1 CHANRELNAK 23:24 - Lai (Hakha) Common Language Bible 2006

²⁴ Mah hna hi Levi fapa hna, an pale chungkhar ning cio ah an si; annih cu an pa le chungkhar hna lu cio, Bawipa inn rian kha ṭuan awkah, min thlak a simi kum kul ri in a cunglei hna kha an si.

1 CHANRELNAK 23:24 Խաչաձեւ Հղումներ

1 CHANRELNAK 23:3

Levi mi cu, kum sawm thum a timi le a cunglei kha an rel hna i an dihlak ah sang thum le thong riat an si.

NAMBAR 10:21

Cun Kohath mi cu an i thawh i thil thiang kha an zawnh i an phanh hlanah puan biakinn kha an rak dirter cang.

NAMBAR 10:17

Cun puan biakinn cu an ṭheh tikah, puan biakinn a putu hna Gershon fapa hna le Merari fapa hna kha an i thawh.

NAMBAR 4:3

kum sawm thum ri in kum sawm nga tiang, rian ah a lut khomi vialte, tonnak thlam chung i rianṭuan awkah rel hna u.

EZRA 3:8

Jerusalem Pathian inn ah a ummi ah an rat a kum hnihnak, a thla hnihnak thla ah, Shealtiel fapa Zerubbabel le Jozadak fapa Jeshua nih an unau tlangbawi hna le Levi mi hna, sal taannak chungin Jerusalem ah a ra cangmi vialte hna he khan, hramthawknak an tuah. Levi mi cu, kum kul ri in a cunglei kha Bawipa inn rianṭuannak i zohkhenhtu ah an thiah hna.

NAMBAR 8:24

“Mah hihi Levi mi hna covo cu a si: kum kul le kum nga ri in a cunglei nih tonnak thlam chung i rian kha ṭuan awkah an lut lai;

1 CHANRELNAK 23:27

zeitintiah David bia a hmanung bik bangin, Levi mi kum kul ri in a cunglei hna cu mah zat hi an si.

NAMBAR 3:47

pakhat ah shekel panga lengmang na lak lai; hmunthiang shekel ning i rel in, shekel pakhat i gerah pakul a simi kha, na lak hna lai;

NAMBAR 3:20

Cun Merari fapa hna cu an chung cio ningin: Mahli le Mushi. Mah hna hi Levi chungkhar hna cu an si, an phun ning cio ah.

NAMBAR 3:15

“Levi fapa cu rel tuah hna, an phun ningin le an chung ningin; pa paohpaoh, thla khat ri in a cunglei na rel hna lai,” tiah a ti.

NAMBAR 2:32

Mah hihi Israel mi hna cu an phun cio ah rel tikah an si; riahhmun hna ah a ummi vialte an bu cio ah relmi cu sing ruk le thong thum, za nga le sawm nga an si.

NAMBAR 1:22

Simeon mi hna cu, an tefa hna, an chungchung in, an phunphun in, min thlakmi hna cu, an min zat ningin, pakhat hnu pakhat in, kum kul ri in a cunglei pa paohpaoh, phawnam tlai kho vialte:

NAMBAR 1:18

Bawipa nih Moses cu nawl a pek bangin, thla hnihnak thla ni khatnak ni ah cun, a chungchung in, a phunphun in, kum kul ri in a cunglei an min zat ningin, pakhat hnu pakhat in, min aa thlami hna cu, Israel mibu cu a ning piin an pumh hna.

NAMBAR 4:23

kum sawm thum ri in kum sawm nga tiang, na rel hna lai, rianṭuannak ah a lut khomi vialte, tonnak thlam chung i rian ṭuan awkah.

1 CHANRELNAK 23:23

Mushi fapa hna: Mahli, Eder le Jeremoth, pathum an si.

2 CHANRELNAK 31:17

Tlangbawi pawl an min an thlak hna ning cu an pale innchungkhar ning cio khan a si i Levi mi, kum kul in a cunglei hna cu an bawi hna ningin, an bu an bu ning cio ah a si.

NAMBAR 18:5

Cun nannih nih hmunthiang rian le biakṭheng rian cu nan bultawl lai, Israel mi cungah thinhunnak a um ti nakhnga lo.

NEHEMIAH 7:1

Kulhnak vampang kha kan lim i innka kha ka bunh hna i kutka cawngtu hna le hlasatu hna le Levi mi hna kha ka thiah dih hna tikah,