1 CHANRELNAK 29:1 - Lai (Hakha) Common Language Bible 2006

¹ Siangpahrang David nih aa pummi cu a thawh hna i, “Ka fapa Solomon hi Pathian nih a timhmi cu a si. Asinain amah cu a no rih i a hmuhtonmi a tlawm; sihmanhsehlaw ṭuan ding vial cu rian nganpi a si ṭung, zeicahtiah sak ding inn hi minung ca siangpahrang inn a si lo i Bawipa Pathian ca a si.

1 CHANRELNAK 29:1 Խաչաձեւ Հղումներ

1 CHANRELNAK 22:5

Cun David nih a thawh i, “Ka fapa Solomon hi a ngakchia i zeihmanh a hngal rih lo, cun Bawipa ca i sak dingmi inn cu rumra a um hringhranmi, a minthannak le a sunparnak ram vialte ah a thangmi a si awk a si; cucaah ka rak timhlamh chung lai,” tiah a ti. Cucaah David nih a thih hlanah thilri tampi a damhtak.

1 SIANGPAHRANG 3:7

Cun atu cu, maw Bawipa ka Pathian, nangmah nih na salpa hi ngakchiate ka si ko nain, ka pa David hmun ah siangpahrang ah na ka ser cang; keimah cu zeitindah ka chuah lai i zeitindah ka luh lai, ti a hngal lomi ka si.

2 CHANRELNAK 13:7

cun Rehoboam cu a no i lungthin fek a ngeih rih hlanah khan, mizeiruaramlo le santlailo pawl kha a sinah an i ṭom i Solomon fapa Rehoboam cu an doh i anih nih a rak celh hna lo.

PHUNGTHLÛKBIA 4:3

Ka pa caah ngakchia ka rak si i ka nu caah fapa dawt, a nomi ka rak si tikah khan,

1 CHANRELNAK 29:19

Ka fapa Solomon nih hin lung ṭengnge lo tein na nawlbia hna le na hngalhternak bia hna le na phunglam hna kha a zulh hna i a tuah dih hna i ka timhlamh ciami biakinn hi a sak khawh nakhnga, nangmah nih amah cu bawm ko,” tiah a ti.

1 CHANRELNAK 28:10

Cucaah i ralring tuah, zeicahtiah nangmah cu Bawipa nih a thiangmi hmun ca i inn sak awkah an thim cang; ṭhawng ngaiin um law ṭuan tuah,” tiah a ti.

1 CHANRELNAK 28:8

Cucaah Israel mi vialte, Bawipa mibu aa pummi hmuhhngan le kan Pathian theihhngan ah hin, nannih nih Bawipa nan Pathian i nawlbia vialte cu zul u law kawl tuah u; zeitintiah nannih nih hi ram ṭha cu nan co i nan hnu i a ra dingmi nan tefa hna caah ro ah nan roh zungzal hna nakhnga.

1 CHANRELNAK 28:1

David nih Jerusalem ah Israel mi bawi vialte, an phun chung bawi hna, siangpahrang rian a ṭuanmi ralkapbu bawi hna, a thongthong pawl a haotu hna, a zaza pawl a haotu hna, siangpahrang le a fapa hna i an thilri le saṭil a cawngtu hna kha siangpahrang inn bawi hna le miṭhawng hna le ralkap ṭhawng vialte hna he khan hmunkhat ah a pumh hna.

2 SAMUEL 3:39

Siangpahrang ah chiti thuh ka si nain, nihin ah hin ka der ko; hi mi Zeruiah fapale hna hi ka caah an hak tuk. Bawipa nih ṭhat lonak a tuahtu cu a ṭhat lonak bantukin rul ko seh!” tiah a ti.

JEREMIAH 30:18

Bawipa nih hitin a ti: Zohhmanh, Jakob tefa hna cu an vanṭhatnak kha ka pek ṭhan hna lai i An umnak kip ah khan ka dawtnak kha ka hmuhsak hna lai. Khua cu an rawknak mual cungah khan sak an si ṭhan cio lai i Inn kip chungah khan a rak um tawnmi chungkhar kha an um ṭhan cio hna lai.

1 SIANGPAHRANG 1:20

Cucaah siangpahrang ka bawipa, atu cu Israel mi vialte hna nih, ahodah siangpahrang ka bawipa ṭhutdan ah hin amah hnu in a ṭhu lai, ti chimh awkah nangmah cungah an mit an chiah dih.

1 CHANRELNAK 22:2

David nih Israel ram chung i ramdangmi a ummi hna kha i pumh awkah nawl a pek hna i Bawipa inn saknak caah lung attu hna kha lung a remhter hna.

2 CHANRELNAK 1:2

Solomon nih cun Israel mi vialte, a thongthong pawl haotu si hna seh, a zaza pawl haotu si hna seh, biaceihtu si hna seh, Israel ram chung i hruaitu a simi, innchungkhar lu a si ciomi vialte hna kha bia a chimh hna.