1 CHANRELNAK 23:13 - Lai (Hakha) Common Language Bible 2006

¹³ Amram fapa hna: Aaron le Moses. Aaron cu amah le a fapa hna nih zungzal in Bawipa hmaiah zihmui kha an khangh i amah rian kha an ṭuan i amah min in zungzal in thluachuah peknak an chim nakhnga, Aaron cu a thiang bikmi thil hna kha pekchanh awkah thleidan a si.

1 CHANRELNAK 23:13 Խաչաձեւ Հղումներ

DEUTERONOMI 21:5

Cun Levi fapa hna, tlangbawi hna kha hmaiah an ra chuak lai, zeitintiah Bawipa nih amah rian ṭuan awkah le Bawipa min in thluachuah pek awk caah a thim cang hna i, an bia in tazacuainak vialte le i tukdennak vialte cu biachah a si lai.

EXODUS 6:20

Amram nih a pa far Jokhebed kha a ṭhit i Aaron le Moses kha a hrin hna. Amram cu kum za le sawm thum le kum sarih a nung.

1 SAMUEL 2:28

Cun amah cu ka biakṭheng i hung kal awk le zihmui khangh awk le keimah hmai i tlangbawi angki i hruk awkah, Israel mi phun vialte chungin ka tlangbawi si awkah ka thim; cun na pa chungle hna sinah cun Israel mi sinin ka hmuhmi mei in khanghmi pekchanhnak vialte kha ka pek.

BIAPHUAN 8:3

A dang vancungmi pakhat, zihmui khanghnak umte pakhat aa putmi kha a ra i biakṭheng pawngah cun a ra dir. Pathian mi hna an thlacamnak i toih awkah le bawiṭhutdan hmai i a ummi sui biakṭheng cung i khangh awkah zihmui tampi an pek.

HEBRU 5:4

Ahohmanh anmah le anmah Tlangbawi Ngan ah an i thim kho lo. Aaron cu Pathian nih a kawh i Tlangbawi Ngan ah a can bantuk khan, Pathian kawhnak lawnglawng in Tlangbawi Ngan ah an cang kho.

GALATI 1:15

Sihmanhsehlaw Pathian nih a ka zaangfah caah, ka chuah hlan khan a ka thim i amah rian ṭuantu dingah khan a ka auh. Cun Jentail mi hna sinah Thawngṭha cu ka chim nakhnga,

ROM 1:1

Khrih Jesuh sal le Pathian nih a Thawngṭha chim awkah a thim i a auhmi lamkaltu keimah Paul nih ca kan kuat hna.

LAMKALTU 13:2

Annih nih Bawipa kha an biak i rawl an ulh lioah khan, Thiang Thlarau nih a thawh hna i, “Barnabas le Saul hi, ka thiahmi hna rian kha an ṭuan nakhnga, a dang tein ka chiahpiak hna u,” tiah a ti.

LUKA 1:9

Tlangbawi hna nih an zulhmi phungning in, biakṭheng cung i rimhmui khangh awkah khan amah cu camcawhfung zuh in an thim. Cucaah Bawipa Biakinn chungah khan a vung lut.

SALM 106:16

Thetse ram ah cun Moses kha an nahchuah, Bawipa sal thiang Aaron zong kha an nahchuah;

SALM 99:6

Moses le Aaron cu a tlangbawi an si, Samuel cu a sinah thla a rak cammi pakhat a si; Bawipa cu an auh i a leh hna.

1 CHANRELNAK 6:3

Amram fale hna: Aaron, Moses, le Miriam. Aaron fapa hna: Nadab, Abihu, Eleazar, le Ithamar.

NAMBAR 26:59

Amram nupi min cu Levi fanu Jokhebed a si i Izipt ram ah Levi nih a hrinmi a si; cun Amram cu Aaron le Moses le an far Miriam a hrinpiak.

NAMBAR 18:1

Cucaah Bawipa nih Aaron cu a chawnh i, “Nangmah le na fapale hna le na phunhawi hna nih hmunthiang he a pehtlai in ṭhat lonak cu nan in lai; cun nangmah le na fapale hna nih tlangbawi nan sinak he aa pehtlai in ṭhat lonak cu nan in lai.

NAMBAR 3:27

Kohath cu Amram chung le Izhar chung le Hebron chung le Uzziel chung thlatu a si; mah hna hi Kohath chung hna cu an si.

LEVITIKAS 10:10

Nannih nih a thianghlim le zaran tawnghmi, cun a thianglo le a thiang kha nan thleidan lai i

EXODUS 29:44

Pumhnak thlam le biakṭheng kha thil zarh ah ka ser hna lai i Aaron le a fapa hna cu ka tlangbawi rian ṭuan awkah ka thianter hna lai.

1 CHANRELNAK 23:12

Kohath fapa hna: Amram, Izhar, Hebron, le Uzziel, pali an si.

EXODUS 28:36

“Cun sui thiang in ṭamhnak pakhat na ser lai i a cungah, “Bawipa sin pekmi” tiah na ṭial lai.

DEUTERONOMI 10:8

Khi caan ah, Bawipa biakamnak kuang put awk le amah min in thluachuah pek le amah ca rianṭuan awk i Bawipa hmai i dir awkah, Bawipa nih Levi phun cu nihin tiang aa thleidan hna.

1 CHANRELNAK 6:34

Samuel cu Elkanah fapa a si, Elkanah cu Jeroham fapa a si, Jeroham cu Eliel fapa a si, Eliel cu Toah fapa a si,