1 CHANRELNAK 28:12 - Lai (Hakha) Common Language Bible 2006

¹² cun Bawipa inntual ca le a kulhtu khaan hna le Pathian inn chawhlawn khonnak hna le pekchanhmi laksawng chawhlawn khonnak ding ruam-am hna zong kha a pek;

1 CHANRELNAK 28:12 Խաչաձեւ Հղումներ

1 CHANRELNAK 26:20

Cun Levi mi hna lak khan, Ahijah nih khan Pathian inn chawhlawn kuang le pekchanhmi laksawng chawhlawn kuang kha a zohkhenh hna.

HEBRU 8:5

Asinain cu tlangbawi hna nih rian an ṭuannak biakinn cu vancung i a ummi biakinn a mui le a thlam sawhsawh men a si. Puan biakinn kha Moses nih a ser lai tikah Pathian nih, “Tlang cung i a muisam kan hmuhsakmi bantukte khan zeizong vialte na tuah dih lai,” tiah a chimhmi bia nih khan a sawhmi cu hihi a si.

2 SIANGPAHRANG 18:15

Cun Hezekiah nih Bawipa inn chung i a ummi ngun vialte le siangpahrang inn rokuang chung i a ummi ngun vialte cu a pek dih.

2 SIANGPAHRANG 16:8

Bawipa innchung le siangpahrang inn rokuang chung i a ummi sui le ngun zong kha a lak hna i Assiria siangpahrang cu laksawng ah a kuat.

1 SIANGPAHRANG 15:18

Cun Asa nih Bawipa inn chung le siangpahrang inn chung i a tangmi ro ngun, le sui vialte kha a lak hna i a sal hna kut chungah khan a pek hna; cun Siangpahrang Asa nih cun Hezion fapa Tabrimmon i fapa Benhadad, Siria siangpahrang, Damaskas khua i a ummi sinah khan mi a thlah hna i,

1 SIANGPAHRANG 15:15

Cun Bawipa inn chungah khan a pa biakamnak laksawng hna le amah biakamnak laksawng hna, ngun, sui le umkheng hna kha a rak put hna.

1 SIANGPAHRANG 14:26

Bawipa inn chung rothil le siangpahrang inn chung rothil kha a lak hna; zeizong vialte kha a lak dih hna. Solomon nih a sermi sui phaw vialte zong kha a lak hna i

EXODUS 31:2

“Judah phun chung mi Hur fapa Uri i fapa Bazalel kha ka thim cang.

EXODUS 25:40

Tlang cung i kan hmuhsakmi pungsan ningte khan ser naa zuam lai.

1 CHANRELNAK 28:11

Khi tikah David nih a fapa Solomon cu biakinn a tual le a inn hna le a chawhlawn chiahnak hna le a cunglei khaan hna le a chungchin dal hna ruam-am le velngeihnak ṭhutdan chiahnak a khaan ca i a ruam-am cu a pek;

1 CHANRELNAK 28:19

Cun David nih aa thawh i, “Bawipa hrimhrim nih na tuah lai, tiah a ka fialmi tuahnak ding caah a ṭial in ṭialmi timhtuahnak chungah hi thil vialte hi an um dih,” tiah a ti.

EZEKIEL 40:2

Langhnak kha ka hmuh i cu langhnak chungah cun Pathian nih Israel ram ah khan a ka kalpi i a sang ngaingaimi tlang cungah khan a ka chiah i cuka ah cun keimah lei a hoihmi khuapi chung i a ummi inn bantuk inn pakhat kha ka hmuh.

EZEKIEL 40:38

Kutka innleng in vung luhnak ah khin khaan pakhat a um i cu khaan ah cun pumpek thawinak kha an ṭawl hna.

1 SIANGPAHRANG 7:51

Cuticun Siangpahrang Solomon nih Bawipa inn ca i a ṭuanmi rian vialte cu a lim. Cun a pa David nih a rak pekchanhmi thil: ngun, sui le umkheng hna kha a luhpi hna i Bawipa inn rokuang chungah khan a ken hna.

JEREMIAH 35:2

“Rekhab mi hna sinah va kal law, va chawn hna law, Bawipa inn ah a dal pakhat chungah hin rak luhpi hna; cun mitsur zu kha din awkah pe hna,” a ti.