1 CHANRELNAK 26:27 - Lai (Hakha) Common Language Bible 2006

²⁷ Raltuknak hmun i an teimi hranchaw chung khan Bawipa inn zohkhenhnak caah laksawng kha an pekchanh hna.

1 CHANRELNAK 26:27 Խաչաձեւ Հղումներ

2 SIANGPAHRANG 12:14

zeicahtiah mah tangka cu Bawipa inn a remhtu rianṭuantu hna kha pek an si.

JOSHUA 6:19

Sihmanhsehlaw sui le ngun vialte le thir le dar umkheng hna cu Bawipa ca thil thiang an si lai; Bawipa chawva chungah an lut ve lai,” tiah a ti

1 CHANRELNAK 26:26

Hi Shelomoth le a unau hna hi, siangpahrang David le an pale innchungkhar hna lu cio le a thong pawl haotu hna le a za pawl haotu hna le ralkapbu ralbawi hna nih pekchanhmi laksawng, an pekchanhmi chawhlawn vialte kha a zohkhenhtu an si.

1 CHANRELNAK 26:28

Cun hmutu Samuel le Kish fapa Saul le Ner fapa Abner le Zeruiah fapa Joab nih an pekchanhmi thil vialte — pekchanhmi laksawng vialte hna cu Shelomoth le a unau hna nih an kilven hna.

2 SAMUEL 8:11

Mah hna zong cu Siangpahrang David nih Bawipa sinah a teimi miphun vialte hna sinin a lakmi sui le ngun hna he khan hmunkhat ah, a pekchanh hna;

1 CHANRELNAK 18:11

mah thil hna zong cu Siangpahrang David nih a teimi miphun vialte hna, Edom, Moab, Ammon mi hna, Filistin mi hna le Amalek sinin lakmi sui le ngun hna he khan hmunkhat ah Bawipa sinah a pekchanh hna.

2 CHANRELNAK 5:1

Cuticun Bawipa inn caah Solomon nih a tuahmi rian vialte cu lim a si. Cun Solomon nih a pa David nih a rak pekchanh ciami thil hna kha a luhpi hna i Bawipa inn chung rokuang chungah khan ngun, sui le umkheng vialte kha a chiah hna.