1 CHANRELNAK 21:24 - Lai (Hakha) Common Language Bible 2006

²⁴ Sihmanhsehlaw Siangpahrang David nih Ornan cu, “Asilo, a man tling tein kan cawk ko lai; Bawipa caah nangmah ta a simi cu ka la lai lo i a man zeihmanh ka liam lomi khangh thawinak zong ka pechan lai lo,” tiah a ti.

1 CHANRELNAK 21:24 Խաչաձեւ Հղումներ

GENESIS 23:13

mi vialte nih thei kho hna seh tiin Efron cu a thawh i, “Na duh ning cun si sawh seh; cucaah cun ka bia hi ngai tuah: lo cu a ningpi in kan cawk lai. Cun a man kan pekmi cu ka cohlang law ka nupi cu cuka ah cun ka vui lai,” a ti.

GENESIS 14:23

na thil a simi paohpaoh, la fang pakhat le phanah hri tiangin zeihmanh kaa lak lai lo, ka ti. Cucaah cun nang zong nih zeitikhmanh ah, “Abram cu keimah nih pei ka rumter ko cu,” na ti kho ve lai lo.

ROM 12:17

Mi nih nan cungah ṭhat lonak an tuah ahcun ṭhat lonak in va lehrul hna hlah u. Mi vialte nih a ṭha tiah an ruahmi kha tuah i zuam u.

2 SAMUEL 24:24

Sihmanhsehlaw siangpahrang nih Araunah cu a thawh i, “Asilo, a man in kan cawk ko lai, zeicahtiah Bawipa ka Pathian sinah, a man zeihmanh ka liam lomi khangh thawinak cu ka pechan kho hna lai lo,” tiah a ti. Cucaah David nih phuhri le cawtum cu ngun shekel sawm nga in a cawk hna.

1 CHANRELNAK 21:23

Cun Ornan nih David cu, “I lak tuah; cun siangpahrang ka bawipa nih a ṭha a timi paoh kha tuah ko seh; zohhmanh cawtum hna cu khangh thawinak caah, cun rawl velhnak fung hna cu thing caah, cun changvut cu changvut thawinak caah kan pek. A dihlak in kan pek dih,” tiah a ti.

1 CHANRELNAK 21:25

Cucaah David nih Ornan cu cu hmun caah cun sui shekel za ruk a thlai i a pek.

GENESIS 23:9

amah ta a simi Makpelah lungkua kha ka zuarh seh. Cu lungkua cu a lo kam i a ummi a si. Nan hmaika hrimhrim ah hin a man tling tein a ka zuarh nakhnga ka nawlpiak u law kei nih vuinak hmun kaa ngeih ve lai,” tiah a ti hna.