1 CHANRELNAK 21:30 - Lai (Hakha) Common Language Bible 2006

³⁰ sihmanhsehlaw David cu Bawipa kha va hal awkah a hmaiah cun a kal kho lo; zeicahtiah Bawipa vancungmi vainam kha a ṭih.

1 CHANRELNAK 21:30 Խաչաձեւ Հղումներ

BIAPHUAN 15:4

Bawipa, ahodah nangmah ṭih loin a um ngam lai? Na lianngannak chim duh loin ahodah a um lai? Nangmah lawng a thiangmi na si. Miphun vialte nih na hmaiah an ra lai i an in biak lai, Thil ding na tuahmi kha mi vialte nih hmuh a si caah,” an ti.

BIAPHUAN 1:17

Amah cu ka hmuh tikah mithi bantukin a ke hramah ka tlu. A orhlei kut in a vun ka tawngh i, “Na thinphang hlah! Kei cu hmasa bik le hmanung bik kha ka si.

JEREMIAH 10:7

Maw miphun vialte hna Siangpahrang, Nangmah cu ahodah ṭih loin a um hnga? Zeicahtiah nangmah cu ṭih awk tlak hrimhrim na si; Miphun a fim bikbik hna lak le an bawi bikbik hna lakah, Khuazei tal ah nangmah bantuk hi hmuh khawh an si hnga maw?

JEREMIAH 5:22

Nan ka ṭih lo maw? tiah Bawipa nih a ti; Ka hmaiah nan tha a ther lai lo maw? Rili caah thetse kha ramri ah a chia i A lonh khawh lo zungzalmi dawntu a caah a chiatu keimah hmaiah hin nan tha ther loin maw nan um ko lai? Rili tilet cu an tho ko lai, sihmanhsehlaw an lonh kho lo; Tilet cu an awn ko lai, sihmanhsehlaw an pah kho lo.

SALM 119:120

Nangmah kan ṭih caah a ther in ka ther, na biakhiahmi hmaiah cun khuaruahhar in ka dir.

SALM 90:11

Na thinhunnak hmual cu aho nih dah fiang ngaingai in an hngalh? Na thinlinhnak nih zei bantuk thil ṭihnung dah a chuahter khawh ti kha aho nih dah an hngalh?

JOB 23:15

Cucaah amah ton cu ka ṭih i amah kong ka ruah tikah ka thin a phang.

JOB 21:6

Ka cung i a tlungmi hi ka ruah tikah ka lung a dong i ka tha a ther,

JOB 13:21

Ka sin hin na kut cu la ṭhan law Na ṭihnunnak nih hin ka thin ka phanter hlah seh.

1 CHANRELNAK 21:16

Cun David nih khua a hun zoh i van le vawlei karah Bawipa vancungmi a dir kha a hmuh, a kut in vainam phawi cia aa put i Jerusalem lei kha a sawh. Khi tikah David le upa hna cu buri an i aih i vawlei ah an bawk.

1 CHANRELNAK 13:12

Cun David nih Pathian cu khi ni ah a ṭih i, “Zeitindah inn ah ka sinah Pathian kuang cu ka ratpi khawh lai?” tiah a ti.

2 SAMUEL 6:9

Cun David cu khi ni ah Pathian kha a ṭih i, “Zeitindah Bawipa kuang cu ka sinah a rat khawh lai?” tiah a ti.

DEUTERONOMI 10:12

“Kha! Israel, Bawipa na Pathian nih an fialmi cu zeidang si loin, Bawipa na Pathian ṭih le, a lam vialte kha zulh le, amah kha dawt le, Bawipa na Pathian cu na lung dihlak le na ruahnak dihlak in a rian ṭuan le,

1 CHANRELNAK 21:29

Zeitintiah ramlak ah Moses nih a sermi Bawipa puan biakinn le khangh thawinak biakṭheng hna cu khi caan ah khan Gibeon i khuahrum bo ah khan an um ko;

1 CHANRELNAK 22:1

Cun David nih, “Hika ah hin Bawipa Pathian inn cu a si lai i hika ah hin Israel mi ca i khangh thawinak biakṭheng cu a si lai,” tiah a ti.