1 CHANRELNAK 24:6 - Lai (Hakha) Common Language Bible 2006

⁶ Cun Levi mi Nethanel fapa Shemaiah, caṭialtu, nih khan, siangpahrang le bawi hna le tlangbawi Zadok le Abiathar fapa Ahimelek le tlangbawi hna le Levi mi hna chungkhar hna lu hna hmaika ah khan, cazin ah a khumh hna; Eleazar caah khan innchungkhar pakhat cu thim a si i Ithamar caah khan pakhat thim a si ve.

1 CHANRELNAK 24:6 Խաչաձեւ Հղումներ

1 CHANRELNAK 18:16

cun Ahitub fapa Zadok le Abiathar fapa Ahimelek cu tlangbawi an si; cun Shavsha cu caṭialtu a si;

MATTHAI 13:52

Cucaah a thawh hna i, “Phungbia cawnpiaktu saya, Vancung Pennak kong cawnpiaknak a cohlangmi cu, inn ngeitu, a thil khonnak chungin thil thar he thil hlun he a chuah lengmangtu bantuk a si,” tiah a ti.

MATTHAI 8:19

Phungbia cawnpiaktu saya pakhat kha a sinah a ra i, “Saya, na kalnak paoh ah kan zulh lai,” tiah a ti.

NEHEMIAH 8:1

Cun thla sarihnak thla a hung chuah i Israel mi hna cu an khua cio ah khan khua an sak cio tikah, mi zapi cu mi pakhat bantukin Ti Kutka timi hmai i tual ah khan an i pum i cazi Ezra kha Bawipa nih Israel mi a pekmi hna Moses phungbia cauk kha rak put awkah an fial.

EZRA 7:6

hi Ezra cu Babilonia in a hung kal. Amah cu Bawipa, Israel Pathian nih a pekmi Moses phungbia i a thiam ngaingaimi a si; Bawipa, a Pathian kut cu a cungah a um caah, a halmi vialte kha siangpahrang nih a pek dih.

2 CHANRELNAK 34:13

thil phortu hna zohkhenhtu an si i rian phun zakip a ṭuanmi hna kha hmuhsaktu an si; cun Levi mi a cheukhat cu caṭialtu le bawi le kutka cawngtu an si.

1 CHANRELNAK 23:24

Mah hna hi Levi fapa hna, an pale chungkhar ning cio ah an si; annih cu an pa le chungkhar hna lu cio, Bawipa inn rian kha ṭuan awkah, min thlak a simi kum kul ri in a cunglei hna kha an si.

1 SIANGPAHRANG 4:3

Shisha fapa hna Elihoref le Ahijah kha caṭialtu an si; Ahilud fapa Jehoshafat kha cazin ṭialtu a si;

MARKA 2:26

Abiathar tlangbawi a si lioah pei Pathian inn chungah khan a lut i Pathian hunhmi changreu a ei kha. Cu changreu cu tlangbawi dah ti lo nih cun ahohmanh nih ei phung a si ṭung lo. Cun pei, a mi hna hmanh kha a pek ve hna kha,” tiah a ti hna.

1 CHANRELNAK 24:7

Camcawhfung hmasa bik cu Jehoiarib cungah a tla, pahnihnak cu Jedaiah cungah a tla,

1 CHANRELNAK 24:31

Siangpahrang David, Zadok, Ahimelek le tlangbawi hna le Levi mi hna an pale innchungkhar lu cio hna hmaiah Aaron fapa an unau hna nih an tuah bang khan, pale innchungkhar i lu a si ciomi hna le an nau le cio nih khan, camcawhfung cu an zuh ve.