1 CHANRELNAK 23:26 - Lai (Hakha) Common Language Bible 2006

²⁶ Cucaah Levi mi hna nih puan biakinn kha siseh, a chung rianṭuannak ca i thilthuam si hna seh, an phorh a herh ti lo,” a ti;

1 CHANRELNAK 23:26 Խաչաձեւ Հղումներ

NAMBAR 4:5

Riahhmun cu pawh aa timh tikah, Aaron le a fapa hna nih an lut lai i phenhnak puanzar kha an ṭhumh lai i biahngalhternak kuang kha mah cu cun an tuam lai;

NAMBAR 7:9

Sihmanhsehlaw Kohath fapa cu zeihmanh a pe hna lo, zeicahtiah annih cu thil thiang, liang i put awk a simi hna zohkhenh kha thiah an si.

NAMBAR 4:15

Cun Aaron le a fapa hna nih hmunthiang le hmunthiang thilthuam vialte cu an khuh dih tikah, riahhmun cun aa thawh lioah, cu hnuah Kohath fapa hna cu mah hna hi zawnh awkah an ra lai, sihmanhsehlaw thil thiang kha an tawng hrimhrim hna lai lo, an thi sual hnga. Mah hna hi tonnak thlam thilri Kohath fapa hna nih an i zawnh awk hnga cu an si.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

NAMBAR 4:49

Moses in pekmi Bawipa nawlbia bangin thiah an si, anmah le an rian cio ah khan, rian ṭuan siseh, thil phorh siseh; cu bangin annih cu a rel hna, Bawipa nih Moses nawl a pek bang khan, a rel hna.

1 CHANRELNAK 23:27

zeitintiah David bia a hmanung bik bangin, Levi mi kum kul ri in a cunglei hna cu mah zat hi an si.

2 CHANRELNAK 35:3

Israel mi vialte kha a cawnpiak hna i Bawipa sinah a thiangmi Levi mi kha a thawh hna i, “Israel siangpahrang David fapa Solomon nih a sakmi inn chungah khan kuang thiang kha chia u, nan liang in nan i zawnh a hau ti lai lo. Atu cu Bawipa nan Pathian le a mi Israel mi an rian kha ṭuan tuah u.