1 CHANRELNAK 6:71 - Lai (Hakha) Common Language Bible 2006

⁷¹ Gershon mi hna cu hi ram hi pek an si; Manasseh phun cheu chung khan Bashan i Golan kha a saṭil tlonnak ram hna he, cun Ashtaroth le a saṭil tlonnak ram hna;

1 CHANRELNAK 6:71 Խաչաձեւ Հղումներ

JOSHUA 21:27

Cun Levi mi innchungkhar hna lakah pakhat a si vemi Gershon mi hna cu Manasseh phun cheu chungin Bashan i a ummi Golan, mi thattu ca i himnak khua a simi le, Beeshterah khua le a saṭil tlonnak ram hna, — khua pahnih cu pek an si;

JOSHUA 20:8

Cun Jeriko nichuahlei Jordan tiva ral ah Reuben phun chungin tlangrawn ram ramlak i a ummi Bezer le, Gad phun chungin Gilead i a ummi Ramoth le, Manasseh phun chungin Bashan i a ummi Golan kha an thim hna.

JOSHUA 9:10

Amor mi hna siangpahrang pahnih Jordan tiva ral i a ummi, Heshbon siangpahrang Sihon le Bashan siangpahrang Og, Ashtaroth ah a ummi hna cung i a tuahmi vialte kha kan theih.

DEUTERONOMI 4:43

Reuben mi hna caah tlangrawn ramlak i a ummi Bezer le, Gad mi hna caah Gilead i a ummi Ramoth le, Manasseh mi hna caah Bashan i a ummi Golan cu an si.

DEUTERONOMI 1:4

Amor mi Siangpahrang Sihon, Heshbon ah a ummi, le Bashan Siangpahrang Og, Ashtaroth le Edrei ah a ummi, a tei hna hnuah khan a si.

JOSHUA 13:31

cun Gilead ram a cheu le Bashan ram chung i Og nih a penmi ram khuapi Ashtaroth le Edrei. Mah hna hi Manasseh fapa Makhir tefa hna cu pek an si, an innchungkhar ning cio ah Makhir mi hnarcheu cu pek an si.

1 CHANRELNAK 6:70

cun Kohath innchungkhar a tang rihmi hna caah Manasseh phun cheu chung khan Aner kha a saṭil tlonnak ram hna he, cun Bileam kha a saṭil tlonnak ram hna he pek an si.

1 CHANRELNAK 6:72

Issakhar phun chungin Kedesh le a saṭil tlonnak ram hna, Daberath le a saṭil tlonnak ram hna,

JOSHUA 21:6

Gershon mi hna nih Issakhar phun, Asher phun, Naftali phun le Bashan i a ummi Manasseh phun cheu hna innchungkhar hna sin khan camcawh fung khiah in khua hleithum an hmuh.