnak thawngin an sual ngaihthiamnak kha an hmuh lai i Pathian thimmi hna lakah an i tel ve lai, tiah Bawipa nih cun a ti,” tiah a ti.

ROM 1:17

Cucu zeitindah a hung si ti ahcun, Thawngṭha nih cun Pathian nih zeitindah minung kha Amah he aa remter hna ti kha a langhter i Cathiang nih, “Zumhnak thawngin Pathian he aa remmi cu an nung lai,” a ti bang khan, Pathian he i remnak cu a hram in a dong tiang zumhnak thawngin a si.

ROM 11:36

Zeicahtiah zeizong vialte hi amah nih a sermi an si i zeizong vialte hi amah thawngin a ummi an si, amah caah an si dih. Pathian cungah sunparnak cu zungzal in um ko seh! Amen.

ROM 12:5

Cu bantuk cun, kannih zong hi mi tampi kan si nain Khrih he kan i pehtlaihnak thawngin pum khat kan si i pum nge dangdang cu pakhat le pakhat an i pehtlaih dih bantukin kannih zong pakhat le pakhat kan i pehtlai dih ve.

ROM 16:11

Judah mi a simi ka phun hawi Herodion le Narsissas innchungkhar Khrihfa kan unau hna kha nan kut kan tlaih hna.

ROM 16:7

Andronikas le Junias kha an kut ka tlaih hna, annih cu kan Judah phun hawi keimah he thongtla ṭimi an si. Anmah cu lamkaltu pawl nih khan ṭha tein an theihmi hna an si i ka hlan i Khrihfa a cangmi an si.

ROM 4:25

Amah cu kan sual ruangah thihnak phakter a si i Pathian he kan i remnak hnga dingah nunnak ah thawhter a si.

ROM 4:6

Pathian nih rianṭuannak tel loin, miding bantuk ah a cohlanmipa aa lawmhnak kong David nih a chim tikah, hihi pei a sullam a chim duhmi cu a rak si cu:

ROM 5:19

Mipa pakhat nawlngaih lo ruangah mi tampi kha misual i ser an si bantukin mipa pakhat nawlngaih ruangah mi tampi cu miding ah ser an si lai.

ROM 5:21

Cucaah sualnak nih cun thihnak kha hmang in a kan uk bantukin Pathian vel nih cun dinnak kha hmang in a kan uk i Jesuh Khrih kan Bawipa thawngin zungzal nunnak ah a kan kalpi.

ROM 8:1

Atu cu Khrih Jesuh he i pehtlai in a nungmi hna caah cun sualphawtnak a um ti lo.

ROM 8:23

Cu ti a hrum a aimi cu sermi thil lawng an si lo, Thlarau cu Pathian laksawng hmasater caah a hmumi kanmah zong hi, Pathian nih a fa ah ser i kan pum hi a ning piin luatter ding kan hngah lioah hin kan hrum kan ai ve ko.

ROM 8:9

Sihmanhsehlaw nannih cu cuticun nan nung lo; Thlarau hruaining tu in nan nung deuh — Pathian Thlarau a ngei lomi cu Khrih ta an si lo.

1 KORIN 1:2

Nannih cu Pathian mithiang si awkah kawh nan si i Khrih Jesuh he nan i pehtlaihnak thawngin Pathian ta nan si. Cun Jesuh Khrih cu kan Bawi zong a si i an Bawi zong a si ve bantukin kan Bawipa Jesuh Khrih min in thla a cammi paoh cu khuazeika i a ummi an si hmanh ah Pathian ta cu an si ve.

1 KORIN 1:24

Sihmanhsehlaw Pathian nih a kawhmi hna caah cun, Judah mi an si zongah Jentail mi an si zongah, cu bia cu Khrih kha a si i Khrih cu Pathian hmual le Pathian fimnak kha a si.

1 KORIN 12:18

Sihmanhsehlaw atu i a sining bantukte hin, Pathian nih amah duhning tein, anmahle an um nakhnga ding cio ah khan a chiah hna.

1 KORIN 12:27

Cucaah nannih cu nan dihlak in Khrih pum kha nan si i pumpak cio ah a nge kha nan si.

1 KORIN 12:8

Thlarau nih cun pakhat cu fimnak bia chim thiamnak a pek i pakhat cu hngalhnak biathuk fiang lak in chim thiamnak a pek.

1 KORIN 4:15

Zeicahtiah Khrih chung i nan nunning ah hin zohkhenhtu cu thong hra hmanh ngei hna u law pa cu pakhat lawnglawng nan ngei. Thawngṭha nan sin i ka ratpi thawngin Khrih Jesuh chung i nan nunnak ah hin keimah hi nan pa cu ka si ko.

1 KORIN 6:11

A cheu cu cu bantuk cu nan rak si. Asinain sualnak in thianh nan si cang; Pathian sinah pekchanh nan si cang; Bawipa Jesuh Khrih min le kan Pathian Thlarau thawngin Pathian he remter nan si cang.

2 KORIN 12:2

Kan hnulei kum hleili ah khan Khrihfa mipa pakhat cu a van thumnak ah khin an cawi (langhnak a hmuh maw a si, a si taktak dik a si ka hngal lo, Pathian lawng nih a hngalh).

2 KORIN 4:6

“Muihnak chungin ceunak hung ceu seh,” tiah a titu Pathian ṭhiamṭhiam kha kan lung chungah amah ceunak a ceutertu cu a si; Khrih hmai cungah a ceumi Pathian sunparnak hngalhnak ceunak kha a kan pek.

GALATI 1:4

Atu chan, chan ṭhalo chung hin kannih cu luatter awkah, Pathian kan Pa duhnak zulh in, Khrih cu kan sualnak caah aa pe.

GALATI 3:13

Sihmanhsehlaw Nawlbia nih a chuahpimi chiatsernak chung khan Khrih nih a kan tlanh cang, cu a kan tlanhnak cu kan ca i chiatserhmi i a cannak thawng khan a si i chiatserhmi a hung i can cu, Cathiang nih, “Thingkung cung i thlaimi paoh cu Pathian chiatserhmi an si,” a ti caah khan a si.

EFESA 1:10

Caan a cut tikah Pathian nih tlinter a timhmi cu hihi a si: van i a ummi thil vialte le vawlei i a ummi thil vialte kha hmunkhat ah a pumh dih hna lai i Khrih cu an lu ah a ser lai.

EFESA 1:14

Pathian nih a mi hna bia a kan kamhmi kha kan hmuh hrimhrim lai tinak aamahkhan cu Thlarau hi a si i Pathian nih a ta a simi hna cu luatnak tling a pek hna lai ti a kan hngalhtertu zong a si. A sunparnak cu thangṭhat ko u sih!

EFESA 1:7

Khrih thihnak nih kannih cu a kan luatter, cucu kan sualnak kha ngaihthiam kan si tinak a si. Pathian vel cu a va lianngan hringhran dah.

EFESA 2:10

Kannih cu Pathian kutchuak kan si i Pathian nih thil ṭha tuah dingah a rak kan tinh bantukin Khrih he kan i pehtlaihnak thawngin thil ṭha cu kan tuah khawhnak hnga a kan ser ṭhanmi kan si.

EFESA 4:30

Cun Pathian Thiang Thlarau kha a ngaihchiatter hlah u; zeicahtiah Pathian ta nan si hmelchunhnak le Pathian nih an luatter hna Ni cu a phan lai ti aamahkhan cu Thlarau cu a si.

EFESA 5:26

Khrihfabu cu ti in thiang tein a ṭawl hnuah Pathian sinah a bia in a pek.

FILIPI 3:9

Keimah dinnak timi, Nawlbia zulhnak thawngin hmuhmi phun kha, ka ngei ti lo, atu cu Khrih zumhnak thawngin pekmi dinnak, Pathian sinin a ra i zumhnak chungah aa bunhmi dinnak lawng kha ka ngei cang.

KOLOSE 1:14

a Fapa thawng cun luatnak kan hmu i kan sualnak cu ngaihthiam kan si.

KOLOSE 3:16

Khrih bia cu nan chungah tam piin a fimnak he khan um seh. Fimnak in pakhat le pakhat i chim u law i cawnpiak u. Thangṭhatnak hla, Pathian biaknak hla le hla thiang kha sa hna u; Pathian kha lawmhnak in hla in thangṭhat u.

1THESALON 5:23

Daihnak a kan petu Pathian nih cun amah ta ah in ser hna seh law nan sining piin, nan thlarau he nan nunnak he nan pum he, kan Bawipa Jesuh rat ni ah cun, palhnak um loin, in chia hna seh.

TITAS 2:14

Kannih cu ṭhat lonak chungin chanh awkah le amah ta a simi mithiang si awkah le ṭhatnak tuah a duhmi siter awkah, kan caah a nunnak kha a pek.

HEBRU 9:12

Khrih nih thlam chung khan a va kal i voi khat ah zungzal ca za dingin Hmun Thiang Bik chungah a va luh tikah, raithawinak i pekchanh awkah cawfa thi siseh, meheh thi siseh, aa put lo, amah thi thengte kha aa put i khamhnak kha a kan serpiak.

JEIM 1:5

Sihmanhsehlaw fimnak a baumi nan um ahcun, Pathian sinah thlacam seh law Pathian nih a pek ko lai; Pathian nih cun ahopaoh kha zaangfah ngai le siang ngaiin a pek ko hna.

1 PETER 1:2

Jesuh Khrih kha a nawl ngaih awk le a thi in nannih cu tlengh awkah Pathian kan Pa tinhning in thim nan si i a Thlarau nih miphun thiang ah an ser hna. Vel le daihnak cu tling khitkhet in nan ta si ko seh.

2 PETER 1:1

Jesuh Khrih sal le lamkaltu a simi Simon Peter nih, Kan Pathian a dinnak thawng le kan Khamhtu Jesuh Khrih thawngin kan zumhnak tlukin a sunglawimi zumhnak a hmu vemi nan sinah ca kan kuat hna.

1JOHAN 5:6

A rami cu Jesuh Khrih hi a si, tipil a innak ti le a thihnak thi he a rami a si. Ti he lawng a ra lo, ti he thi he a ra. Cun cucu biatak a si ti kha Thlarau hrimhrim nih tehte a khaan, zeicahtiah biatak cu Thlarau kha a si.

BIAPHUAN 14:4

Annih cu nu he um ṭi loin thiang tein a ummi an si; nu le pa sinak a hngal lomi an si. Tuufa kha a kalnak kip ah an zulh. A tang rihmi minung hna lakin tlanhmi an si i Pathian sin le Tuufa sinah pekchanh hmasa bikmi an si.

BIAPHUAN 5:9

Hla thar kha an sa i: “Nangmah cu cazual kha lak awk le a khuhnak kha phoih awkah naa tlak. Zeicahtiah an in thah i na thihnak thawngin, Hrin kip le chung kip le holh kip le phun kip chungin, Minung cu Pathian sinah na phakpi hna.