1 CHANRELNAK 22:19 - Lai (Hakha) Common Language Bible 2006

¹⁹ Atu cu Bawipa nan Pathian kha nan ruahnak le nan lungthin in biatak tein kawl tuah u. Bawipa biakamnak kuang le Pathian umkheng thiang hna cu Bawipa min ca i sakmi inn chungah khan luhpi an si nakhnga, tho u law Bawipa Pathian i hmunthiang cu sa tuah u,” tiah a ti hna.

1 CHANRELNAK 22:19 Խաչաձեւ Հղումներ

1 CHANRELNAK 28:9

“Cun nang, Solomon ka fapa, na pa i a Pathian hi hngal law lung ṭengnge lo te le a tha a thomi ruahnak he a rian ṭuan tuah; zeitintiah Bawipa nih cun lung vialte cu a purh dih ko i tinhmi le ruahnak vialte cu a hngalh dih. Amah cu na kawl ahcun na hmuh lai; sihmanhsehlaw amah cu na hlawt ahcun zungzal in an hlonh ko lai.

DEUTERONOMI 4:29

Sihmanhsehlaw khika ah Bawipa nan Pathian cu nan kawl lai i, nan lung vialte le nan ruahnak vialte in amah kha nan kawl ahcun nan hmuh lai.

1 CHANRELNAK 16:11

Bawipa le a ṭhawnnak kha kawl tuah u, A hmai kha kawl lengmang tuah u!

SALM 27:4

Bawipa cu thil pakhat ka hal, ka duhmi thil cu pakhat lawnglawng a si ko; cucu ka nun chung vialte Bawipa inn chung i um le a ṭhatnak kha khuaruahhar in zoh le amah kha lam ka hruai tuah tiin hal cu a si.

1 CHANRELNAK 22:7

David nih Solomon cu a thawh i, “Ka fapa, Bawipa ka Pathian min thangṭhatnak ca i inn sak cu ka lung chungin ka rak i ruahchihmi a si.

2 CHANRELNAK 5:7

Cuticun tlangbawi hna nih khan Bawipa biakamnak kuang cu a umnak ding hmun, inn chung chungchin hmunthiang, a thiang bik hmun, cherubim hna thla toiah khan an luhpi.

1 SIANGPAHRANG 8:6

Cun tlangbawi hna nih khan Bawipa biakamnak kuang cu amah hmun ah inn chung chungchin hmunthiang, hmunthiang bik, cherubim hna thla toiah khan an chiah.

1 SIANGPAHRANG 8:21

Cun Izipt ram in a chuahpi hna tikah kan pupa hna he Bawipa nih a rak sermi biakamnak a umnak kuang caah khan, khika ah hmun pakhat ka tuah,” tiah a ti.

LAMKALTU 22:16

Cucaah zeicahdah sau deuh ngan a herh? Tho law tipilnak ing ko, amah min na auhnak thawngin na sualnak vialte kha i thianh ko,’ tiah a ka ti.

2 CHANRELNAK 6:11

Cun Israel mi hna he Bawipa nih biakamnak a tuahmi khumhnak kuang kha khika ah cun ka chiah cang,” tiah a ti.

2 CHANRELNAK 20:3

Khi tikah Jehoshafat cu a thin a phang i Bawipa kawl awk kha aa tim i Judah ram chung vialte ah khan rawl ulhnak a thanh.

1 SIANGPAHRANG 5:3

“Bawipa nih a keza tangah a chiah hna hlantiang a ral hna nih a kenkip in an dum caah, ka pa David nih Bawipa a Pathian min caah inn a sa kho lo ti kha na hngalh.

LAMKALTU 11:23

A va phak i zeitluk in dah Pathian nih annih kha thluachuahnak a pek hna ti kha a hmuh tikah a lung aa lawm i annih cu an dihlak tein Bawipa cu an lungthin a dihumnak in i tlaih awk le a sinah zumhawktlak tein um awk kha a forh hna.

HAGGAI 1:5

Cucaah hihi ralkapbu Bawipa nih a chimmi bia cu a si: Nan umtuning hi ruat hmanh u.

DANIEL 9:3

Cun Bawipa Pathian sinah cun nawlnak in le rawl ulhnak in le buri puan i aih in le vutcam i phulh in thla ka cam i hi bangin sualphuannak kha ka tuah:

ISAIAH 60:1

Tho tuah, Jerusalem, ni bantukin tlang tuah; Bawipa sunparnak cu na cungah a tlang!

1 CHANRELNAK 22:16

sui siseh, ngun siseh, dar siseh thir siseh ser a thiammi na ngei ko hna. Tho law ṭuan colh ko! Bawipa cu na sinah um ko seh!” tiah a ti.

SALM 14:2

Minung lakah hin a fimmi le keimah a ka biami an um hnga maw ti hngalh duh ah Bawipa nih vancung khin a run zoh hna.

JEREMIAH 29:13

Nan ka kawl tikah nan ka hmuh lai; nannih nih nan lung dihlak in nan ka kawl tikah

EXODUS 25:8

Biakinn pakhat an ka serpiak lai i cuticun an lakah ka um lai.

1 CHANRELNAK 16:10

A min thiang cu sunparnak ah hmang u, Bawipa a kawlmi hna lung kha i lawm hna seh!

HAGGAI 1:8

Tlang ah khin hung kai u law thing hung la u law ka sunparnak ka langhter khawh nakhnga ding, ka ca i aa tlakmi inn pakhat in sa tuah u, tiah Bawipa nih a ti.