1 CHANRELNAK 28:8 - Lai (Hakha) Common Language Bible 2006

⁸ Cucaah Israel mi vialte, Bawipa mibu aa pummi hmuhhngan le kan Pathian theihhngan ah hin, nannih nih Bawipa nan Pathian i nawlbia vialte cu zul u law kawl tuah u; zeitintiah nannih nih hi ram ṭha cu nan co i nan hnu i a ra dingmi nan tefa hna caah ro ah nan roh zungzal hna nakhnga.

1 CHANRELNAK 28:8 Խաչաձեւ Հղումներ

DEUTERONOMI 4:1

“Cun atu cu, maw Israel, kan cawnpiakmi hna phunglam hna le nawlbia hna cu ngai u law, tuah hna u, nan nun i nan kal i Bawipa nan pupa Pathian nih an pekmi hna ram cu nan co nakhnga.

ISAIAH 34:16

Thilnung kong ṭialnak Bawipa cauk chungah khan kawl tuah u law zeidah a chim ti kha rel tuah u. Hi thilnung vialte hna hi pakhat hmanh a baumi an um lai lo i pakhat hmanh keptu ngei lo zong an um lai lo. Cu bantukin si seh tiah Bawipa nih a ti i amah hrimhrim nih hmunkhat ah cun a umter hna lai.

PHUNGTHLÛKBIA 13:22

Miṭha nih cun an fa fa chin tiangin ro an chiahpiak hna, sihmanhsehlaw misual mi nih an pumh luaimaimi chawva cu miding hna sinah a kal ko lai.

EZRA 9:12

Cucaah nan fanu hna cu an fapa hna kha pe hna hlah u law, an fanu hna zong nan fapa hna caah la hna hlah u, cun kan ṭhawng lai i ram chung thil ṭha cu kan ei hna lai i kan tefa hna cu zungzal ca in ro ah kan roh hna lai tiin annih he remnak siseh, rumnak siseh kawl hlah u,’ tiah na timi kha kan hlawt hna.

DEUTERONOMI 5:32

Cucaah Bawipa nan Pathian nih nawl an pek hna bangin ṭha tein nan tuah lai; orhlei ah siseh; kehlei ah siseh nan i mer lai lo.

LAMKALTU 17:11

Khika mi hna cu Thesalonika khuami nakkhan an lung a kau deuh. An chimmi kha lungtho ngaiin an ngaih i Paul nih a chimmi kha a si taktak maw si taktak lo ti hngalhnak caah nifate in Cathiang chung kha an kawl.

LAMKALTU 10:33

Cucaah nangmah cu khulrang in kan kawh i na ra. Atu cu kan dihlak in hika ah hin Pathian hmaika ah kan um i Pathian nih chim awkah an fialmi paoh cu kan chim tuah,” tiah a ti.

PHUNGTHLÛKBIA 3:1

Ka fapa, kan cawnpiaknak cu philh hlah, Sihmanhsehlaw na lung nih ka nawlbia cu i cinken ko hna seh;

SALM 119:44

Na phunglam cu ka zulh zungzal lai, zungzal in zungzal tiang ka zulh lai.

SALM 119:4

Na nawlbia kha na kan pek i zumhawktlak tein nan zulh lai na kan ti.

DEUTERONOMI 29:15

Nihin ah kan sin i a um lomi hna he zong ka ser a si.

DEUTERONOMI 29:10

Nihin ah nannih cu nan dihlak in, nan phun lu cio hna le nan upa hna le nan bawi hna le Israel mi pa vialte hna le

DEUTERONOMI 4:26

Jordan tan in nan va co laimi ram chung cun nan rawk cikcek zau lai, tiah nihin ni ah hin nanmah hngaltu ah van le vawlei ka kawh hna; a chungah saupi nan nung lai lo, nan lo dih cikcek ko lai.

DEUTERONOMI 4:6

Ul hna u law, tuah hna u, zeitintiah miphun hna hmuh ah mah cucu nan fimnak le nan hngalhnak a si lai; hi nawlbia vialte an theih tikah, ‘Hi a nganmi miphun hi a fim le a hngalhthiammi an si hrimhrim ko,’ an ti lai.

SALM 119:27

Na phunglam zulhning kha ka cawnpiak law na cawnpiaknak khuaruahhar cu ka ruat hna lai.

1 CHANRELNAK 28:7

Nihin ah a tuah bantuk hin, ka nawlbia hna le ka phunglam hna kha fek tein a zulh lengmang hna ahcun, a pennak cu zungzal in ka hmunhter lai,’ tiah a ti.

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

EXODUS 23:13

Kan chimhmi hna hi ṭha tein ngai u. Nannih nih pathian dang sinah thla nan cam hrimhrim lai lo, an min hmanh a chim in nan chim lai lo.

DEUTERONOMI 5:33

Nan co laimi ram chungah saupi nan nun i remrel i nan nun nakhnga, Bawipa nan Pathian nih nawl an pekmi hna lam kha nan zulh lengmang lai.

DEUTERONOMI 27:1

Cun Moses le Israel upa hna nih cun mizapi cu nawl an pek hna i, “Nihin ah kan pekmi hna nawlbia hi a ningpi in nan ulh lai.

JOSHUA 24:20

Nannih nih Bawipa kha nan hlawt i ramdang pathian kha nan biak hna ahcun, nan cung i ṭhatnak a tuah hnuah khan, aa let lai i ṭha loin an tuah hna lai i an hrawh dih hna lai,” tiah a ti.